ليتني بنت عمك و بالزواج اغصبونا

ليتني بنت عمك وبالزواج اغصبونا
ويحددون الملكه وبعدها يكلمونا ..

لاجبرتنا ظروف
ولا مدري اشوف ’

كل شي مخطط ومرسوم
وامي حولي تحوم ..

يابنيتي هذا فستانك جربيه !
والزواج هذا الخميس ولاتناقشين فيه

والله مادروا اني من الفرحه بطير
واني احلم به قبل مايصير

واني ببقى معه طول الحياه
وبعطيه عيوني لجل رضاه

والله لأعيشه ملك وسلطان
وارفع راسه بكل مكان ..

وبحاول قد ما اقدر اسعده
وابعد عن الشي اللي ينكده ..

وان ما اكل زين اغصبه
وان مانام العب بشعره هالحركه تنومه ~

وهو يدري اني من نظره افهمه
وقبل يتكلم اكمل كلمته

ويبتدي يوم الخميس وتبتدي معه الحكايه
واغراضي جاهزه من الفستان للعبايه

ومستعده لرحلتي وفيني فرحه وخوف !
ياترى مشتاق لشوفتي وفيني شغوف ؟

واسمع صوت امه ادخل يايمه العروس داخل
زادت ربكتي ودمعي من الشوق سايل

وتحتضن يديني يدينه
والحيا بيني وبينه
ماقدرت اطالع عيونه ..
فديته وفديت حتى جفونه ..

ابتسم وقال: "وش بك؟".. قلت: "مدري!"
قال: "الحيا مطول؟" ..قلت: "توه بدري!"
قال: "احبك".. قلت: "مدري"

قال: "كن الحيا طول؟"
قلت: "زاد اكثر من اول" ~

قلت: "ممكن تقرب شوي".. قال: "قربت"
قلت: "كمان شوي" ..قال: "هذاني قريب"

قلت: "ابي بوسه تنسيني دنيتي منك"
قال: "ابشري باللي ينسيك حليب امك !!"

قلت: "تسمح ارتمي بحضنك !!
واذووب بين كلك وكلك ..؟"

قال: "تدرين !!.. اول مافكرت فيه ضمك ..

آآآهـ عساني ما انحرم منك"

وباسني وضمني وليته ماضمني
نسيت كل العالم وراي ولاشي همني

وفجأه يدق الباب يلا ترى زفتكم يعلنون
وتدخل اخته تقول امسك ايديها وبشويش تمشون

قلت يوووووووووه قلبي زاد نبضه !
مسك ايديني وقال: فديته وفديت حبـه
وبدت مراسم الزفه
والشرعه حولي ملتفه

وطلعنا على اغنية عسى ربي يخليك لعيوني ~
اهداها لي مره وقال اسمعيها يانور عيوني ~~

وفي الزفه صرنا نغنيها سوا
وهـ بس يازين دروب الهوى

قالت: ندى شوفي شكله ميت عليها ..
قالت: هدى وهي باين تموت عليه شوفيها

وقتها غارت سهى !
لانها كانت تبيه لها

واحنا نمشي في الممر
قال: "ممكن طلب" ..قلت: "تامر أمر"

"ابي تعطيني بوسه قدام هالعيون !
واقهر فيها العواذل وكل مجنون"
قلت: "اركد حبيبي وش هالجنون"
قال: "حاضر ياغلا هالعيون" ..

وهمس لي وقال: "احبك" قلت: "ادري"
قال: "والله الحيا راح".. قلت: "اوووه من بدري !"

وفجأه صحيت من النوم
لقيته حلم وردي جاني في يوم ..

والحقيقه لاني بنت عمه
ولا حتى اقرب لجده !

وهذا حلمي الاخيــر
صدمني بواقع مرير
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
مما راق لي
تحياتي

يعطيك العافية يامسرفنا بدر البراك
لاهنت
تقبل مروررررررررررري

مسكين كل هذا وطلع حلم ..... يمكن يكون صحيح هع

بدر البراك ابدعت بما طرحت

تقبل مروري وشكري,,,

اقتباس:
المشاركة الأصلية كتبت بواسطة ابوعبيد
يعطيك العافية يامسرفنا بدر البراك
لاهنت
تقبل مروررررررررررري



الله لا يهينك اخوي ابو عبيد ..

وكل الشكر لك على المرور المشرف ..

اقتباس:
المشاركة الأصلية كتبت بواسطة الشمالي
مسكين كل هذا وطلع حلم ..... يمكن يكون صحيح هع

بدر البراك ابدعت بما طرحت

تقبل مروري وشكري,,,



الشمالي ..

ابداعي يمتد من مرورك بمتصفحي والتعليق عليه ..

ومرورك زاد متصفحي اناقه وضياء ..

ودمت بحفظ الرحمن ..

يسلمو من جد
ابداع
تجنن كلماتها
تقبل تحياتي ومروري

اييييييييييييه كل هالوناسه وآخرتها حلم
الله يعطيك العافيه على الاختيار
وجزيل الشكر لك

بسم الله الرحمن الرحيم
مشكوووووور والله يعطيك الف عافيه

يارب لا تخسسسسربنات الحلال حلم __ههههههههههههههههه