ياصاحبي الدنيا حكايات وعلوم..
قصص عجيبه تذهل اللي قراها ..
الدنيا لو تضحك معك دايم الدوم..
خلك فطينن ولايهمك رضاها ..
كم واحد تبنى له أمال وحلوم..
يفني وغيره يهتني في بناها ..
ياما أفرحت قوم وأحزنت قوم..
وكم إعشقت عينن وخانت غلاها ..
ياصاحبي شف أمس شف حالنا اليوم..
دنيا تقلب يكفي الله بلاها ..
اليوم لامنه بغت عيني النوم..
تنكدت روحي وعافت كراها ..
ماكل من علا بالأصوات مفهوم..
وماكل روح تلتقي في مناها ..
وماكل من يشكي معذب ومحروم..
(وماكل من يضحك همومه نساها) ..
بحرالحياه إن صرت ماتعرف العوم..
يرميك في غابه بعيده مداها ..
من راح يستسلم من أحزان وهموم..
يموت حي وحاجته ماقضاها ..
واجه هبوب الوقت بإيمان وعزوم..
ولابد ربك يهدي هواها ..
وصبر إذا شمسك حجب نورها غيوم..
الغيم بيتفرق ويشرق سناها ....
حاصل على ترخيص من وزارة الثقافه والاعلام السعودي
هذي قصيده منقووله من احد الشعراء الغير مشهورين
العرض العادي
