عابد البراك
دورولي عل هاوي وبن عمه=هاوي النجد والعاقل نسيبله
ودي اكشف حقايق وبري الذمه=لعبتن ولعبوها نخبة الشله
العاقل1
يامنادي على اهل العزم والهمه --جوك بسم الله الرحمن بسم الله
سم كل الذي في خاطرك سمه --مير لاتصير بين الجمر والمله
عابد البراك
قبل عامين هاوي حطك ابكمه=ضحك الناس وانت اتفتش الحله
من غلاته تذوق السم من سمه=ون نشدناك قلت العلم في حله
العاقل1
انت تبقى تشب النار بالنمه --لكن الي يحاولها يخيله
اكثر الناس اشوفه صايبه حمه --مير اذا ماهداه الله ندبله
عابد البراك
هي سوات الذهين امكبر العمه=يبعد الشك ون الشر يقربله
شبها ولطم امطمه عل امطمه=يابيض الوجه قلبي مابه الذله
العاقل1
انت ودك بها تصعد على القمه -- مير راحت عليك وزادت العله
كان شبيتها عابد كبر همه -- ولايحصل من ايدخله في ضله
عابد البراك
في غيابك صحيبك وارد الجمه=وانت تحلف يمين وسيفه يسله
ضم علمي وحاول حاول اضمه=راعي الكايده لاعاد تنزله
العاقل1
صاحبي ورد عندك وانت باللمه --وانته الي على الماء دايم اتدله
وش ابا بعلم واحد ناشفن دمه -- ومن نزل تحت والله ماندورله
عابد البراك
انت ودك تدم الشي وادمه=شي ثابت عليكم ياهل الفله
مانلوم الخصيم اللي فتح فمه =كل شين طراله قال ابقله
العاقل 1
انت اظن اليماني راعي الشمه -- حطلك من قناده داخل الدله
الله انه لايقبل عيشة الرمه --قلتها وانت ياهاوي بعد قله
حاصل على ترخيص من وزارة الثقافه والاعلام السعودي
تنسيق محاوره الشاعر /عابد البراك والشاعر/ العاقل1
العرض العادي
