ياوادي الاحباب ماشفـت الاحبـاب / العمده

السلام عليكم ورحمة الله وبركاته
مساكم الله بالخير
والله اني طليت ابو تركي القصيده هاذه وانه ماقصر بيض الله وجه
بالصراحه ان هذه القصبيده اعجبتني مره
وحبيت انزله لكم

ياوادي الاحباب ماشفـت الاحبـاب=ماشفتلي من جملة البيض محبـوب
عسى يجيك مـن الهماليـل نهـاب=برقه ينوض وصافي المي مسكـوب
اقفا وليفن خاطـري مـن ماطـاب=اقفا وخلاني وانـا منـه مصيـوب
عليه اجاوب ساجع الورق وانجـاب=ونات قلب ومن نداء اللعين مصحوب
تقطعت مـن بينـا كـل الاسبـاب=لاعلم ياصلنـي ولا جـاه منـدوب
عزاه يابعـدن منـه سكـر البـاب=حساد قومن بالوفا ماقضـا النـوب
ان انقطع ياسيـد تلعـات الارقـاب=حبل الرجا كدر صفا كل مشـروب
لاشك اسال اللي لـلارزاق جيـاب=ربن عقل يوسف على ابوه يعقـوب
يلـم شملـن شتتـه كـل كــذاب=اهل النمايم شاذبـت كـل عرقـوب
الله لايثـري ثـراء كـل كــذاب=كنه على تفريق الاحباب مغصـوب
من بعدكم ياحباب وسط الحشـا ذاب=قلبي ومايجري من الـرب مكتـوب

الشاعر العمده/ناصر خنيفر البراك

مشكوووووور والله يعطيك الف عافيه

الله الله مبدع ياابو تركي
وشكوررررررررر على نقل اخوي
واليد البدر

اقتباس:
المشاركة الأصلية كتبت بواسطة أحمد المهيمزي
مشكوووووور والله يعطيك الف عافيه



شكرا لمرورك على موضوعي وهذا شرف لي ووسام على صدري

اقتباس:
المشاركة الأصلية كتبت بواسطة العاقل
الله الله مبدع ياابو تركي
وشكوررررررررر على نقل اخوي
واليد البدر



شكرا لمرورك على موضوعي وهذا شرف لي ووسام على صدري

شكرا لك اخوي وليد على اقتطاف تلك الرائعه ..

ومن شاعر رائع تأتي الابيات له طوعا ابو تركي ..

وقصيده رائعه ..

ولكن عتبي عليك بما انك مراقب ولا تنسق القصيده بالشكل الصحيح .. (يزعل ابو تركي )

وتقبل اجمل تحيه ..

اقتباس:
المشاركة الأصلية كتبت بواسطة بدر البراك
شكرا لك اخوي وليد على اقتطاف تلك الرائعه ..

ومن شاعر رائع تأتي الابيات له طوعا ابو تركي ..

وقصيده رائعه ..

ولكن عتبي عليك بما انك مراقب ولا تنسق القصيده بالشكل الصحيح .. (يزعل ابو تركي )

وتقبل اجمل تحيه ..




والله يابو عياد القصيده عيت تتنسق معي مادري وش فيه اليوم