قصايد من روائع شاعر عبس الشاعر / سعدان بن عابس القعبوبي الرشيدي - موقع الشاعرغازي البراك موقع الجميع

إظهار / إخفاء الإعلاناتحاصل على ترخيص من وزارة الثقافه والاعلام السعودي
قناة غازي البراك
عدد الضغطات : 34,659 عدد الضغطات : 59,776 حفل زواج
عدد الضغطات : 19,975
http://www.sot3bs.com/do.php?imgf=sot3bs_13309238811.jpg
عدد الضغطات : 32,839 عدد الضغطات : 64,611 عدد الضغطات : 30,716
عدد الضغطات : 24,506 عدد الضغطات : 71,762 البديوي
عدد الضغطات : 38,401

القرآن الكريم الإمساكية اللهم إني أعوذ بك من الفقر والقله والذله وأعوذ بك من أن أظلم أو أوظلم
آخر 10 مشاركات
صور احتفال رجل الاعمال فهد بن حماد الشمري بجادة الابل بحائل (الكاتـب : - )           »          صور زواج نايف وعوض ابناء عقاب بن حمد القلادي 20-8-1445 (الكاتـب : - )           »          صور زواج محمد هني بن عريجه الرويضي 19-8-1445 (الكاتـب : - )           »          صور زواج منيف سعد بن جابر البراك 17-8-1445 (الكاتـب : - )           »          صور حفل زواج مشاري عواض بن مران الرشيدي 13-8-1445 (الكاتـب : - )           »          صور حفل الشيخ محمد ناهس واخيه فهد ناهس بن براك بجادة الابل بحائل (الكاتـب : - )           »          جدول زواجات البراك 1445 (الكاتـب : - )           »          صور حفل العميد عوض مقبل الرشيدي للزملاه بقرية ابارعوض 6-8-1445 (الكاتـب : - )           »          صور زواج عيد عبدالرزاق العنزي بحائل 28-7-1445 (الكاتـب : - )           »          صور زواج احمد وجاسم ابناء الشيخ محمد ناهس بن براك 21-7-1445 (الكاتـب : - )


 
العودة   موقع الشاعرغازي البراك موقع الجميع > الدواوين الأدبية > ساحة الشعر والادب (كتابه)(صوت)(شيلات) > القصايد المنقوله

إضافة رد
 
أدوات الموضوع انواع عرض الموضوع
 
قديم 08-19-2009, 01:27 PM   رقم المشاركة : 1
مراقب عام سوبر ومشرف المجالس الشعبيه القصص والقصيد والراويات التاريخيه القبائل العربيه
 
الصورة الرمزية ابوعبيد





الحالة
ابوعبيد غير متواجد حالياً

ابوعبيد is on a distinguished road

الاوسمه الافتراضيه المشرف المميز 


 

افتراضي قصايد من روائع شاعر عبس الشاعر / سعدان بن عابس القعبوبي الرشيدي

زوارواعضاء هذا الصرح الشامغ موقع الجميع موقع الشاعر غازي البراك والذي خصيت تنزيل هذا العمل به وهو ديوان شعري يحتوي على قصائد لشاعر علم من شعراء قبيلة بني رشيد يستحق الاهتمام والحرص بشعرة واتشرف بجمع مااستطعت علية وهو


شاعر عبس الشاعر / سعدان بن عابس القعبوبي الرشيدي

مع العلم انه باقي قصيد سوف انزلهاوسأل الله ان يشفيه ويعافية ويلبسه ثوب الصحة والعافية من الوعكة المرضية التي اصابته وغيبته عنا في السنوات الماضية ولاتنسوا الدعاء له مع العلم أننا لن نوفيه مهما حاولنا بكتابة مقدمه تليق به لمكانته التي تفوق المقدمات وصياغتها


[/frame]


هل الطيب ربعي

هما الزاج بحروف على الطـرس هتّافـي= مـن الفكـر منـضـوحٍ بالأمـثـال ينشـافـي
لفانـي رسـول الشـعـر يـاحـي مرسـولـه= سعـى بالحضـور وقلـت حيـا الله الـلافـي
تـداعـت وحـانــت موجـبـاتـه وداعـيـهـا= بالأعماق هوجا سٍ علـى هجعـت الغافـي
دعانـي ودعـوى الشعـر للشعـر فحواهـا= تـوهـج بأحاسيـسـي ومكنـونـي الخـافـي
ليـا هـاج وهّـاج الهـوا جـيـس بأعمـاقـي= تنـفـسـت بـأمـثـال عفـيـفـات ونـظـافــي
شـوارد بنـات الفكـر مـن طـيـب أمثـالـي= شـتـات ٍسعـيـت بجمعـهـن ودّ وعسـافـي
ليـامـن ضـحـل المعـرفـة هـــزّ تفـكـيـره= مدى القاف واستنجد بمـا قـال الأسلافـي
وسلـب مـا وسمهـا فكـر غيـره وسماهـا= وخان الزميل ولا مشى حسب الأعرافـي
تساميـت بالأمثـال عــن مـوطـن الريـبـة= إلى كوكب ٍدونه قصر عنـه كـل متشافـي
بعـيـد قـريــب فـيــه تـذعــن لتفـكـيـري= مـن الشـرد ذات البكـر فـي ثيـب القافـي
فـرايـد لـيــا دونـــت صـــادق معانـيـهـا= كمـا غالـي المثمـون ببطـون الأصـدافـي
وهبـنـي عظـيـم الـشـان فـكــر مقـديـنـي= لـه الشكـر نلـت بفضلـه المسهَـم الوافـي
سما بـي عـن أحـداث الحداثـة و مبداهـم= هجـا ج العقـول وعنـه تهجينـهـم هـافـي
سخـافـة بـعـض مــا يكتبـونـه ويملـونـه= طلاسـم بــلا معـنـى ودعــوى للإسـافـي
غــزو فكررغـبـة مــن مبـاديـه هـدّامــة= وبـــيّ الـنـوايـا والـطـوايـا والأشـفـافـي
نــواة الـجـذور الـلـي تـفـرق ولا تجـمـع= خلايـف بغـا والبغـي مـا لـه عـنـه نـافـي
أمــوره لـيـا مـيّـزت مــا هـــي طبيـعـيـة= تصنع ومصنوع الطبيعـة مـا هـو صافـي
غـزانــا بـعـلـمٍ عـالـمـه غـيــر عـالـمـنـا= ولا صــار غــزو إلا مــرده لــلأ نكـافـي
وأنا ما حسبت حسـاب غـازي ولانـازي= ولا الطـق والتطبيـل مــن جـاهـل جـافـي
أعرف الوضيع وسر وضعه وموضوعه= وأعرف إن قول الحق دعوى للإ نصافي
أصيـل المعرفـة يعـتـرف لــي ويعرفـنـي= لـيـا شــذ مشـبـوه المـبـادي والأهـدافـي
على ساس قوة ساس مبنـاي وصروحـه= شموخٍ سكنـي طيـب مـن طيّـب أسلافـي
هل الطيب ربعـي واعتـزازي وتعزيـزي= وهـم عـزوتـي والـعـز والـظـلّ ولحـافـي
سـلا يـل رشيـد ا لـزول وسّـامـة الكـفـة= مقـا بيـل مـا يعطـون مـن يقـبـل القـافـي

معـا طيـب مـا يـرمـون حــيّ ويخطـونـه= يصيبون لكـن مـا يصيبـون الأ طـرا فـي
******** type="text/**********">doPoem(0)***********

غني الفكر والنفس والوجدان



تغنـى غنـي النـفـس والفـكـر والـوجـدان=بمـا كـان ودي فــي خفـايـاي أغـنـي بــه
نبـش بالقـوافـي مارميـتـه ورا الكتـمـان= وسـمـا بالمعـانـي وأعجبـتـنـي هنـاديـبـه
أديب ضـرب مـا يوجـع النفـس بالمليـان= كسر حاجـز الصمـت الرهيـب وعذاريبـه
شموخ الوفا في ذاتـه أطـول مـن البنيـان= شـمـوخٍ كثـيـر الـنـاس تجـهـل مواجيـبـه
ألا يــا نـزيـه الفـكـر يــا طـيـب الـجـدّان=ويا مـن عشقنـا عـذب طاريـه مـن طيبـه
حشا مـا نـزل قـدر النشامـا مـن الأذهـان= ولــو حـاولـت عــوج المـذاهـب تولـيـبـه
تـدور السنيـن ويتبعـن الـزمـا ن أزمــان=وبيـض الوفـا صـرحٍ شمـوخـه نماريـبـه
وأنا كم حصل لي ماحصل لك من الخلاّ ن=زمانـك كــواك بـمـا زمـانـي كـوانـي بــه
******** type="text/**********">doPoem(0)***********
******** type="text/**********">doPoem(0)***********

الوصف والموصوف


عشقت الوصف والموصوف والمعنى وقول الجدّ = تفضل فيه فاضل وأصدق التعبير يسعدني
عشقت الصورة اللي صــاغها فنــان فكــر ويـدّ=خجل غيدا بحشمتها الجمال اللي يقيدني
بـــها ذيـرة غــزال وعين شيـهانة وحـلوة قدّ=لماها عذب لكــــــن فيه لاتدنّي ولا يدني
تضمه للحبيب اللي جزت غيره بهجر وصدّ= وعن الشعر الغزل في مثلها لك حــــــق تنشدني
وللمحسوس والملموس قيمة واعتبار وحدّ=وعنه الزود نقــــــص ألا بعلـــم ومـــــعرفة زدني
متى نحفظ لجيل اليوم وجه ابيض لجيل الغدّ= تعال أعاهدك بالشـــــــعر يا شاعر وعاهدني
على هذا مادام الوقت ذا بيني وذاك اعـــهدّ=وماهـــــــد دك يا شاعر بمــــعـنى الشعــر هددني
******** type="text/**********">doPoem(0)***********
******** type="text/**********">doPoem(0)***********

الرجاء في مالك الملك



الرجا في مالك الملك وآمر الكون حـيّ= ما رجيت أعلى الخليقة ولا حدريّهـا
خاطري كم قلت له بين عَي وبين عَـيّ= يوم زلّت جمرة الطِيب عـن جاويّهـا
غرّني ما كنت أحسب نجيض وصار نَيّ= والزمن يفرس نجيـض الحياة ونيّهـا
وأنت ياللي كل جرحٍ توارى فيـك فـيّ = كيف نجبر للمشاريـه كسـر عصيّهـا
لي ولك بالطيب في ماعليـك وماعلـيّ= والمروة يرفـض ألخندقه جنديّهـا
قالوا أن أخر علاج المرض بالطب كيّ= واتضح غيب المغـرّه وغبـت بغيّهـا
******** type="text/**********">doPoem(0)***********
******** type="text/**********">doPoem(0)***********

أنا ياذاك



أنـا يــاذاك عــن تفكـيـرك آهــل= وعارف وين شبحك با لشواهـل
وكم تخطـي وكـم كنـت أتغاضـى= وأرد أنصحك وأمهل لك وأماهل
على الهفوات مانفسي حريصـة = وأنا من منهل أهل الطيـب ناهـل
اسكاتي عنـك زاد ابـك التمـادي= وغـرك يـوم انـا معـك متسـاهـل
تغاضيـت أحسبـك يــاذاك تفـهـم= لكنـك فـي ذهــول الــذات ذاهــل
أعرف أنـه يغيضـك طـول بالـي= وفـي نفسـك هواجيسـن دواهـل
فــلا تـقـدر تـهــد الـــي بنـيـتـه= ولانـت بمـا تـريـده فــي واهــل
شمـوخـي لاتـطـول ولا تـطـولـه= ودونــه يزهـلـك بالغـبـن زاهــل
نعـيـق الـبـوم مـاهـز الشـوامـخ= ولارد الــورود عـــن المـنـاهـل
تسوي لـك حضـورآ فـي غيابـي= تحسبنك كبـرت وصـرت عاهـل
ولـكـنـك صـغـيـر بـكــل مـعـنـى= اراك بـمـدهـل التـغـريـر داهـــل
تعيـش أوهـام تحسبـهـا حقيـقـة= وتفكيـرك مـن الأ وهــام راهــل
تخالف واقعك فـي واقـع اصعـب= بهـذرك وشتكـت منـك الكـواهـل
مغـيّـب تستغـيـب بـمــا تـقـولـه= فقـد فمـك الصراروصـار بـاهـك
لاكـن صوتـك مــداه لسامعيـنـك= نكور وصوتك انكر منت صاهـل
حضورك فيـه مايلغـي حضـورك= وتصنيفك عن أهل العرف جاهل
أجـل ماعـاد لــك يــذاك عـنـدي= سـوى كسـر اعتبـارك باتجاهـل
******** type="text/**********">doPoem(0)***********
******** type="text/**********">doPoem(0)***********

ياإله الكــــون



ياآلـه الكـون يامـولاي عـبـدك نـجّـه= في رجا الغفراان يرفع لـك يـده وحجااجـه
مخلص لك فالصلاة وصام وأدى حجـه= وأستزاد أيمان فيـك وصـار لـك منهااجـه
أستغيـث برحمتـك يـارب لـك متـوجّـه= ياكريـمٍ بأسمـك أللسنـة المـلا لهـاّاجـه
حيث كل هفوات فـي نفـس البنـاادم لجّـه= وأرتكااب الذنب ضعف النفس هو مدرااجـه
ياالبنـادم بأنتظـارك يـوم مـالـك هـجـه= وأنت ماتدري وش أللـي بعـد ذاك تواجـه
خذ حساب الموقف أللـي فيـه مالـك حجـه= غير ماضمه كتابـك ساعـة أستخرااجـه
لاتوجـه مـع دروب البـاطـل المعـوجـه= تنطـوي بأحـداث وقـت الـداج والديباجـه
أستعـذ بـاالله قبـل الجـرح يكبـر فـجـه= ثـم ماتقـدر تـداارك باالعـلاج عـلاجـه
مـاورى زيـن الحيـااة ألا الدجـا والدجـه= مير عش للحق..وأعتش به..وشب سرااجه
مـاورى زيـن الحيـااة ألا الدجـا والدجـه= مير عش للحق..وأعتش به..وشب سرااجه
لايغـرك ماكسبـت مـن الرهـا والسـجـه= الزمن يطـوي مسافااتـك ويكتـب زااجـه
كم ضميرٍ ضـده أحسـاس الجسـد محتجـه= تنتهـك معنـى الحيـاة أطوارهـا المنعاجـه
بين حقد..وحسد..والغيره..ومعنـى الضجـه= أحتضـارٍ للصـواب وألا ضـلال هياجـه
والبشر نصفٍ مطر والنصف الآخـر عجـه= والوجـود أبـلا تناقـض ماتزيـن أبرااجـه
ياآله أغفـر ذنـوب أللـي لوجهـك وجّـه= مبصرٍ دنيـا الفنـا مـن واقـع أستنتاجـه
كد خـذا العبـره وبيبـاان العبـر منهجّـه= ياآلهي منـك غفـران الذنـوب أحتاجـه
******** type="text/**********">doPoem(0)***********
******** type="text/**********">doPoem(0)***********

درهمي ياعوص الامثال


درهمي يا عوص الأمثـال والديـرة بـراح= اجعـلـي بـيـد المعـانـي مـداهــا يسـتـديـر
إيه واطوي جرهـد البعـد مسـراح ورواح= لين يطوي بعـد الأيـام هوجـاس الضميـر
بالقصـائـد والدليـلـة وبالـصـدر انـشـراح= مع مسـار دروب الأمثـال الأول والأخيـر
مـاجـرف تـيـار الأشـعـار تـيـار الـريــاح= والقصايد ترفـض الظـل فـي ذات الخبيـر
لــو يحاولـهـا بتعـتـيـم مـعــدوم الـنـجـاح= مـا ثنـاهـا لا تجـاهـل ولا الفـكـر الأسـيـر
لا همج الماء نسى الماء ولاشربهة قراح= يستلذ بها ضما الروح من وهـج الهجيـر
لا ولا عشق التسلي عرف عشق السباح= الخرز ما شاف حالـه بتسبيـح الضريـر
في لغة جبـر الخواطـر لغـة كسـر الجنـاح= زوبعـه تقصيـر طايـل وتطويـل القصـيـر
احتـضـارات المشـاريـه عـنـد الامـتــداح= لا يـمـة تقـديـر فيـهـا ولا شفـنـا القـديـر
كــل شـــئٍ للحقـيـقـة وحـــق الله مـبــاح= فـي زمـانٍ لا ولا صـان شـور ولاشـويـر
يانهار الحـق ضـم الصبـاح إلـى الصبـاح= من يدور لحظة الأجـر مـا ينسـى الأجيـر
يازعل وشلون تزعـل ويطنيـك الضحـاح= خل عنـك المختلـف واختلافـك مـا يصيـر
خـل مخلـفـة المواعـيـد والـلـي راح راح= لا تبنـاهـا الـفـرزدق ولاتـعــرف جـريــر
مانخـلـي سـاعـة الـعـز والـعـز الـســلاح= ولا رضينا الدون من دون ما ضم النظير
من وجاهتنا عطينا البشوت أفضل وشاح= ولاتكـبـرنـا ويـكـبـر بطـاريـنـا الصـغـيـر
قافـلـتـنـا مـاثـنـاهـا نـعـيــق ولا نــبـــاح= وإ تحدتـنـا المفـاهـيـم حـاربـنـا الجـفـيـر
وإن دعتنـا كلمـة الحـق معنـى واتـضـاح= درهمي ياعوص الأمثال والصايـر يصيـر
******** type="text/**********">doPoem(0)***********
******** type="text/**********">doPoem(0)***********


جمع واعداد / الشاعرمبروك عبيد العجوني








من مواضيع في المنتدى

التوقيع :

آخر تعديل ابوعبيد يوم 03-15-2012 في 01:51 PM.

رد مع اقتباس
 
قديم 08-20-2009, 01:24 AM   رقم المشاركة : 2
مراقب عام سوبر ومشرف المجالس الشعبيه القصص والقصيد والراويات التاريخيه القبائل العربيه
 
الصورة الرمزية ابوعبيد





الحالة
ابوعبيد غير متواجد حالياً

ابوعبيد is on a distinguished road

الاوسمه الافتراضيه المشرف المميز 


 

افتراضي رد: ديوان شاعر عبس الشاعر / سعدان بن عابس القعبوبي الرشيدي

من سعى بالظلم


مايســـولف بالســــوافل غـــير سافل = والأعــالي شـــأنـــــها غــــير الأسا فل
والعــوارف ماتجــــــــي منـــــها الذوارف =صـــدق وإلا كــــذب شيمة كـــل ثافل
ولا طمس بيــــض الحقائق غير بايق= نيـص غارن من نهــــــار الحــــــق جافل
يدفعــه حـــب الظليــــمة للظليمة=الخــــسيـــس اللي عليــــه إبليـــس قافل
مابذاته وجــه حـــق ولاحـــــقيقة=مع غــــــــواه بساحة الشيطان حافل
باع في مستنقـــــــع العيب الكرامة=كــــــــل وقــــــح فـــي ردا دنـــــــياه رافل
غير عيب في وضــــيع العــلم يسعا=ما الــتزم بالفــــرض ويصــــــــلي النوافل
من سعى بالظلــــم معروف مصيره= يحــــــسب اللي خلــــــــقه إنســـــان غافل
مفتري لكـــــــــن ترى ربه حسيبه=العظــــيم اللـــي لكـــــــــل الناس كافل
والدسيسة شيمة النفس الخسيسة=والجــــبان اللي قــــــصر عن كـــــــل نافل
بس مهــــما حاول التشــويه كاذب=جــال حـــــين ما انثنى سير القوافل
******** type="text/**********">doPoem(0)***********

إلى شاعر يام الشاعر / علي بن بلال اليامي


يالله يالله ياللـي مالنـا غيـر انـت معـبـود= سبحانك انت العظيـم اللـي عليـك الاعتمـادي
يالله يالله ياللـي مالنـا غيـر انـت معـبـود= سبحانك انت العظيـم اللـي عليـك الاعتمـادي
يامالك امر الوجود الخلق تفنـا وانـت موجـود= باقي وتعلـم خفايـا الكـون واسـرار العبـادي
يارب اسالك رضاك ولامـدى حسنـاك محـدود= اخشاك وارجيك تهدينـي علـى درب الرشـادي
مومن وفيك استعين الى لحقنـي هـم والهـود= مـولاي رحمـاك ياعـلام ماكـنـه فــوادي
قمت اتفكـر واديـر الفكـر والتفكيـر مشـدود= محتار يزعجنـي الممشـا ويزعجنـي قعـادي
مترددٍ كني ابحث بالزمـن عـن شـي مفقـود= مدري على أي اتجاه اسير وجروحـي جـدادي
استدرج الفكر ذعـذاع القصيـد وهبـة النـود= نفـح المشاعربنـود الشعـر عطـر كـل وادي
خيل بفكري خيال الشعـر كلـه بـرق ورعـود= وانقاد مـن هاجسـي منشـاه ياليـل الهجـادي
يتعبني الشعر واتعب له ومثلـي عنـه منشـود= في وقت قل اعتبار الشعر مـن كثـر الـدوادي
في وسط سوق المزاد ونوب معنى النقص والزود= كم سبب الهذر عسر الهضـم حتـى بالـروادي
لين اصبح المدح ذم ولااصبـح البـارود بـارود= ومن لايعرف الفتيله ماعـرف ويـش الزنـادي
مدح الردي ضعف نفس ولاالردي بالطيب مشهود= وارض الصبخ من حرثها خسر حرثه مااستفادي
هذا وانا لي هدف واضح ولي هقـوه ومقصـود= معني ومعنـاي رمـز العـز والعلـم الوكـادي
اعن جزل المدايح فـي شجـاع ينطـح الكـود= والمدح له منطـقٍ عـادي لكنـه غيـر عـادي
سلام ياخصلـة العـز القديـم ومنبـر الجـود= وجـه المـروه وميـزان الادب راع الشـدادي
ياراس من روس يام اللي لهم تاريـخ وعهـود= تاريـخ كتبـت سطـوره بالرمـاح وبالهنـادي
وعهود ماخامرة للبوق طـول البيـض والسـود= الا ان فيها بياض الصدق عن سبـر السـوادي
ياعلي واسمك وسام الشعـر معـروف ومعـدود= ياحافظ له بياض الوحـه فـي بيـض المبـادي
تستاهل المدح يابن بـلال لـك مثنـي ومـردود= عليـك والشعـر لامنـي شديتـه فيـك شـادي
قلته وانا لي شمـوخ وعـز ماغنيـت مضهـود= وافخر بربعي سلايل عبس مع حضـر وبـوادي
اليا تفاخـرت فـي ربعـي نقـا مافيـه منقـود= ومن لاحفظ منسبه هافي وبـن غـادي وغـادي
الله يديمـك ياابـو سلطـان ماطيبـك بمجحـود= ورثِ ورثته تجـلا مثـل وجـه النـور بـادي
ماقلت بك غير فعلٍ منك مثـل السيـف مجـرود= وثيقةٍ ختمها بالصـدق عـن بعـض التمـادي
والحمد باهل الوفا مثلك ياابو سلطـان محمـود= وميدانك اكبر من اللي فيـك صفتـه باجتهـادي
******** type="text/**********">doPoem(0)***********

رد شاعر يام على شاعر عبس


ياالله يـاالله ياللـي تقضـي الحاجـات وتجـود= اسالـك المغفـرة والعـز والهـرج الـسـدادي
يامالك الملك ياذا الكـون منـك العـون معهـود= امنت بـك لاالـه الا انـت حقـق لـي مـرادي
البارحه كنـت ساهـر والمـلا هجـاع ورقـود= صار السهر للعيون احـلا والـذ مـن الرقـادي
يوم استهليت عشرين وخمس من اجمـل الخـود= يا مطيب الرابعه والخامسـه حسـب اعتقـادي
ما كنها الا مهار مـن بنـات حصـان صاهـود= الا انها من رشيـد وعبـس والمجـد السنـادي
حورٍ مهرهن بصدري من زمـان فـات ملحـود= رصيد شعـر كمـا كنـز الذهـب ببـلاد عـادي
للـي بعثهـا نبـي الله سليـمـان ابــن داؤد= ساعة كشفهـا بمـا فيهـا دفـن ذيـك البـلادي
عساني اكسي جزيلات المعانـي جـوخ وعقـود= حيث انها مـن نديـم ينطـح الواجـب عمـادي
بيني وبينه كمـا قالـوا ثمـان سنيـن ياحمـود= والله نشد عن معرفـه يـوم والمعـروف قـادي
يامرحبا من هجـوس شربهـا صافـي وقرهـود= ياوافي مـن رجـال العـرف خطـلان الايـادي
الله يحييك يـسعـدان بـن عابـس راع الفـود= ترحيب معنـاه للصاحـب حـزام الـى الثنـادي
حاضر بحاضر بدون محايـلات ونصـب ووعـود= ابشـر بعـزك ليـا حـدك مـن الايـام حـادي
انا ادري انك ولـد لابـه لهـا عـادات وجـدود= زيزومها عنتر العبسـي علـى سـرج الجـوادي
لابتـك وسّامـة الكفـه لهـا تاريـخ وشـهـود= يشهد لها الحوض ووروده على عاشـر وحـادي
وانا ادري ان كل صابر لـه امكانيـات وحـدود= والصبر محمود لولا الصبر ما عـرف المهـادي
وانا ادري ان اكثر الوافين حضه حـض مقـرود= في عصر جوع الكريم وشبعة الهيـس الربـادي
ما قصد بها كل منهوفي غنـا وسهـود ومهـود= بعض الرجاجيل مـن زود الغنـا بالطيـب زادي
وكلا من الناس من مجناه يبـداء منـه ويعـود= لا بـدّل الله ثيـاب العـز بثـيـاب الـزهـادي
افضّل الموت من حربـه ومـن كيلـه وعبـرود= ولا كما قيـل تستسقـي البحـور مـن الثمـادي
وان شفت مسيود مصبح سيد وامسا السيد مسيود= احس بالغيض مهما هاضنـي صـوت المنـادي
وان شفت خلة عزيز القوم من حاسـد ومحسـود= ادعي على بعض نـاس مالهـم كثـر الجـرادي
ياحيف ما كن مع بعض الرجـال قلـوب وكبـود= لا ينقصـون العـداد ولا يـزيـدون الـعـدادي
والله جعل للقصائـد والرجـال اسـرار وسـدود= معك السعد يـا مبشـر بالعشـا قبـل الهـدادي
راسك ويمناك ولسانك مـن اعـلا راس مرجـود= راسي وشامخ وزبن وفيـه شـرب وفيـه زادي
هذاك مجناك يا منصا الضيـوف جمـوع وبـدود= تنصاك مـن كـل الاقطـار القريبـه والبعـادي
******** type="text/**********">doPoem(0)***********

قصيدة من الشاعر / ذويب بن رجاء الخياري الرشيدي موجهه إلى شاعر عبس


راكب اللى وصفها معروف من عوص النجايـب= وصفها مثل الجنيـه اليـا صفـا وزنـه ولونـه
من سلايل جيش عيال الـزول زينـات الركايـب= وسمها الكفه ياحـي الوسـم واللـي ياسمونـه
ربعـت بالـوادى اللـى علتـه غـر السحايـب= الشعيـب اللـى مفرقـة الـولايـف ينزلـونـه
الشعيـب اللـى مفرقـة الـولايـف ينزلـونـه= الرسن فى راسهـا كـن الصحافـه يرسمونـه
روحـت تلفـح سفايفهـا مثـل شقـر الذوايـب= فوق من كد الجدايل لين مـال (ن) مـع متونـه
كـن بيـن عيونهـا لادرهمـت نـار ولهايـب= تشبـه لذيـبٍ عـدى وعيونهـا تشبـه عيونـه
اشهب السرحان وان جاء بين وديـان وجذايـب= مع تخاتيخ الخلا والقيـض يابسـة(ن) شنونـه
روحت مع خايع (ن) تذريـه صلفـات الهبايـب= تقل تاخذ مـن صحـارى نجـد بيديهـا نمونـه
فوقها المندوب فـى عزالشبـاب وتقـل شايـب= شايب(ن) على الشجاعه والكرامـه والخشونـه
قال انا راعى الذلـول وبالرسايـل عنـك نايـب= وبن عابس ياذلولـى لاتغيـب الشمـس دونـه
وبن عابس شاعرٍ من عبس عطبين الضرايب= شاعر كن الذهب واللول يصـرف مـن لحونـه
من هل النخوه مقابيـس العـدى يـوم الحرايـب= من يصيبونه بأصابـه مـات مابريـت طعونـه
بالحميه يرفعون الـراس مـن حاضـر وغايـب= الصـديـق يفرحـونـه والـعـدوا يكرهـونـه
وللخـوى والجـار مافيهـا جـدال ولاطـلايـب= لويعيـش العمـر كلـه مالقـى حـي يخـونـه
المقابيـس النواحـيـش الذوابـيـح العطـايـب= الرصاص اليـا رمـوا بيـن الاحجـه ينقفونـه
مايهابـون الخطـر و المـوت لوالـدم رايــب= لو يباع المـوت ف نهـار الحرابـه يشترونـه
دون ابانـات العذيـه والشعيبـيـن الخصـايـب= القهـد والـوادى اللـى يبسـت الاريـاق دونـه
ومن شمال من المدينه شمـخ السـود الرقايـب= وضلع(ن) ابيض مثل غر المزن فوق الغيم لونـه
والرجوم السـود وفيـاض الضحايـا والزرايـب= منوتى ومنـاى شـوف الـدار واللـى يدهلونـه
احتموهـا يـوم دورات المغـازى والكسـايـب= كل عـد(ن) فـوق زينـات الركايـب ياردونـه
وردوهن صافي الماء والقمـر بالقيـض غايـب= والبلا فرقـى الوليـف مـن الوليـف يفرقونـه
ولايصح الا الصحيح ومن يقـول الكـذب خايـب= والرجال اهل الوفاء وعلـم الوفـاء مايجحدونـه
******** type="text/**********">doPoem(0)***********
رد شاعر عبس/ سعدان عابس على الشاعر/ ذويب بن رجاء الخياري


مرحبـا ماهـلّ همـال الحيـا والجـو طايـب= من صدوق النو وسميـا ً مجاهيمـم ٍ مزونـه
ساقه الرحمن خلاق البشر جـزل الوهايـب= بارقـه يفـرا ظـلام الليـل ..ويبـدد سكونـه
مرحبا ما هلّ وبلـه وارتـوت منـه الرغايـب= وماتبين بـاذره بـأوراق عشبـه فـي حتونـه
بالرسالة والذلول ومن عليهـا يـا اخـو ذايـب= والقصيد ومن تذكّـر طيـب ربعـه يذكرونـه
والشعور الحي يحيي والعرب مخطي وصايـب= شانهـم شـيء ٍ يعرفونـه وشـيء ٍ يجهلونـه
والتجاهل من سمات ابليـس ملعـون الصلايـب= الله انـه يلعـن الشيطـان والـلـي يتبعـونـه
الشجاع يقول قـول الحـق مايخشـى السبايـب= مايمـوت ابـه الضميـر ولا يغرنـه ظنـونـه
انت يا الي بالوفاء والطيـب طيّبـت الطرايـب= مفردات الشعر وهجـوس ٍ بخافيـك مخزونـه
صافحتني منـك غيـداً ماشناهـا منـك عايـب= شرفتني وانت مفهوم الشـرف ..تـدرك فنونـه
ياشريف الـذات والمبـدأ فـدوك مـن الزلايـب= ناقصين العرف والمعروف ..عشـاق المهونـه
ياذويب كل راعـي عـز مايرضـى الغلايـب= والجبان يعيش عيشـة ذل ..والنفـس مغبونـه
ماثبـت غيـر الجبـال ولاتطيـح الا الـزرايـب= الجبل ما هـزت الأريـاح ركـن ٍ مـن ركونـه
وانت مرسالك وصلني فـوق طاويـت الخرايـب= الأصيل اللـي لزيـم اشدادهـا تبـري شطونـه
قلـت يالله حـي راعيهـا وياحـي الشبـايـب= مفردات ٍ مـا بهـن شكـوى ولاطلبـة معونـه
******** type="text/**********">doPoem(0)***********







التوقيع :

آخر تعديل ابوعبيد يوم 08-20-2009 في 01:50 AM.

رد مع اقتباس
 
قديم 08-20-2009, 01:55 AM   رقم المشاركة : 3
مراقب عام سوبر ومشرف المجالس الشعبيه القصص والقصيد والراويات التاريخيه القبائل العربيه
 
الصورة الرمزية ابوعبيد





الحالة
ابوعبيد غير متواجد حالياً

ابوعبيد is on a distinguished road

الاوسمه الافتراضيه المشرف المميز 


 

افتراضي رد: ديوان شاعر عبس الشاعر / سعدان بن عابس القعبوبي الرشيدي

جور الزمان وجحيمه

ياشاكياً جور الزمان وجحيمه= يا من كواه بميسم الوقت همه
شكواك نوب من الهزيمه هزيمه= كف الشكا والسر بالصدر ضمه
ليا ونست من دنياك ظيم وهضيمه= وضاق المجال بكل فج ويمه
واحترت والحيلات صارت عقيمه= اجمع شتاتك في بيانك ولمه
واشتك على محيى العظام الرميمه= شكواً لغير الله ذل ومذمه
الناس لوشفت المظاهر وسيمه= يا قل من حالك وهمك يهمه
تغيرت بعض الامور القديمه= حتى القريب يهون لحمه ودمه
راحو مسنين السلوم السليمه= تسعين بالميئة من الحي رمه
ناس لهم بالغش والغدر شيمه= عاشو على همزه وكسره وضمه
هذا زمان الزركشه والنميمه= ياصاح وانت بما تسميه سمه
تحوم بحماه الضوامي محيمه= وتمسي ضمايا فيه والبير جمه
وقت خباياه الوخيمه وخيمه= بكمه وصمه غير بكمه وصمه
وين الصديق اللي غريمك غريمه= اللي تخصه بالامور وتعمه
فعله وطيب جبلته من صميمه= راع المواقف بالامور المهمه
اللي يطوع راسها بالشكيمه= مواقفه تجلى عن الروح غمه
يالله يامن صار موسى كليمه= يافالق عنه البحور المطمه
ياحافظه من سو غدر الجريمه= وباليم تابوته حفظته بيمه
تفرج لمن كود الليالي يضيمه= وفكره يتوق وكل فج يخمه
مشغول باله عن منادم نديمه= مما يحسه في خفاه ويضمه
رجل يجاهد حسرته بالعزيمه= يوم أن له مبدا وهقوه وهمه
للحق ما نقص للاجواد قيمه= حي الضمير وفيه رحمه وذمه
لياغط نور الحق خطو الهليمه= اللي تناسى سلم خاله وعمه
خطو الخمام اللي سوات البهيمه= اللي يزوم وكبر نفسه يزمه
خبل يحسب أن المكابر غنيمه= ما يدري أنه ينقصه ما يتمه
******** type="text/**********">doPoem(0)***********
شيمة قصي وعدي


لولا الطحن والحب ما دارت رحي= وقت يغرك طاعمه في طعامه
ولانا ضــــج زاد وبره ولاني = وكم طاح به هقوة وهامة وقامة
فيه العداوة شيمة قصي وعدي= وشرقٍ نسى ياعا قل الزيد شامه
للعلم علم ويذكر الشئ بالشي= وللحق حق وللكرامه كرامه
أي الذي يطنيه موت الوفاء وأي= وجه نسى معنى الحياء والوسامة
في ذات سلمى له عهد هند مع مي= يجهل بمعنى السيف رمز الحمامة
يغريه وقت الغش والغيض والعي= وفهامة تحتار فيها الفهامة
مانب بأسالك يأبو سلطان عن عي= أقول مكسب من تود السلامة
******** type="text/**********">doPoem(0)***********
محرك هاجس الشعر


يامحرك هاجس الشعر في نفحه هـواك= ماحوىالشعرالغزل كـل ماقدقيـل فيـك
بالخفايالك حضورِعشـق صـادق غـلاك= هاجس هزالمعاليق مالك به من شريـك
في فـؤادي مايساويـك ودً مـا سـواك= تنتهيك أغلىهجـوس الخفـوق وتبتديـك
يامناول كفى العطـر عطرنـي شـذاك= أنتشي عطرك وكل المشاعـر تنتشيـك
ياغريب كنت أعرفك قبل لحظـه لقـاك= أرسم الآمال بدروب وصلك واحتريـك
يوم كنت هناك كان الغلا عنـدك هنـاك= قبل اشوفك كان همي يبيك وكنت ابيـك
لين ساعات المقادير ساقت لـي خطـاك= جيت يمي وألا أنا كنت مدري كيف أجيك
جيت تحيي مجدب كان في حاجه حيـاك= في عيونيك بارق بين ذيـك وبيـن ذيـك
ابتسم لي صبح ودك وصافحني مسـاك= والمشاعر يارقيـق المشاعـر تحتويـك
كل شيء في وجودك دعاني لك دعـاك= بين شوق يرتهي بـك وشـوق يرتهيـك
ليله وانت القمر كنت واشواقـي سمـاك= واشقر كالموج هايج يصطفق منك فيـك
به صفه من شعله النار لولا انه كسـاك= حين تقضي من شمعه عليك اخشى عليك
وان ثنيت اخطاك واقبلت عانقني ضيـاك= ضوح بدر من تمعن وضوحه ما نسيـك
كل ما يملا عيوني مدى حسنـك مـلاك= كوكب كنك تشلـه علـى راحـة يديـك
ماعرفت ان السهر حلو صدق الا معاك= ولا دريت ان الضما عذب قدام ارتويـك
من شقا بك ما سلى يوم عنك ولا نسـاك= يعتبر شعر الغزل كل ماقـد قيـل فيـك
******** type="text/**********">doPoem(0)***********

نسى الله من نسى قدر الكريم

ألا
يـــــالله يارب الــمــــلا ياحــــــي ياقيــــوم= وياتــــــواب للــــتايـــب وغـافـر ماتـــقــــدم له
لايامــــنه طـــلب عفوك يصير برحمتك مرحوم= تبـــدل ســـيته حســــنه لون ماحــدٍ عمــل عمله
عظيــم الشان وعبادك تحــــج لطاعتك وتصوم= ولك تدي الفـروض الخمس بالتوقـيت مكتمله
أخافك ورجي الغفران ورضى منك بالمقسوم= وكلٍ يـصــله اللي مـــنك يكـــتب لـه ويقــسم له
سما بسمك نداي ومبتداي ومبتداء المنظوم= على خـيــطٍ بنات الفــــكر تنـــظـــم به وينظم له
أنا البارح سـريت مع السهر حتى نسيت النوم= أســـوق البال وحــبال الشــقى تفـــتل وتبرم له
ســــرابي هاجـــسي واللــيل لامـسرا ولامنجوم= ولاســـمر الجـروح اللي تـــظـــم الـروح مند مله
جروح اللوم وسباب الجفاء والبوح والمكتوم= وتــعـــبيرٍ مــدى التـــفكــير يرغـــم به ويرغم له
ومفـــهوم الحـــياة وماستـــــطع عـلى المحروم= وماشــت الزمــن شــمــله ومالـــم الـزمــن شمـله
تمـــعنت الأمـــور وللتــــجارب علمــها المعلوم= ومــن كــان الزمـــان أســتاذه أدرك ماتــعــلم له
عرفـت أن التـشابه فالبشر مثـل النخل والدوم= وبالمضــمون مــبدا الحـق يحـكم به ويحكم له
ومـيزان الرجـال العقل فرق وفرق سوم وسوم= ومــن عــز الكــرامـه موجــــبات الــعــــز تعزم له
ومن يدرك عزيز القــــوم مايـــــنسى عزيزالقوم= وبعـــــض الـعــــــز مرٍ بالمـــذاق لمــن تطـــعم له
تصـــاريف الزمــان أحـيان فيها المنتصر مهزوم= ومــدار أسباب منــــها واقـــعـه وأســباب محتمله
بوقــتٍ يغلــبه ذل وحني هامه وحب وخشوم= وتـــفــكيــرٍ بيـــوت الزيــف تبــناله وتــهـدم له
وعــــلاقـــاتٍ عـلى الهامش معانيها عدد ورقوم= ضـــوابــطــها غــريبــــه مالـــــها مــــله ولاعمله
بهاماغــــط الثنــــــى للــــكــــارم مـــن المكروم= نــسـى الله من نــسى قـدر الكريم ومن تكرم له
وبهادعوة دعي اللي وجوده في ورق وختوم= وهـو مزعــــوم أبن مزعــوم مهـــما كان يزعم له
يكابر ويتغــطرس في بعـض مايفــــقده مدعوم= يحــــســب أنه وهــــو مايازن الــــذره ولاالنمله
وكـــيـــد الحاقد اللي في حبايله البيرمه تهوم= نقـــي الذات يظــلــم في نـقــى ذاته ويظـلم له
شعـور النقــــص منـشى الحقد لاغارم ولامغروم= هي أمراض النفوس أمراض ولاوش تخاصم له
وسوقيـت مولفـــت القصـــيد المادح المذموم= ملمـعــت الوجــــيــه بســـــوق ذا كمله وذاكمله
يتعــــب التفـــــكير حــال أسبــــــاقها المحموم= على صــــيغة مجاهــيـم الزمان ومن تجــاهم له
ولاني في جــبلات البــــشر وطـــــباعـها ملزوم= أحد ينـصـب وينـصب له واحد يجزم ويجزم له
أنا المجروح والمتعوب والمعمومس المهموم= بروحــي شعــلــةٍ للــغيــــض والهــاجـــوس مشتمله
أهوجـس بالرفـيـق ليابغيت مع الطريق أعلوم= رفيــــــقٍ ماندمــــته وأطــيـــب أمـــــثــالي تنادم له
رفــــيـقٍ ماتزعـــــزعه الظــــنون ولاتــغـــــير يوم= أضــــــه بالمـــشاعـــر بوح وثـــورٍ تبـسم له
رفيـــــقٍ واضــــــحٍ مــــبداه لاواهــم ولاموهوم= نـــقـــيٍ ماسـمـــــع ساقـــــــط كــــلام ولاتــكلم له
تساما عن مزايـــين المظاهـر بالوفــاء المزعوم= جــــداد الصـــحــبه اللي عقــب فتره تنقلب سمله
أرجالٍ بالعــوافي مير في وقـت اللزوم أرخوم= مواقـفــهـــم تشكــل جمـــلةٍ تنـقــــــص عن الجمله
ونا لوطــالت الطرقــــه بحــول الله قوي عزوم= ومــن بالله عــزمــه مايـخـــيـــب ولايــخــــيب أمله
نــعـم وســتدرج المفــهــوم عن بالخفى مفهوم= أنا والشـــعـــر كـلٍ شــال من جـــــور الزمــن حمله
يقـــولون الرجال لياحـداك من الزمان أسهوم= وغـلــــبك أمر الخصـيـم ولابقى لذخـــيرتك كمله
تنــــصى من الـجبال المزبن المتبين المزموم= أوانــص من الرجال اللي جزال المدح توسم له
******** type="text/**********">doPoem(0)***********
مقتل العبري


عطور المشاعر فاح في ليلةٍ عطـرا= سليم الشوايب في نبا وافي الشبـري
هو الشعر ديوان العرب له طراة اطرا= بعيدٍ عن الاسفـاف والعالـم الثبـري
نبا الطاري الي في خفايا الخفوق اطرا= لغه في نقا تعريبهـا مقتـل العبـري
خواطر غرام الغيد لخطوبهـا خطـرا= دعاني والصوت الدان يبري ولايبري
تساما وكان اسمي بجزل الندا سطـرا= مكانٍ من التشريف ماموجبـه جبـري
كفاني وانا وعبيد كلاً قضـا واطـرا= من العشق كلاً بالغنادير لـه سبـري
سقا الله يابن داموك من صادق المطرا= وطن من لغة ذكراك بلسانهـا نبـري
تعددصفات الناس كم بالهـوى بطـرا= وكم من جريحٍ بالهواجيـس يستبـري
انا وين اروح وراحتي كلهـا نطـرا= الى من يشاطرني هجوسي قبل قبـري
حياة المبادي والزمـن حيـةٍ هطـرا= معابيره اكبر من صفة حال معتبـري
الى حلت الذكرا بماضٍ كما القطـرا= ايازين عطر الوانها والطعم صبـري
******** type="text/**********">doPoem(0)***********
القصيدة مهداه إلي الشيخ ناصر بن سحاب بن براك الرشيدي

ياناصر الطيب في صدق المكارم يابـن سحـاب= ياوافـيـاً بـيـن وافـيـن الـرجـال أفـخـر بطـيـبـه
وافي ونعتز في طاريـك واسمـك بيـن الاجنـاب= يـاراهـي الـيـد طيـبـك مــن مجانـيـك العـريـبـه
أطريك والشعر فـي طاريـك يارمـز النقـا طـاب= وارفع لك الصوت كان أونست من وقتي غليبه
من يعتزي بك وفي شـرواك يابـو بـدر ماخـاب= يارمـز الاخيـار معنـى الجـود حــلال الصعيـبـه
يابوبـدر دارت الدنيـاء وحـكـم الـوقـت غــلاب= وماقـدر الله علـى المخـلـوق مـلـزوم ٍ يصيـبـه
دورات الايــام فحـواهـا تبـيـن دور الاصـحـاب= مـن حيـث ماتبتـدي فيـه الامـور وتنتـهـي بــه
من قل مافـي يـده عافـوا مجالـه حتـى الاقـراب= نـــاسٍ تــذمــه بــلاذمــه ونــــاسٍ تستـغـيـبـه
بالـزيـف والــزور والبهـتـان تسـعـى وتلـتـاب= ومـن لايحاسـب ضميـره بالحـيـاه الله حسيـبـه
محتـاج لـك ياعـزاي ولاتنشـد ويـش الاسبـاب= والاالـردي مالتفـت لـه باللـزوم ولانتـخـي بــه
مـن مالـه أول بفعـل الطـيـب متصـنـع وكــذاب= اللـي لياحيـج صابـه مـن مـن ردا مجنـاه ريبـه
هذاك وقت اللزوم أنساه في مقضـى ومقضـاب= واذكـرك ياللـي بـيـان مـروتـك مـاهـي غريـبـه
مالي على بـارد الهوجـاس لـوم وحـق وعتـاب= ياناصـر الجـود وشـرواك التفـت لـه وعتزيبـه
******** type="text/**********">doPoem(0)***********







التوقيع :

آخر تعديل ابوعبيد يوم 08-20-2009 في 02:12 AM.

رد مع اقتباس
 
قديم 08-20-2009, 02:13 AM   رقم المشاركة : 4
مراقب عام سوبر ومشرف المجالس الشعبيه القصص والقصيد والراويات التاريخيه القبائل العربيه
 
الصورة الرمزية ابوعبيد





الحالة
ابوعبيد غير متواجد حالياً

ابوعبيد is on a distinguished road

الاوسمه الافتراضيه المشرف المميز 


 

افتراضي رد: ديوان شاعر عبس الشاعر / سعدان بن عابس القعبوبي الرشيدي

لايغرك من تعزوى بهيا وبهياء


الحيا في بعض الأحيان ما يصبح حيا= تستحي ويفكـر الناقصيـن أنـك جبـان
مـا لعشـاق العيـا بالخصـام إلا العـيـا= والتواضع نوب راعيه بالموقف يهان
لا يغـرك مــن تـعـزوى بهـيـا وبهـيـا= المواقـف ترفـع فـلان وتطمـن فــلان
والله إن الخير والشـر بالـدرب خويـا= والقدر ما يخبـرك بالزمـان وبالمكـان
******** type="text/**********">doPoem(0)***********
قسوة الذكرى

قست لحظه الذكرى بذكرى الفراق ومي= تذكـرت مـن ياليتنـي مـا تذكرتـه
ذكرته وجرح افراقنا وسط روحي نـي= بعيـدً تصورلـي قريـبً تصـورتـه
وجوده بقلبي شي فارق وشوفه شـي= حقايـق خيـالً لـو تنكـرت منكرتـه
صفالي الى حد احتراقي وجسمي حـي= وانا اللي بطوعي واختيـاري تخيرتـه
احس بوجودي فيه يشبه وجـوده فـي= ولاغاب عن عيني بالاعمـاق دورتـه
كوى القلب حبه وافترقنـا وزادالكـي= عسى الله يساعدني بصبـرً تصبرتـه
لا فـي يديـه الامـر لالا ولا بيـدي= تنحى ولا اخبرني وانا رحت مخبرتـه
نهايه هوى كل المحبيـن هـذي هـي= صويب الفراق ليا شكى الجرح قدرتـه
******** type="text/**********">doPoem(0)***********

دروس الحياة


ياقو صبرك على جور الزمان وظلم الأصحاب= وياطول بالك على من غيـر الواقـع سلوبـه
في وقت فيه التدني والجحود وصكـة البـاب= والزيف والزور والبهتـان والدنيـا الكذوبـه
ياصاحبي والحياة بلا تجارب مثـل الألعـاب= للجاهل اللي نسى الحسنـات نسيانـه ذنوبـه
لكن دروس الحياة من الحياه أحداث وأسبـاب= صكات الأيـام لأحـداث المقابيـل محسوبـه
للصبر مبدا وعلم الصدق يجرح كـل كـذاب= والفرق معروف والصبخا ماهي مثل الخصوبه
مايتفق حق مـع باطـل ولامـدرك ومرتـاب= والحق مايلبس المخلـوق ثـوب غيـر ثوبـه
والناس تخطي وتستغفر ورب النـاس تـواب= ولايحسد الخنصر البنصر على دبلة خطوبـه
واللي يغني بطاروق يتيـم بـدرب الأشبـاب= قافية القاف وقفتهـا علـى العاجـز عقوبـه
مثل الذي له حضور(ن)في غياب الغير يغتاب= وفي موقف الصدق مايدرك لقـاه ولاهروبـه
ياناسي الطيب حتى للنهار حضـور وغيـاب= ولولا الكدر والهماج الماء نسى معنى العذوبه
******** type="text/**********">doPoem(0)***********
بر الامان لشعرنا الشعبي


متى شعرنا الشعبي لبر الامان ايقاد= ومتى من سبات الفكر يستيقض الراقد
ومتى تصدق الريشه على لوحه النقاد= ومتى ياثق اللي للثقه كلها فاقـد
تحيز غموض مجاملات بدون قياد= وكل يبي يثبت وجوده وهو حا قد
مع سطور جرح الغير دايم لنا ميعاد= واللي نريد الحل منه هو العااااقد
قرينا تعبنا والنتيجه هذر وعناااد= وبقي شعرناا الشعبي سطور بلا ناااقد
******** type="text/**********">doPoem(0)***********
دخلت السوق


دخلت السوق أبشري منه حاجه= وأنا ماكنت أحسب إني أواجه
من الأحداث موقف هز قلبي= وضيق خاطري وأخلف مزاجه
وجدت بداخل الدكان بايع= يناضرني وهو عاقد حجاجه
ولكن قلت ناولني لزومي= ترى بالسوق ما أحب الدواجه
وقال بضاعتك ماهي بعندي= وهي عنده ولكن به عواجه
أشير لها بسبابة يميني= وأناظرها ورحنا في لجاجه
وبعدين اكتشفت أسباب مابه= وسر الغيض كله واحتجاجه
أثر عنده زبون غير عادي= وصاح الديك لعيون الدجاجة
يبي بُعدي لأجل خاطر زبونه= ولا أدري هو طمع وإلا هياجة
صراحة كنت أفكرها أجنبية= وملبسها مثل لبس الخواجة
مفاتنها تنادي من يراها= فضيعة تقل لابستن زجاجة
جميلة بس قبحها دلعها= مصابة في مرض صعب علاجه
وقمت ألعن على المكشوف أهلها= لأن بوضعها عيب وسماجة
وراحت جسمها يهتز كله= كما قرطاس تومي به عجاجة
ومن فوق الرصيف أسمع كعبها= كما طق المهندس في كراجه
******** type="text/**********">doPoem(0)***********
القوة الخارقة

اقبلت تختال ياقوتةٍ متبارقه= بالجمال وكل عينٍ سعت لعناقها
جت تجر الليل الأسود بشمس شارقة= في عيون ساقة النور مدري ساقها
حين بانت هزت الكون قوة خارقة= ارهبتني قلت رحماك يا خلاقها
غادةٍ متفوقه باالجمال وفارقه= سحر بابل في هدب عينها وأحداقها
في بهاها فاتنه للقلوب وسارقه= للعقول وبات نشوانها مافاقها
يعلم الله كلها بالمحاسن غارقه= زانها الله وأكتست جلها وأدقاقها
كل نظره صوبها يوم تقبل مارقه= شوق وأخشى ثقل الأرداف يكسر ساقها
غادةٍ لأبواب كل المشاعر طارقه= وأن تبسم ثغرها يا كثر عشاقها
من شقى فيها شقت به جحيمٍ حارقه= من كسب لحظة رضاها من اللي شاقها
الغزال أن خانه الريح يلمح دارقه= ولايحقق بالمها الانظر تفاقها
آه يامن وصفها نال وصف الفارقه= صرت أخاف فراقها قبل وقت فراقها
كل ما يرعد لها الفكر صارت بارقه= وكل مايمطرني الشوق صرت أشتاقها
كنها نسـمه ورحي غـــصــونً وارقه= تشـــتهي تحــــريك أزاهــــــيرها وأوراقها
******** type="text/**********">doPoem(0)***********
الوفاء مسكين

اليوم شاهـدت ألوفا المسكيـن واقـف جنـب بنـك=مـحـتـار يـنـظـر يـــم ذاك ويــــم ذاك ويــــم ذاك
جيتـه ورديـت السـلام وقلـت ويـن النـاس عـــــنـك= وأنت الوفا هم وش بلاهم وأنـت قللـي وش بـلاك
قــال ابتـعـد لاتمتحـنـي فــي حـديـثـك وامتـحـنك=النـاس مشغوليـن عنـي وأنــت رح عـنـي هـنـاك
قلت أنت ويش أزعلك مني والرضا والغيض منك=قال انت لا هالحين جا هل من وفاك ومـن جفـاك
******** type="text/**********">doPoem(0)***********
صرح عز

صدق ..مجد ٍ من رشيد وعبس .. ماشابه شوايب= لاثني هجانـة التاريـخ عـن هيبـة حصونـه
صرح عز ٍ قبـل وقـت ام المعـارك والغرايـب= والكلام ومـن يقولونـه وهـم مـا يفهمونـه
يانزيـه الفكـر والتفكيـر .. وافكـارك ذرايـب= خذ نقا عهد ٍ ..وميثـاق ٍ نقـا مثلـك يصونـه
******** type="text/**********">doPoem(0)***********







التوقيع :

آخر تعديل ابوعبيد يوم 08-20-2009 في 02:32 AM.

رد مع اقتباس
 
قديم 06-14-2010, 01:21 AM   رقم المشاركة : 5
صـــاحب المـوقـع
 
الصورة الرمزية غازي البراك





الحالة
غازي البراك غير متواجد حالياً

غازي البراك is on a distinguished road


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

بيض الله وجهك يابو عبيد عزالله مجهود تشكر عليه
الله يشفي شاعرنا ابو وليد







من مواضيع في المنتدى

التوقيع :

سبحان الله وبحمده سبحان الله العظيم

آلَلَهُمَ لَكَ آلْحَمْدُ وَ آلْشُكْرْ كَمَآ يَنْبَغِيْ لـِ جَلَآلِ ؤَجْهِكْ ؤعَظْيِمِ سُلْطَآنِكْ
لا تقل لي شكراً
قل لي الله يوفقك


اخي الزائر الكريم حياك الله في موقع الجميع يشرفنا تسجيلك

التسجيل بالموقع متاح اضغط على هذا الرابط وسجل
http://www.gazialbrak.com/vb/sendmessage.php


واذا لم ترغب بالتسجيل المنتدى مفتوح لك تصفح جميع اقسامه

واذا عندك مشاركه او طلب تقدر تشارك وانت زائر

اضغط على هذا الرابط

http://www.gazialbrak.com/vb/forumdisplay.php?f=36
تظهر عندك ايقونه مكتبوب عليها موضوع
جديد اضغط عليها يظهر عندك مربع
حط عنوان الرساله وضغط اعتماد
حياء الله الجميع في موقع الجميع

نسأل الله تعالى أن يوفقنا وإياكم لما فيه الخير
والصلاح في الدنيا والآخرة



﴿ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

رد مع اقتباس
 
قديم 07-02-2010, 02:20 PM   رقم المشاركة : 6
نائب المدير العام
 
الصورة الرمزية وليد البراك





الحالة
وليد البراك غير متواجد حالياً

وليد البراك is on a distinguished road

وسام التغطيات الاوسمه الافتراضيه اكثر مشاركه وسام المراقب المميز 


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

بيض الله وجهك يابو عبيد عزالله مجهود تشكر عليه
الله يشفي شاعرنا ابو وليد






من مواضيع في المنتدى

التوقيع :
أبيات ضاعت لكن أذكر شطر بيت=ما كل من يفقد يعوض غيابه

******** type="text/**********">doPoem(0)***********
___________________________________________

تدري كرهت النت من عقب فرقاك=حتـى الماسنجـر يبـطـي الـيـوم مــا جـيـه
******** type="text/**********">doPoem(0)***********

___________________________________________
___________________________________________

رد مع اقتباس
 
قديم 08-11-2010, 11:33 AM   رقم المشاركة : 7
مراقب عام
 
الصورة الرمزية ابو (ريان)





الحالة
ابو (ريان) غير متواجد حالياً

ابو (ريان) is on a distinguished road


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

الله يشفي الشاعر/ سعدان بن عابس ...شاعر وعلم عبس
ويلبسة ثوب الصحة والسلامة..
وبيض الله وجهك يا بوعبيد على هذا الأختيار الموفق
تقبل تحياتي وتقديري .







من مواضيع في المنتدى

التوقيع :

رد مع اقتباس
 
قديم 09-05-2010, 03:33 AM   رقم المشاركة : 8
شاعر
 
الصورة الرمزية مشوح القعبوبي





الحالة
مشوح القعبوبي متواجد حالياً

مشوح القعبوبي is on a distinguished road

وسام الشاعر 


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

بيض الله وجهك ابوعبيد
والله يشفي شاعرعبس
سعدان عابس







من مواضيع في المنتدى

التوقيع :
ودي بمشين بالفيافي مع أشراق\\\\وقت الصباح و مشيت الرجل ازيده


رد مع اقتباس
 
قديم 09-05-2010, 04:54 AM   رقم المشاركة : 9
عضو نشيط
 
الصورة الرمزية يوسف البراك




الحالة
يوسف البراك غير متواجد حالياً

يوسف البراك is on a distinguished road


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

بيض الله وجهك ابوعبيد
والله يشفي شاعرعبس
سعدان عابس
[color="rgb(65, 105, 225)"]تقبل مروري

[/color]








التوقيع :

رد مع اقتباس
 
قديم 10-13-2010, 05:44 PM   رقم المشاركة : 10
شاعر نظم وشاعر محاوره وعضو مجلس الاداره ومشرف ساحة الشعر والادب
 
الصورة الرمزية ثويمر العجوني




الحالة
ثويمر العجوني غير متواجد حالياً

ثويمر العجوني is on a distinguished road

وسام الشعر الاوسمه الافتراضيه 


 

افتراضي رد: قصايد من روائع شاعر عبس الشاعر / سعدان بن عابس القعبوبي الرشيدي

الله يجزاك خير يابوعبيد على جهودك
والله يشفي الشاعر/ سعدان بن عابس
شاعر عبس
ويلبسة ثوب الصحة والسلامة..

وبيض الله وجهك يا بوعبيد







من مواضيع في المنتدى

التوقيع :

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
من قصائد الشاعر سعدان عابس القعبوبي السهل الممتنع القصايد المنقوله 8 01-20-2012 04:01 AM
قصة وقصيدة محمد بن عبيد العجوني وضيف شاعر عبس الشاعر سعدان بن عابس ابوعبيد المجالس الشعبيه قصه وقصيده والروايات والبحوث التاريخيه عن القبائل العربيه 11 02-27-2010 11:24 PM
بر الامان للشعر الشعبي لـــ شاعر عبس / سعدان بن عابس الرشيدي ابوعبيد القصايد المنقوله 5 09-11-2009 04:27 AM
من ارشيف شاعر عبس سعدان بن عابس ابوعبيد القصايد المنقوله 6 07-20-2009 01:50 PM
عاجل : زيارة المهندس مبارك الدويله لـ الشاعر سعدان عابس القعبوبي عادل العويمري منتدى ركن تغطية الحفلات 16 06-05-2009 12:15 AM


الساعة الآن 03:52 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi