قصيدة ثويمر العجوني بحفل الشيخ سعدون عابس القعبوبي

هذي القصيده قالها الشاعر/ثويمر بن هديرس العجوني الرشيدي
بحفل زواج/سلطان سعدون القعبوبي الرشيدي
وتكريم الشاعر سعدان عابس القعبوبي
في بريده يوم الخميس الموافق 5/10/ 1433هـ

حضرت ياسعدون في حفلتكم=ولي الشرف في تلبية دعوتكم
ومحضر ٍ جزل القصيد الوافي=ابيات شعر تليق في حضرتكم
ابارك لسلطان في مبداها=ياالله عساها دائمه فرحتكم
يالعزوة اللي طيبكم نفخربه=ترى علينا واجبه مدحتكم
ياابناء الصويب فعولكم ماتجهل=كل الفعول الطيبه عادتكم
الطيب فيكم ورث ياأهل القوداء=المجد من جدانكم ورثتكم
تمشون بدروب الشيوخ الأولى=حرموس والشيخ عبلي قدوتكم
المدح فيكم ينفتح لي بابه=لأن الشجاعه والكرم ميزتكم
انـتم هـل القوداء حماة التالي=من روس قومن عاليه همتكم
ولاهان راع الخفج هو وامثاله=الاشقح المنصوب في ديرتكم
شيخ ٍ تورث طيب من جدانه=له هيبة ٍ لاتقل عن هيبتكم
تستاهلون المدح يوم أقوله=وياكثر من غيري مدايح جتكم
انتم بني قعبوب سيف ومنسف=من خلقة الدنيا شرف سمعتكم
تثنون دون اللي يدورفزعه=وقت اللوازم بينه فزعتكم
لاجاكم المحتاج فقره ولى=كم من فقيرن عاش من مدتكم
لاصحابكم غيث وجناب ٍ لين=وعلى المعادي واضحه قسوتكم
والله مااقول علوم مااثبتها=على خصماكم ياثقل وطيتكم
يومن ابن زبنه حداه الحادي=عنز عليكم خابرن وقفتكم
يوم العداء ضفت حلاله كله=كب القبائل وارسل لعزوتكم
ثم استعديتم شباب وشايب=من شان ابن زبنه مشت غزوتكم
بقيادة خنيفر عقيد اللابه=وقت اللقاء مابينت ذلتكم
من فعلكم ذوده رجع بمراحه=كسابته عقب الطمع طاعتكم
ماهو بحبت خشم غصبن طيب=قالوا لاعادة ساعة ٍ جابتكم
هذأ دليل ان الشجاعه فيكم=شجعان ماعمر العداء ضامتكم
انتم بني قعبوب عز وهيبه=دائم وهي مرفوعة ٍ رايتكم

******** type="text/**********">doPoem(0)***********

صح السانك وعتلاشانك

صح لسانك ثويمروافي والطيب من عداتك وعيال قعبوب تستاهل

ابونايف صح السانك وبيض الله وجهك يستاهلون عيال عابس وربعهم كل خير
قصيده جزله من جزل شكرا لك

صح السانك يابو نايف الوفاء طبعك وجزل القصيد عداتك وابو سلطان يستاهل وربعه يستاهلون المدح ادام الله لنا ولهم الافراح والمسرات وجميع المسلمين

شكراً لكم جميعاً على المرور المشرف

ابونايف صح السانك وبيض الله وجهك وشهادتي فيك مجروحه
يستاهلون عيال عابس والقعابيب المدح وهم اهخله
قصيده جزله من جزل وتستاهل البشت
وتزهاه يابونايف وهم يفعلونها