’ خلّ نفــترق تكفين ......... واحنــا عزيزيــن ’

12-13-2008, 01:17 AM

مدخل :

بـ إسم ثاني تناديني تقول المخطي لسانك ،

حسافه .. كيف ما قدّر " لسانك "قلبي العاني ؟

تقول إنّه خطا منّك تذكّرت أكبر إخوانك !

وأنا إللي من كثر حُبي أنادي بـ إسمك إخواني !

خل نفترق تكفين .. و إحنا عزيزين

مدام قلبك صار ( قاسي و جاحد ) !

ماكنت لك [ واحد ] أساوي ملايين ؟

وشلون خنتيني على شان [ واحد ] !

الحين .. وش بعد الخيانه و بعدين ؟

شفتك معاه بعيني واللــه شاهد !

و مدام ( قلبك ) قادر يحب شخصين

ماهي غريبه .. لو تحبين { واااجد } !

تقولين لي : راشد ! بـ إسمي تغلطين

وتنادينه : أحمد ليه ؟ هو إسمه : راشد !

مثلك يشوف الحُب لعبه وتخمين ،

ومثلي يحب ، وعنده الحُب خالد !

إنتي الوحيده وسط قلبي ، وتدرين ..

ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،

وإلا شعوري من هـ الأبيات زاهد !

يالله ، فمان اللــه ما أبي تردين

إنتي { خطايا } والخطا منّي - وارد

إنسانه حلوه صح .. بس ، ما تحسين !

وطبيعي [ قلبي ] من جروحك .. يباعد ..

صيري فـ مكاني وشوفي شنهو تسوين ؟

ياللي في قلبك [ شوق ] الأحباب .. بارد !

رايح أنا .. ولا تسأليني على وين ..

منّي لك أقرَب صار " كوكب عطارد " !

مخرج :

بعد لا تنطق بكلمه ولا تورّيني : [ برهانك ] ،

يا خوفي تغلط بـ إسمي وتزوّد ثورة أحزاني

أنا ملّيت أطوّف لك وأقول المخطي لسانك ..

بغيّر إسمي من : أحمد .. إلى : مجنونك الثاني ..

للشاعر ..................//

أحمد الصانــــع ,,

12-13-2008, 02:09 AM

صح لسان قايله وسلم من نقله

يعطيك العافيه على نقل ابداع رائع

تحياتي

12-13-2008, 10:35 AM

صــح لسان قايلها ..

وســلم بنان ناقلها..

لا حُرمنا روعة طُروحاتكِ الرائعه

دمتِ بخير مع التحيه

دلوعته

12-14-2008, 03:39 PM

صح لسان قايلها

وسلمت انامل ناقلها

النقل روعه والناقل اروع

والخيانه امر واسوى

والحب انبل واصفى

والقلب واحد وبه واحد

ولايقبل القسمه ع اثنين

هذيان عاشق ومغرم

عاش بالحب ولم يسلم امتلى قلبه حب وغرام

اشكررررررررك ع النقل الرائع

وع الجهد الجبار يعطيك العافيه

تقبلي مرووووري
<<<<<<<<<<<<<<<<<<<<<<<<<أسير الحب:d<<<<<<<<<<<<