السلام عليكم ورحمة الله وبركاته
جايب لكم قصيده للشاعر // منصور الرمالي
وهي تعبر عن نفسها
ياللي جرحت القلب بيدك وانا اشوف = حرام قلبك .. ليه مابه مرافه
ارحم جريحٍ طاح وبحالته روف = اللي حياته لأجل فرقاك عافه
تركتني في ظلمة الخوف مكسوف = وألبستني ثوب الشقا والكسافه
يابو جديل فوق الامتان منسوف = تلحق على روس الشطايا .. ضفافه
وعيون سود .. وخد ..ونهود .. وردوف = واليا ابتسم تجذب عيوني رهافه
وجسمٍ حسين الطول .. والخصر منحوف = عليه من تفصيخ ثوبه كلافه
والورك .. والفخذين ..والساق ملفوف = والوجه ناعم ..مااشتكى من جفافه
ادعج .. غنج ..بالملح والزين موصوف = من ينهبه .. يملك عذر لأختطافه
في حب ذاك الزين .. مغرم ومشغوف = إللي جمع بين الجمال وعفافه
تبدأ حياتي لي لا صار مزفوف = ونهايتي ليلة لغيري .. زفافه
وا وجد حالي .. وجد من جيِب مكتوف = وحطوه في سجنه وشدّو كتافه
مطلوب .. دم .. ولحظة الجرم مشيوف = واخو القتيل اللي له الثار .. شافه
ومن جيب للتحقيق .. بادوه بكفوف = وسجِّل بتقرير السجون اعترافه
عليك ياللي لأجلك الدمع مذروف = دمعي على فرقاك .. زاد انذرافه
انا على لقياك ..يانوف ..ملهوف = والقلب هم الود والبعد لافه
صارن دقاته .. لهن رجف ورجوف = زود الجفا والصد .. زاد .. ارتجافه
يانوف بأسمك صرت ألبي وانا اطوف = وكلٍ يلبي للولي .. في طوافه
هم يرتجون الله .. وانا ارجيك .. يانوف = ارجيك انا رغم .. ابتعاد المسافه
ارجيك رجوى اللي مع الموج مجروف= والموج حطّم مركبه بإنجرافه
في ليل مظلم .. واعتلى فوقه الطوف = وأطلق عنان الصوت بآخر مطافه
سوّي ولو مرّه .. بدنياك معروف = تماكني قلبٍ بدا به .. تلافه
اجاوب النايح .. ليا ناح برفوف = وأقنب كما ذيبٍ عنا الجوع حافه
روفي بحال اللي طعنتيه بالجوف = إللى علشانك .. حلا النوم عافه
اعفي عن اللي بين أياديك .. موقوف = فكي قيوده .. واسمحي بانصرافه
وردي علىّ وبدّدي ظلمة الخوف = لاتتركيني في هوان .. ومخافه
وإن ما رجعتي لي .. فأنا اموت يانوف = ولا على دنياي بعدك حسافه
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
يانوف بسمك صرت البي وانا اطوف
العرض العادي
