الله مـن همـن سرابـي عــن الـنـاس = بـارضـن خــلا مـاداجـهـا المـودمـانـي
كنـي لهـا مـن ضيقـت البـال عسـاس = همـن ليـا امسـا الليـل ليلـه غشانـي
هـمـن صـبـاح وهــم لـحـل الادمــاس = وعاثـن بنفسـي مـن مشاكـل زمانـي
مشـاكـلـن مـنـهـا بـعـيـدات الـونــاس = ومـنـهـا تـحـطـم عـالـيــات الـمـبـانـي
اكـض فيهاالغـيـض واكــض الانـفـاس = ليـلـي نـهـاري مــن سبـبـهـا اعـانــي
انــفــك مـنـهــا وتـلـولــس تــلــولاس = ولاقفيـت منـدوب المشـاكـل دعـانـي
منهـا عنـاي وضيقـي ودوخـت الـراس = وضـيـقـن مـراودتــه الـــي بالـثـوانـي
ويـن الـذي الاصحـت لـه قـال مـابـاس = زحـل الـرجـال الـلـي يـسـد ابمكـانـي
زحل الرجال اللي كسـب كـل نومـاس = اللـي ينـومـس عـنـد قـاصـي ودانــي
الـلـي ينـكـس كـيـدا لاعـــدا تـنـكـاس = الـلــي مـنـاهــم لاتـحـطــم كـيـانــي
رصـيـدي الـلــي لاتـوطـيـت الـفــلاس = الـلـي يـقـف دونــه وعـنــه يـحـدانـي
وبراس من وقتي مضت ضربت الفاس = لـــــو اتــقـــدم بـالــعــذر مـاكـفـانــي
اثـبـت عـنـد الـنـاس مـابـث الانـجـاس = والـعـسـر لـلـنــذال جــبــرن زوانــــي
واذا انقطـع مـن البشـر حبـل الايــاس = ماينقـطـع مــن واحــدن مـالـه ثـانــي
امفرح ابـو دبـاس فـي عـودت ادبـاس = رب يــعـــرف الـخـافـيــه والـبـيــانــي
واللي فرج ليـوب مـن عقـب الاتعـاس = من عقب ماجسمـه مـن الـدود فانـي
يجـلا الهمـوم اللـي بـلا حــد وقـيـاس = همـوم وقـت(ن)فـي عـذابـه طـوانـي
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
الله مـن همـن سرابـي عــن الـنـاس
العرض الشجري