العمده البرمكي هاوي نجد

	الشعر..يحرك..مشاعر.. الرجال.. اهدي.. هذي..القصيده.. لاخواننا...الغالين.. البرمكي..و,,هاوي..نجد... وعلى..راسهم..العمده ناصر,,خنيفر,,, وأتمنى ان ارى منهم رد يشرح صدورنا بعودتهم... ناصر خنيفر هاوي نجد البرمكي أنتم الرجال فلاحين يبارزكم منكم الرجال وفيكم تنصب البيع اختـار سمحـات الـدروب النظيفـة اللي غسلها رايـح المـزن برشـاش يمشونهـا قـوم النفـوس الشريفـة اللي ضمايرهـم نقيـة كمـا الشـاش ابيوتهـم مثـل الحصـون المنيـفـة ما هي لطير البوم غيـران واعشـاش وحلالهـم للضيـف دايــم مريـفـه لو رجلهم يسرح ويضوي على مـاش والرجـل منهـم مـا يخلـي رديفـه إن ما ت مثله مات وان عاش له عاش وان مات منهم رجـل عقـب خليفـه يطعن نحور القـوم ويـرد الادبـاش يعرف هدف روحـه ويعـرف وليفـه ما يعرف الخونـة ولا هـو بغشـاش وليـا رزقـه الله بعـذراء عفيـفـة ايحطها مـا بيـن نونـه والارمـاش ماهو علـى الخفـرات يستـل سيفـه وان طالعوا فيـه الرياجيـل ينحـاش حلـو النبـا سمـح المحيـا لضيفـه ويصير لـه خـادم مسخـر وفـراش وان مـد مـا مـدت يمينـه قصيفـة مدت يمينـه تبهـر الخبـل والـلاش واليا هـرج تلقـى علومـه طريفـة ما هـو لهفـوات المناعيـر منقـاش وان شبت النيـران مـا هـو بليفـة في ساعة الكربـة سـواي ورشـاش سده بعيـد ولا أحـد يعـرف غريفـه ولا هو لعرض المكرم العرض نهـاش والشوك في جنبـه سـوات القطيفـة إن كان ما له بيت مامـون وافـراش ما يرتكـي فـوق الخبـول الضعيفـة اللـي ليـا حركتهـا قدرهـا طـاش وان جـا نهـار كـل قـرم يعيـفـه ما هو ليا ثارت على القـوم رمـاش الكذب يعـرف بيـن الأجـواد زيفـه والصدق مثل السيف صاطي وحشاش وصحيفتة يـا طيبهـا مـن صحيفـة ولهـا مـن العقـال كاتـب ونقـاش حـاز المراجـل والمراجـل كليـفـة الا على اللي كـل مـا رامهـا هـاش وان شاف له من جانب القـوم خيفـة تلقـاه للخيفـة مهـاجـم وبـطـاش الصدق والمعـروف والطيـب كيفـه ويغبش لها مع طلعة الفجـر مغبـاش للحمـل مـا تلقـى جنوبـه صخيفـة حوله بروق تعمـي العيـن وافـلاش يصبر على جرحـه ويمسـح نزيفـه طبه بشبه خير مـن طـب الاحبـاش ولا هو كمـا سبـع سنونـه ضعيفـة دايـم يلحسهـا وللعـظـم عــراش وان شاف له في غيبة النـاس شيفـة ما هو بخبل لاخضـر العـود قـراش دنيـاه لـن صـارت ذلـول عسيفـة طـوع عليهاكـل عاصـي ونـفـاش وان كان قفـت مـا عليهـا حسيفـة ولا هو ورا هوج المعاصيـر قشـاش وان جاع ما وقـع كمـا طيـر جيفـة وان عري ما يلبس سماليل وأخيـاش

عسسا الله يرجعهم سالمين وصح السان قايلها رو و و و وعه يعطيك العوافي جا ا ا ا ا ا اك_

دايم علومك ترفع الراس يابن شيراك وقصيده شامخه والعمده لو اختلفنا معه ولازعل منا ولا زعلنا منه يبقى ابوتركي غالي وله عندنا معزه وتقدير وصدورنا مفتوحه له ولغيره وهاوي مدري وش مزعله مااحد قاله شي والبرمكي ماهو زعلان البرمكي معرس على الثالثه وبشهر العسل فتره ويرجع

صح لسان الشاعر مطلق الثبيتي رحمه الله

نقل موفق لجاك شيراك

والغائب عذره معه حتى عودته بأذن الله

اقتباس:
المشاركة الأصلية كتبت بواسطة مرووووقتها
عسسا الله يرجعهم سالمين وصح السان قايلها رو و و و وعه يعطيك العوافي جا ا ا ا ا ا اك_



اصيله..يابنت..الاجواد
الله يعافيك

اقتباس:
المشاركة الأصلية كتبت بواسطة بطاح بن وساح بن وضاح


دايم علومك ترفع الراس يابن شيراك وقصيده شامخه والعمده لو اختلفنا معه ولازعل منا ولا زعلنا منه يبقى ابوتركي غالي وله عندنا معزه وتقدير وصدورنا مفتوحه له ولغيره وهاوي مدري وش مزعله مااحد قاله شي والبرمكي ماهو زعلان البرمكي معرس على الثالثه وبشهر العسل فتره ويرجع

ماعليك زود يابن وضاح
البرمكي ملقوف بس راضين فيه
عسى الله يجيبه
والعمده جنيته للحين ماتركته
عسى الله يفك اسره
اما..هاوي نجد....
تلقاه واقف بين هاك الدروبي
في هضبة ياماتناجا بها أحباب

تعرف قلبه خضر....

صصـح لسسـأنك يـ جاك شيراك

ـاتـمنى رجـوع هاوي نجد والعمده والبركمي بـ اسرع وقت

صح السانك يا جاك
بيض الله وجهك

جاك شيراك

هذا الاسم الفرنسي يحمل خلفه

رجل في هذا الموقع ونعم الرجل لاينظر الى اسفل

ابداء مااشاء الله عليه يحب يجمع الاعضاء

يبتعد عن النفاق

والمحباه اعجبتني ردوده ولو انها زعلت الكثير

ولكنها حقائق لاتبنى على مجاملات ودائما الحقيقه

(تزعل ) اختلف معه نوعا ما ولكن عند مرور الايام

اثبت لي ان ماسطر عبر صفحات الموقع حقيقه

نرجع للموضوع الاساسي

مهما طال الغياب وحالت الظروف فان العمده والبرمكي وهاوي نجد وغيرهم من المبدعين او الموسسين لهذا الصرح سوف يكونون في يوم من الايام متواجدين بأذن الله تعالي ولكن للظروف احكام
اناانقطعت فتره لاحد بسبب نقل خط الهاتف الي منزل اخر وشركة الاتصالات الحفريه 3 شهور ههههه

تحيتيييييييييييييييييييييييييييييييييييي

جاك شيراك كل الشكرعلى هذا الموضوع ودائم مواضيع تعجني

الله يرجع كل غايب من اعضاءموقع الجميع

العمده والبرمكي وهاوي نجد وغيرهم كثير من الاعضاء

اتمنى من الله عز وجل ان اراهم بالقريب العاجل متواجدين بموقعهم موقع الجميع.

جاك شيراك بيض الله وجهك .