الغزاليه من رشيفي القديم والله اني ادري اني مقصر مع
جمهوري الكريم كثير من الطلبات على الميل وبرسائل
الخاصه يطلبون من قصايدي الغزليه وان شاء الله رايح
يكون فيه ترتيب مع شيله غزاليه قريباً باذن الله تعالى
لقيت للماضـي قصيـد وعناويـن=وشهود ماثوقه قصيـدي سبقهـا
طلال طالع صورةالزين بالعيـن=وشوف العيون أللي خلقها فرقهـا
هذي عيون اللي غدالي له سنيـن=غايب ونفسي من غيابـه حرقهـا
راحت عليـه مابقـى غيرثنتيـن=صوره مع رسالـه قديـمً ورقهـا
وأعرف مكان الزين ودري عن الزين=في منطقه من يوم ربـي خلقها
لكن أجيله وين والقاه مـن ويـن=من دونها بيبـان محكـم غلقها
وتحدني دونـه أسلـوم وقوانيـن= واخاف من بعض العلوم او علقها
هي بنت خوافه وهلهـا شجيعيـن=والشمس غابت والامل في شفقها
ماهو على راسي فـراق المحبيـن=كم واحد فـارق عشيقـه عشقهـا
رد: صوره مع الرساله قديمً ورقها للشاعر غازي البراك
قصيده حسب ماقال ابو يوسف انها من الارشيف
ولكن بالنسبه لي اول مره اسمعها
لله درك يابو يوسف ابداع غير مستغرب
اعجبتني القصيده واعجبني اكثر هذ ا البيت
تحدني دونه سلوم وقوانين
واخاف من بعض العلوم وعلقها
صح السانك يابو يوسف
واتمنى انك ماتبخل علينا ياجمهورك بجديدك .