السلام عليكم ورحمة الله وبركاته
اخواني واخواتي اعضاء وزوار هذا الصرح الشامخ
طابت ايامكم بكل خير
يشرفني ويسعدني مروركم وتعليكاتكم على هذه
الابيات المتواضعه التي تبين مواطن عبس
وتبين وقوفي ومساهمتي في كل مايخص القبيله
أنا خوي اللي على الطيب شفقان = سوى الدويلة أو ماهو فدويله
بالمملكه ولامن ايات الاوطان = اهم شي انه يعز القبيله
واللي يقول فلان ما يمثل فلان = كلن على كيفه وعقله دليله
احد يفرق بين صا يب وغلطان = واحدن يضرك لو بطيبك تشيله
والعلم يلقى عند عقال شيبان = ماهي مسحبت الثياب الطويله
وانا اللي رساله برقمً وعنوان = وسيلة ياويها من وسيله
وان كانها بالحرب خيل وفرسان = عينا عيونك يالفتاه الجميله
نرسي كما ضلع رسى بين ضلعان = ولنا عزوم نسوي المستحيله
قبيلة بين القبائل لها شان = ولها مواطن نوجزه في دليله
من الثمد للعين الحدود حبران = الى الاعلم هذا الرشيدي حصيله
ومن الطنيب اليا عماير هديبان = واد القهد حنا حمينا مسيله
هذي مواطن عبس من ماض الازمان = يومً مابه غير زند وفتيله
يشهد لنا التاريخ من كاينن كان = واللي يقول الحق صاحب فظيله
واللي طويل اللسان يطلع له السان = ويلقى عميلاً ما يبور بعميله
حاصل على ترخيص من وزارة الثقافه والاعلام السعودي
مواطن عبس للشاعر غازي البراك
العرض العادي
