نبذه عن الشاعر القادم بقوه مستقبل عبس / حمود البراك
الأسم: حمود راشد خنيفر البراك الرشيدي
ولا ننسى ان عمه العمده الشااعر الكبير // ناصر خنيفر البراك.
العمر:18 عاما
بدايته: صيف 2008
شاعر نظم ومحاوره ، له عده محاورات مع شعراء مثل ذيب الشمري وأحمد الاسلمي وفيصل الطشه ومحمد العويمري وشعراء كثيرين لاتحضرني اسمائهم ، اما عن النظم له قصائده كثيره واخترت لكم بعضها ،،
البدايه في قصيده العنا والغرابيل
#!
لاوهـنـي الـلـي مــن الـهـم خـالـي مـاذاق لـوعـات العـنـا والغرابـيـل
يضحك وقلبة مادرى وش جرالـي لاهوعـرف وقـت النـكـد والتهـاويـل
ليتـة يحـس بلوعتـي كيـف حالـي هو يحسب ان الهـم مثـل التعاليـل
عــز الله انــة مافـقـد حــر غـالــي فيه السهر والهم عكس التساهيل
عكس الفرح لاصار ضدي وصالي مثل الحطب بالنار وقت الصهاليل
قلبي حطـب نـاره مـن اول وتالـي مسكيـن ياقلـب الشـقـا والتناحـيـل
غيـر الـذي مرتـاح قلـبـة وسـالـي عايش وقلبـة بالطـرب والمواويـل
لاشـك مـا يطـري مثـل مـا طرالـي سـاري وهمـي مـادروبـة مهابـيـل
ونور الصبح قرب وانا في خيالـي ودرب الوناسة والفرح بالمحابيـل
محـدن قنـص قلبـي بحبـة وشالـي غـيـر الحبـيـب مفرقيـنـة عـواذيـل
متعـقـدن دربــة يـمـيـن وشـمـالـي يـا الله تجيـبـة بالليـالـي المقابـيـل
وشهد بحبة صـار لـي راس مالـي مثل الذي توة رضيـع الزهاميـل
(( عـزي لقلـبن ))
عزي لقلبن مع الهاجـس معنينـي
وعزي لعينن تمنى شـوف غاليهـا
ياغاية الـروح تكفـى لاتجافينـي
ارجع ترى عفت انا الدنيا ومافيهـا
والله ماخنت عهد ٍ بينـك و بينـي
حتى تسوي سـواه ٍ فـي تسويهـا
يوم اتصل بك علامك ماتحاكينـي
واحرمتي الروح من صوت ٍ يسليها
خذ ماتبي ياغايه الروح واعطينـي
قربك ترى روح ياشـوق يغنيهـا
وكانك قطعت الوصل مابينك وبيني
ياحول عقبك حياتي من يواسيهـا
(( ألاياريــح)) مرثيه باوالده رحمة الله عليه ألا يـاريـح بـلـغ لــه سـلامــي
بـراد الجنـه ياطيـر الحمـامـي
عسـى روحـي ابدلهـا بروحـه
بياض الكفن ياريـح الخزامـي
عسى منزلته عند ربـه رفيعـه
عفيف ٍ طاهر ٍ وبـل الوسامـي
اشوف الكون من عقبه ولونه
مثـل عـبـد ٍ ينـاجـي للقيـامـي
ألا ياوقت ويـن الشايـب اللـي
يزهـب دلــه وقــت الجهـامـي
عسـى ربـي يغفـر لـه ذنـوبـه
يناجي ربه صاحي مـا ينامـي
قـدر كـل ٍ ماشـي فـي طريـقـه
سبحانـه عـد همـال الغمـامـي
(( المسافر))
ليت المسافر قبل لايروح ودعني من يوم راح الحبيب الروح تعبانه
ودي بشوفه وشوقي له يعذبني شوقي يريده ويريد ينام باأحضانه
حبه تربع وسط قلبي ويسكني وسط الحشا منزله والعين شفقانه
ادعي عسى الله يصبرني ويمهلني مااغير افكر واقابل سور جدرانه
يمكن ظروف القدر عنك تبعدني شر النفوس الضعيفه الحقد واعوانه
العين والقلب والاشواق تجبرني اليا ذكرتك يهز البيت واركانه
يسبقني الوقت والايام تسبقني ابنتظر رجعته بالليل والوانه
(( العام الاول)) القلب يعلن تراها الروح ولهانه والعين تشكي علامه مايناظرني
العام الاول عليه النفس شفقانه واليوم حتى بعلمه مايعلمني
مدري علامه تغير صك بيبانه!! وشلون ابنساه قلبي مايطوعني
مااغير افكر واقابل سور جدرانه حتى في نومي وحلمي مايفارقني
قريباً ننقل لكم بعض المحاورات والقصائد الجديده أخــوكم وليد البراك
حاصل على ترخيص من وزارة الثقافه والاعلام السعودي
نبذه عن الشاعر حمود البراك ،،، ,,,.
العرض الشجري