ليت السفر بين المحبين ممنوع

بسم الله الرحمن الرحيم

السلام عليكم ورحمه الله وبركاته

اخترت هذا القصيده عسى ان تعجبكم

كما اتمنا لكم حياه سعيده

عنوان القصيده \\ ليت السفر بين المحبين ممنوع

ليت (السفر) بين المحبين ممنـوع =تحجز(جوازت) المحبين بالذات..!!
لاغاب (خلّك) والرجاء فيه مقطوع =لابه (رسايل) تاصلك واتصالات
الخط مغلق...كنّه (الكرت) منزوع =من ضيقتك تلعن جميـع اشتراكـات
تضرب على الكفّين والقلب مفجوع =تضيق بك عقبه جميـع المساحـات
في ليل دامس ضايعٍ مابه شمـوع=(الفكر) تايه فـي دروب المتاهـات
(العين) تذرف بالدقايق له دمـوع =و(القلب) عايش بين حسره وونـات
لوّك تجر الصوت ماهوب مسموع =ياطول مـا بينـك وبينـه مسافـات
يمكن ظروفه مامشت له على طوع =ويمكن سلا فكره بروحـه وجيّـات
سايح بدار(الغرب) والأجر مدفوع =يسرح ويمرح بيـن سجّـه ولـذات
الجو صافي بين خضره وينبـوع =وأنت بسموم(القيض) مابه إجـازات
الهم مدهالك من أسبـوع لسبـوع =لاحل ذكرى (الترف) هلّيت عبرات
صار(السفر) كنّه مثل حبّة الكوع.. =جمع الحبايب سابع المستحيـلات
بس الأكيد أن (الغلا) فيك مزروع =(الحب) يبقى بالضمايـر ولا مـات
الصدق قلته والزعل دوم مرفـوع =وقت(السفر) تبدي كثيـر المعانـات

******** type="text/**********">doPoem(0)***********

مشكور يابو فيصل على نقل هذه الابيات الرائع اختيار موفق لاعدمناك

تم اعادة تنسيق القصيده فقط

صــح لسان قايلها ..

وســلم بنان نا قلها..

اختيار رائع .. يعطيك العافيه

دلوعته
:

تسلم يابو فيصل

صح الساااان

قايلها

وتسلم علي النقل

صح لسانك وسلمت يديك

وتقبل مروري....

شكرا على مروركم

كل من :-

غازي البراك


دلوعته

بنت المطر

طلال العويمري

الشمالي

واتمنا لكم حياه سعيده


وانتظرو ا الجديد من ابو فيصل

يعطيك العافيه



علي النقل الراااااااائع





لك التحية

مشكور على القصيده الجميله ورائعه

تقبل فائق الاحترام

شكرا عبد العزيز العويس

وشكرا على مرورك

واتمنا لك حياه سعيده