الشاعر/لافي حمود الغيداني
يا راكب اللـي بعيـدات (ن) مراميسـه= إليا تساوى الطريق وعـد طبلونـه
أشهب بدي فوق كبوتـه قراطيسـه= ما طب بين الشريطيـة يسومونـه
شاص وكيله ضمن جودة مقاييسـه =محركاته ثمـان سنيـن مضمونـه
يستاهل اللي يحط الرجل من كيسـه= لو حط به ما وراه وحط مـا دونـه
يا كثر عشاقـه الله يلعـن إبليسـه= ثلثين شعب الخليج اللـي يحبونـه
غاية طلب واحد كثـرت هواجيسـه= تسرحه نوب قبل الفجـر وحتونـه
يا زين ممشاه في جـو عواسيسـه= يمه دبشهم من البكـره يسوقونـه
عليـه عـود مشيبـة قرانيـسـه =عوارضه حمر وشماغه على متونه
عود لامن القشر شبـت مقابيسـه= ينوخ اللـي مـا ينـوخ بحاجونـه
يمشي ورى ذود طـوال نسانيسـه= من طيب ذوده ما ألوم اللي يحسدونه
وضح تطير عن الخاطر عواميسـه= تجيلها حـروة التسعيـن مزيونـة
إليا ندبها بصوته وارجعـت قيسـه =تهنفل بكارهـا مـع دربهـا لونـه
تهنفل اللي لهـا يوميـن عريسـه= على ولد تاجر مـا حسـب ديونـه
وصارت على ذمته مثل البرنسيسـة= زود على راس ماله فيـه مفتونـة
ما فكرت بالزمان وفـي متاعيسـه= يساوي عيونها وتسـاوي عيونـه
حاصل على ترخيص من وزارة الثقافه والاعلام السعودي
يا راكب اللـي بعيـدات مراميسـه
العرض العادي
