المطـوع واخوه(تعـدلوا ياهل القلوب المواليف)

السلام عليكم ورحمة الله وبركاته
هذول اثنين يتمان من بلدة شقراء كبروا ووصلت اعمارهم قرابة العشرين سنه واحد منهم هداه الله والتزم وربا لحيته وصار إمام مسجد . .
والثاني بالنقيض تماماً سكسك اللحيه والربابه بيده ومن نفود لنفود وراعي قصيد ومهيجن وكذلك مهاوي بنت خالته ويحبها على نقاء وكان دايم يروح لخالته يعرض عليه المساعده كله عشان يتقرب للبنت ويشوفها المهم جاء موسم الحج واخونا إمام المسجد نوى الحج وجاء لم اخوه راع الربابه وقال طلبتك ياخوي قال آمر تدلل قال انا نويت الحج هالسنه وابيك تمسك المسجد عني ...!!!!
قال ياخوي انا مانيب فيد صلاة ولا اعرف انا رجال راعي قصيد وربابه ومهيجن الوكاد الرجال الح عليه ووافق اخونا راع الربابه جت صلاة الفجر يوم صلى الامام وانتهت الصلاة قال للجماعه ياجماعة الخير انا نويت امشي اليوم مع الحاجه وترى اخوي فلان ويأشر عليه بآخر الصف يبي يمسك الامامه لين ارجع بالسلامه قالوا الجماعه الله يستر عليك ويطرح بأخوك البركه وهم خابرينه راعي قصيد ومطنوخ الرجال لكن قالوا مابه فايده بدأ الرجال يصلي بالجماعه اموره سالكه .
بعد ثلاثة أيام بنت خالته فقدته بدى مايمر عليهم على عادته وجت حول البيت تنشد عنه وقالوا لها الجيران ان اخوه راح مع الحاجه وهو مسك مكانه في المسجد قالت البنت مهوب معقول هذا ماهوب راعي صلاة قالوا جاك
العلم قالت انا مانيب مصدقه لين اشوف بعيني قالوا له لاجت صلاة العصر روحي وشوفي جت العصر اذن العصر وجو الجماعه على العادة تقدم رفيقنا راع الربابه وقال للموذن (( اقم )) اقام المطوع التفت على يمناه الامام وقال (( استوو )) والتفت على يسراه يبي يقول (( اعتدلوا ))
يوم التفت الا هذا بنت خالته وهي تشيل اللثام عن وجهها وهو يقول
:-تعدلوا يأهل القلوب المواليف
صيروا ورا القراي خمسة اصفوف
ياحلف برب(ن) حيزم الغرس بالليف
مرجع بصر يعقوب بعد الكفوف
يإنتس مناي بلابسات المشانيف
والكاذب الله ياعسى مايشوف
يالله واكبر .........!!!!!!!
وهو يكبر بالجماعه ويصلي بهم يوم خلص والتفت واثره فشل من الجماعه قال واحد من الجماعه من كبار السن والله ياوليدي يازين صلاتك لك
ثالث يوم إلا هالحديث اللي قلته بين الاقامه وتكبيره الاحرام وش هو . . !!! قال هذا ياعم (( حديث ضعيف جداجداجدا )) . . للأستـماع

http://smanalhrj.org/mlffat/index.ph...etfile&id=1953

اتمنى احد من الشرفين تعديل الخط .... لانه جهازي ما اقدر اعدل فيه

يا مال العافيه
هذا من كيد النساء هههههههه الله يكفينا شرهن

للمقطع غير شغال

تم تعديل

اقتباس:
المشاركة الأصلية كتبت بواسطة غازي البراك
يا مال العافيه
هذا من كيد النساء هههههههه الله يكفينا شرهن

للمقطع غير شغال

تم تعديل



ههههههه .. الله يكفينا شرهن .. وان شاء الله احصل الرابط الصحيح .. وتسلم يدينك على التعديلواسعدني مروركـ طال عمرك

يعطيك العافية ياقلب واحد
ومشكورة على الاطراء والنقل الجميل
وتم تعديل الخط
تقبل مروري

الله يعطيك العافيا
تقبل مروري

اقتباس:
المشاركة الأصلية كتبت بواسطة ابوعبيد
يعطيك العافية ياقلب واحد
ومشكورة على الاطراء والنقل الجميل
وتم تعديل الخط
تقبل مروري



الله يعافيك من كل مكرووهـ .. ومشكور على تعطيركـ. متصفحي ولك خالص تحياتي

اقتباس:
المشاركة الأصلية كتبت بواسطة أحمد المهيمزي
الله يعطيك العافيا
تقبل مروري



الله يعافيك من كل مكروهـ ولك خالص تحياتي

يعطيك العافية ياقلب واحد
ومشكورة على الاطراء والنقل الجميل
وتم تعديل الخط
تقبل مروري

اقتباس:
المشاركة الأصلية كتبت بواسطة وليد البراك

يعطيك العافية ياقلب واحد

ومشكورة على الاطراء والنقل الجميل
وتم تعديل الخط
تقبل مروري

كل الود والتقدير ....



ولك خالص تحياتي وفائق تقديري