بديت بسم منزل الوحي بايات
اللي بسط سبعن وسبعن رفعها
يارب الأرض ويابديع السماوات
ياواهبي الندر وقاضي سنعها
جزل الشعر يرقا الجبال المنيفات
في مدح قوم ظرفها مامنعها
مدحت شيخن من شيوخ العويسات
من هاجسٍ ن جزل المعاني بدعها
عن واجب أهل المعرفه والمهمات
راع البويضا كل فزعه فزعها
بني رشيد أهل الفعول القديمات
وسامة الكفه وتحمي ترعها
كفه شواهدها نجوم المجرات
تسبع عيون اسباع ماحدن سبعها
عبس الفخر عبس الظفر حي مامات
ب امجادها وتاريخها ومجتمعها
سيفك يابن براك مابه مَراوات
صيتك شبرها شبر خام وذرعها
ماهو غريب الطيب في كل الاوقات
من طيب راس وساس ناسه زرعها
في نفس حلال العقود الصعيبات
وراضي عبدالرحمن عزه رفعها
راضي يابو تركي بكل المجالات
نفسه عن ادروب الرخامه ردعها
أبو فهد مروي السيوف الصقيلات
من طيب ناسه عزها وطاب معها
جوده ومعروف أكرمه حط بصمات
بنفوس ناسٍ ن بحر طيبه نفعها
منصا الشيوخ أهل الطروق المخلات
ومضياف ابن براك صدره وسعها
يستاهل ابيوت القصيد الجزيلات
كفو ونعم من طيب حظه جمعها
الشاعر / نـايـف بن دكــيـم الــعـازمـــي
حاصل على ترخيص من وزارة الثقافه والاعلام السعودي
قصيده مهداه الى الشيخ و رجل الاعمال / راضي بن عبدالرحمن بن مسعود البراك
العرض العادي
