السلام عليكم ورحمة الله وبركاته بقلوب يطويها الالم والحزن بفراق من تحب ولكنها لا تنساه بالدعاء وترجو من الجميع الدعاء للميت واموات المسلمين .. هذه مرثيه من الاخ مشعل البراك بالمرحوم باذن الله بندر صنيدح
اي والله اني حزنت وطاحت دموعي = والنفس من موت بندر شان خاطرها
معذور لو حزن قلبي زاد من روعي = ومعذوره العين لو هلت عبايرها
لا صار ابن عمتي ومن اقرب ربوعي = اكيد (علم الوفاه) النفس يكسرها
يالله ياللي عليك الامر مرجوعي = يا خالق الناس يا كاشف سرايرها
رحمتك في يوم فيه العقل ما يوعي = والناس من رهبته تنسا مشاعرها
ارجيك يا خالقي وادعيك بخشوعي = ويطيح دمعي مع الدعوه واكررها
يا عل قبره بورد الخير مزروعي = والانبيا في جنان الله يقاصرها
ويا رب جعله عن النيران ممنوعي = ويا رب تغفر له الزله وتسترها
صوتك يابو بندر اللي مر بسموعي = يكشف لي الوضع واحوالك يفسرها
انا ادري انك بعد فرقاه مفجوعي = والنفس تفجع وذكر الله يصبرها
وامه اذا قلبها بالحزن موجوعي = طالبك في رحمة الرحمن ذكرها
الله يجنبك شر الضيق واللوعي = والله ياجرك وامه معك ياجرها
وانا غيابي يزيد الحزن بضلوعي = ردتني ظروف وقتي وانت خابرها
حاولت اجي بس ما سارت على طوعي = اسمح لنفسي على التقصير واعذرها
والخاتمه كلنا للخالق ارجوعي = ذرية آدم ملاك الموت زايرها
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
مرثيه في بندر صنيدح البراك رحمه الله
العرض الشجري