السلام عليكم ورحمة الله وبركاته
اخواني واخواتي اعضاء موقع الجميع والزوار الكرام
في ثالث ايام عيد الفطر المبارك من عام 1431 كانت
من احلا ايام العمر يعلم الله ان الفرح عندي لايوصف
دق الجوال هلا فيك يابو مازن يا الله حيه كيف الحال
طال عمرك رد ابو مازن بخير يامال الخير انت وينك ياغازي
رديت قلت انا معزوم على حفل بقرية ضريغط
في منطقة حائل قال ابو مازن وينك الان كان الوقت بعد صلاة العصر
قلت انا الان في قرية ضريغط الصراحه تغربت منه السوال
قال مشغول قلت
لاوالله فاضي قالي ابو مازن حدد لي مكانك
قلت انا في حلم ولا بعلم قال انا جايك
الان حدد مكانك
قلت انا موجود في بيت الوالد الله يغفر له بجوار المسجد الجامع
قال جايك الان خرجت للشارع العام ووقفت انتظر يمين وشمال
حتى رايت صاحب فورد جديد وقف ونزل منه رجل
قلت انت ابو مازن قال نعم الصرحه الموقف لم استطيع وصفه
صديق عزيز غايب عنك له اكثر
من 19 سنه يجيك بدون ترتيب وبدون موعد وبدون علم موقف صعيب وفرحه لاتوصف اتصلت على المهندس بندر البراك وعلى المشرف العام بدر البدر وردوا على قالوا حنا الان بالحفل مشغولين بترتيب الحفل قلت انا عندي ابو مازن رابح ربيح الحربي زميلنا بالمنتدى قالوا موجود عندك الان قلت نعم قالوا 10 دقائق نكون عندك وبعد صلاة المغرب انتقلنا الى حفل الاخ يوسف بن نوران وكان الاستقبال من اهل الحفل يرفع الراس ومن شيوخ القبيله الذين حضروا الحفل على راسهم ابن امير الديره الاستاذ براهيم بن عبدالله بن دليم مدير متوسطة قرية ضريغط والشيخ غلاب بن فايد بن سالم امير قرية المثواه
والان اترككم مع الصور من مجلس اخي نوران مناور حفظه الله
عرفت رابح قبل لاينبت الشيب= في راسي اللي شيبته التجاريب
وكسبت من رابح خيار المكاسيب = الطيب والفزعه وبدع المثايل
ومدام ربعه حرب ماهي غريبه = مع حرب تلقى مثل رابح كتيبه
واللي يذم القوم رادي نصيبه = يكف ان حرب محاريين القبايل
أهل الكرم والطيب وأهل المروه = اللي يخاوي حرب ماكدر جوه
وافين بالجيره و فزعه وخوه =واهل المغازي فوق قب الاصايل
ولاذم احد كل القبائل بهم خير= وللهم على راسي معزه وتقدير
ونعم والله برجال المناعير = اللي لهم بالمجد قول وفعايل
******** type="text/**********">doPoem(0)***********
الشاعر غازي البراك والمشرف العام بدر البدر والشاعر رابح ربيح الحربي
المشرف العام بدر البدر والشاعر رابح الحربي والاستاذ اخوي حفظه الله منور مناور ابو مشاري والمهندس بندر منور البراك ابو فيصل واخوي صاحب الديوان نوران مناور ابو كاتب حفظه الله
ابو ساره وابو مازن
بعد ذلك نتقلنا الى الحفل
وهذه صورة ابو مازن مع العريس يوسف
والد العريس الشيخ نوران بن عيد والعريس يوسف والشاعر رابح الحربي
المهندس بندر البراك والشيخ الاستاذ براهيم بن عبدالله بن دليم بن براك اثناء استقبال الشاعر رابح الحربي
والشكر موصول الى اعضاء الموقع الذين استقبلوا زميلهم في كل حفاوه وترحيب وعلى راسهم الشمالي والمراقب سعود البراك
وهذه قصيدة الشاعر رابح ربيح الحربي شارك بها بالمناسبه
بيض الله وجه
من عند ربعي جيت عند الصناديد=عايدتهم في ثاني ايام عيدي
سيّرت للبراك غازي بتحديد=لعل عمره عند ربعه مديدي
شيمه وقيمه وإحترامٍ وتمجيد=لاهل الوفاء ومطوعين العنيدي
وسّامة الكفه لجلّ المفاريد=اولاد عبس مدلهين الوحيدي
ويسرني تشريف حفل الاجاويد=نوران عنوان المكارم وكيدي
بضيافة البراك مع فرحة العيد=يزداد في عرف النشاما رصيدي
واختامها (نعم) الرجال البواليد=كلمه من الحربي بحفل الرشيدي
******** type="text/**********">doPoem(0)***********
ملاحضه ابو مازن كتب القصيده
بعد حضوره بالحفل
والقصيده على هذا الرابط بديوان ابو مازن
http://www.gazialbrak.com/vb/showthread.php?t=10964
حاصل على ترخيص من وزارة الثقافه والاعلام السعودي
الوفاء ليس غريب من اهل الوفاء الشاعر رابح الحربي يزور الشاعر غازي البراك
العرض الشجري