المكيااااج

المكياااج

يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت اصلي

خليتني اركض ورا البنت هاذيك
واشوفها اجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت انا اجمل بنت في اللي حواليك
شف حسني الاخاذ وروجي العسلّي



طالعتها ثم قلت هالقلب يبغيك
ومن شاف حسنك خلى غيرك يولي


ابغي اشوفك دون مكياج يكسيك
وابغي اشوفك بالجمال المحلي


قالت تبيني افرك الوجه تفريك
واشيل هالبودر وروجي وكحلي


قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الارض تدور وانا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج خلها تولي

ههههههههه. اللة يقطع ابليسك

مشكووور اخوي بو عزيز

هههههههههههههههه انشالله اعجبتج يااختي الغاليه تولاي البراك
وتسلمين ع ردج الطيب يالغاليه

اقول ياخواني وياخواتي تعاالو شاركوني بمواضيعي لاطيح بكبدي خخخخخخخخخخخخخخخخخخخخخخ

مشكور يابو عزير على هذا الموضوع

حياااك الله ياخوي الغالي عوض البراااك وتشرفت بردك الطيب

الله يستر ههههههههههه

هههههههه وش السالفه الموضوع فيه مكياج وانا مدري.

تسلم عالنقل ابو عززيز والله اظاهر المكياج مسويلك مشكلة .هههههههههههه

ههههههههههههه الله يسااامحك يالغالي ياخوي فيصل
بس انتبه لايصدقون هههههههههههههههههههههههههههههه
حفظك الله ورعااك

وينكم عن المكيااااااج