موال محاوره للشاعر حمود البراك و معيض الهطلاني

السلام عليكم ورحمة الله وبركاته
اضع بين ايديكم الكريمه محاوره بيني وبين الشاعر معيض الهطلاني والحمدالله ان قدرت احصل بعضا منها والسموحه على التقصير ,,

معيض الهطلاني
ياسلامي سلامن لابن راشد موجه
من ضميرن صفى جوه ولافيه لجه
وباخذ اعلومكم سجه وسجه وسجه
جعل فالامر خير وجعل فالامر خيره

دام ابن راشد حدد الناب / نشوف ليه يحد نابه
العلم لو انه على الباب / ماني معجل فالاجابه

حمود البراك
مرحبا والتحيه من ضميري تحيا
بان ليل المساري هيا ياليل هيا
دام تبغى علومي لاتردد بشيا
جعل فالامر خير وجعل فالامر خيره

الله يكافي شره الداب / اللي كما راس الذبابه
تلقى الاجابه وانتا مرتاب / لا بالله عجل بطلابه

معيض الهطلاني
لن بغيت الحقيقه جاك منا سلامي
ولن بغيت النصيحه احتزم بالحزامي
نظرتي فوق وانا الي بحقق مرامي
جعل فالامر خير وجعل فالامر خيره

ترا الرديه مالها حساب / والطيب لي قد عنا به
النجم فوق ولابعد غاب / باين ولافيها تشابه

حمود البراك
محتزم قبل لااشوفك تلوح بيدك
قبل مايختم المختوم من فوق خدك
كان يامعيض من جدك تراني ماهدك
جعل فالامر خير وجعل فالامر خيره

الظن فيكم مابعد خاب / تبقى على سلم الجنابه
النجم عالي فوق مرقاب / نجمك ترا وسط الزهابه

معيض الهطلاني
ياحمود ان بغيت الحق جا فيك خله
وانت رجلن اعرفك ماتجي منك زله
بس رتب بيوتك قبل صوتك تشله
جعل فالامر خير وعل فالامر خيره

اللي يعيب اليوم ينعال / والله خوافي من عقابه

حمود البراك
دامك انتا طلبت العب ماانتا بقدي
لاتحاول تلف الشارع الي بحدي
كانك انتا معي وان كان مانتا بضدي
جعل فالامر خير وجعل فالامر خيره

منهو بغى توبه ولا تاب / الله عليم"ن" في مصابه

معيض الهطلاني
والله اني اعرف الكاذب من الصدوقي
وانت سوقك تردا عن بضاعات سوقي
لي متى وانت فدروب الاوادم تعوقي
جعل فالامر خير وجعل فالامر خيره

اظن راسك بعدنا شاب / وتقول ياحلو الشبابه

حمود البراك
اكشف الراس دام الصوت منك تعلا
لاتضلل تحت شجره تضلل بضلا
هاذي ابعد عليكم من عدن للمكلا
جعل فالامر خير وجعل فالامر خيره

مايشيب راسي غير لاطاب / واحكم عليك من النيابه

معيض الهطلاني
كثر هرج الاوادم واستقل الحقيقه
كم لشطنا شقيقن واقفن مع شقيقه
غير روح استرح في قاع ذيك الحديقه
جعل فالامر خير وجعل فالامر خيره

ماني ملاحقكم بمشعاب / قول الحقيقه من غدا به

حمود البراك
الجبل مايهزه ريح وانت تخربط
مير داهم بني عمك على ضلع مربط
انت توك صغير السن بادي تضرط
جعل فالامر خير وجعل فالامر خيره

معيض توه مابعد تاب / لاهو عرف منهو يهابه

معيض الهطلاني
قسمي الي اخذته من خيار القسومي
وانت بحرالمعاني عاجزن به تعومي
ياحمود استرح وانتا تراك مخدومي
جعل فالامر خير وجعل فالامر خيره

عين الجبان تخاف وتهاب / ماعاد فيها استجابه

سلامتكم جميع

صح لسانك ياحمود ولسان معيض الهطلاني