الحالة
قصيدة الشاعر / فهد بن راكب المضيبري الرشيدي ياللي حضرت الحفل عند ابن براك *** حياكم الله عند شيخ العشـــيره شيخاً لك العالم يلبـــون دعـــــواك *** وبلازمه ياتــون من كل ديــره اهل البويضا بالقاء تــــرد الادراك *** تعز السلوم وينطحون المغــيره يعيش الضعيف وللمضاعين فكاك *** بالوقت الاول والاوقوت الاخيره ليا كبرت القــــــالات كلاً تنــصاك *** تحلون صعبات الامور العســيره ويوم المعانــــد بين ذولا وذولاك *** بين القبـــائل والمواقف خطــيره احماة منهو بالمهمـــات ينخـــاك *** يوم اجتماع الوارده والصــــديره لياجاء النذيروقال جاك ابن براك *** تلقاء عقيد القوم يخلف شـــويره واليوم عـــم الامن يالله بحمـــاك *** تحمى الملوك موحدين الجزيــره خلوك يابن ادم تهنــى بدنيـــاك *** والا تروح من الضحــايا الكبيــره ياللي لفيت الحفل حيــاك حيــاك *** عند ابن مطنــي والوجيه السفيره
يستاهل ابو طلال المدح قول وفعل الله يطول عمره على طاعته وصح السان الشاعر فهد بن راكب وبيض الله وجهك يا الشيخ ابن المخيريش
صح السان الشاعر فهد بن راكب.