اليكم هذه القصيده للشاعر /محمد الاحمد السديري يرحمه الله /عسى ان تنال على اعجابكم

شىءٍ بقلبـى يامـلا حايـرٍ فيـه=شىءٍ تحير به العقـول الفهامـي
مخفيه بفـوادى و لا ودى ابديـه=وادور الخيـرات شـرقٍ وشامـي
احترت به ما شفت شىءٍ يحاليـه=واليوم أنشد عنـه مانـى بكامـي
سيلٍ حدر مع وادىٍ غيـر واديـه=مـدرى حـلالٍ مـاه والا حرامـي
كانه حلالٍ جايـزٍ شـرب صافيـه=وش حلله يامفسريـن الحـلامـي
هاتوا تفاصيلـه وهاتـوا معانيـه=نبى الدليل اللـى عليـه الكلامـي
نبي دليلٍ يفهـم الـدرب ماشيـه=يمشي به التايـه بليـل الظلامـي
يمشي به التايه ويقـدى مواطيـه=ويشرب قراح الما ليا صار ضامي
لاشك هجسي يوم خـلا مماشيـه=انـه حـرام ومنـه زود الاثامـي
احرم من الزقـوم مـره وحاليـه=وشربه على الضامى يزيد الهيامي
الله مـن قلـب همومـه تقـزيـه=تدك بـه مثـل الجـراد التهامـ
من ما جرى قامت تتلـه مشاحيـه=تل الرشا من فوق هدف المقامـي
روابـعٍ قامـت تصيبـه وتخطيـه=شاف الهوايل واختـلاف الاسامـي
ما يسمع الداعى ليا قـام يدعيـه=يعوم فى بحرٍ مـن الهـم طامـي
ما ينتبـه للـى بصوتـه يناديـه=يزيـد همـه يـوم كـلٍ ينـامـي
يشـوف وقـتٍ ماعرفناتوالـيـه=وقتٍ يشّيب منـه ابـن الفطامـي
هـذا زمـانٍ كـاثـراتٍ بـلاويـه=الغيم يقلـب فيـه عـج وكتامـي
يا بعد شرب الما على كبد راجيـه=ما سيل الغبرا زعـوج الجهامـي
انبيك يا من كلمة الحـق ترضيـه=اعطيك ما ينفعـك وافهـم كلامـي
قصـرٍ يذلـك لا تقابـل مبانـيـه=خله عسى شامخ طويلـه هدامـي
خله عسى ما صاب اغادير يفنيـه=يودع منازلـه الطويلـه رجامـي
لوزان مدخالـه وطالـت حواميـه=شيّد على الخيبه قليـل الرحامـي
وحىٍ يوريـك المـذ لـه وتغليـه=أنا أشهدأنك ميـت القلـب عامـي
مـن لا يـودك لا تـوده وترجيـه=ارفـع مقامـك ياعزيـز المقامـي
ارفع مقامك عن عـدوك وتوذيـه=ويلحقك من تركت رفيقـك ملامـي
حـق الرفيـق وواجبـه لاتخليـه=يلزمك مثـل الوالديـن الحشامـي
اخترعزيز الجار والحـق يعطيـه=شبلٍ على هـرجٍ يقولـه يحامـي
مادك به عرج المـذ لـه وطاريـه=يسبق على فعل الفضياله شمامـي
ومن قارب الاجرب بالامراض يعديه=عدواه تسطي باللحـم والعظامـي
درب السلامـه بينـاتٍ مماشـيـه=ودرب العطب يّرث عليك اللكامـي
ابعد وقلبك نـازح البعـد يشفيـه=وتلقى عن الدار البغيضـه مقامـي
دارٍ بدار وداعـى الـذل عاصيـه=ولا تقبل الذ له نفـوس الكرامـي
الـذل مـوت حايمـاتٍ ضواميـه=ادخل على منزل فروض الصيامـي
عن مقعد بالـذل عينـك تراعيـه=الموت عند الذل امـان وسلامـي
يرضى المذ له من تردت هقاويـه=والذل يجفل منه قلـب العصامـي
والعبد له ربٍ عن النـاس يغنيـه=ولو لاه ماصاب الهدف كل رامـي

******** type="text/**********">doPoem(0)***********

رائع يابو نايف نقلك

ورحم الله شاعرها :::

اخي العضو المميز ابو نايف اشكرك على التطرق لنقل مثل هذه الدرر
من درر الشاعر محمد الاحمد السديري رحمه الله وابقاك ولأمثاله من عمالقة
الشعر التي تستحق النقل قصائدهم
لك كل الشكر
وحبيت اوضح لك للمعلومية هناك مكان للقصائد المنقوله يجب وضعها به
وتقبل تنسيق الادارة للمشاركة
وسوف تصلك على البريد الالكتروني طريقه مبسطه لتنسيق القصيدة
تقبل مروري