شعيب (أم الحكي) سايل ...

سلام الله على نظم القوافي متعبات الطرق=بيوتٍ من عنا فكري عن المشبوه فارقها

بيوتٍ انتخي فيها وتجيني مثل نور البرق=تنور عتمت الدنيا إليمن لاح بارقها

انا ماهمني منهو يبيها تنتخي بالعرق=هذيك ان جت تنخاني اجيها في مزارقها

شعيب (ام الحكي) سايل وفوقه غيمتينٍ زرق=تخاون هذي و هذي وجتني في تغارقها

كلامٍ سارقٍ بعضه وبعضه تابعٍ للسرق=وش اللي جابها لبابك وبابي كان طارقها

انا لاجيت اميّزها ابلقا الف فرق وفرق=حشى ماهيب من هذي ولاهي حق سارقها

رماحك ماتصيب ان كان منت بضاريٍ لزرق=ولالك طيب في رميه مدام الغير زارقها

تخيّر غير هالماقف قبل لاتنجرف بالغرق=ونارٍ تشتعل حدرك ياليتك انت حارقها

تبي ترقا على ضلعٍ تعجز ولاحصل لك ترق=هذاك العرق من دونه جموعٍ مايفارقها

انا برفعك ياضلعٍ بنيت ولاتجيك الطرق=رفيعٍ مستواك اعلا من الدنيا وطوارقها

انا ماضيع بالعجه واصلي ويمتي للشرق=اعرف الغرب وين الغرب وافهم في مشارقها

انا من لابةٍ يوم الملاقا بالسيوف البرق=تموت بعز مفتخره ولاتنكس بيارقها

******** type="text/**********">doPoem(0)***********

ثامر شبيب

صراحه اعجبني العنوان اكثر من القصيده . هههههه
شكرا على هذا النقل يالمر العذب
وصح السان المبدع / ثامر شبيب
تقبل مروري .

انا ماضيع بالعجه واصلي ويمتـي للشـرق

اعرف الغرب وين الغرب وافهم في مشارقها

انا من لابةٍ يوم الملاقـا بالسيـوف البـرق

تموت بعـز مفتخـره ولاتنكـس بيارقهـا

--------------------------
السلام عليكم --صح السان شاعرها ويسلم من اختار ونقل ذوق متميز كتميز صاحبه--لا عدمناك يا طيب--تحياتي وتمنياتي لك بالصحه والسعاده والتوفيق ارجو قبول مرور اخوكم

صح لسان شااعرهاا وبيض الله وجهك يالمر العذب ع النقل الجميل

اقتباس:
المشاركة الأصلية كتبت بواسطة هاوي نجد
صراحه اعجبني العنوان اكثر من القصيده . هههههه
شكرا على هذا النقل يالمر العذب
وصح السان المبدع / ثامر شبيب
تقبل مروري .



هاوي نجد ..

أهم شيء أن فيه شيء أعجبك ..

لاهنت

اقتباس:
المشاركة الأصلية كتبت بواسطة ابوعبدالمجيد1

انا ماضيع بالعجه واصلي ويمتـي للشـرق

اعرف الغرب وين الغرب وافهم في مشارقها

انا من لابةٍ يوم الملاقـا بالسيـوف البـرق

تموت بعـز مفتخـره ولاتنكـس بيارقهـا

--------------------------
السلام عليكم --صح السان شاعرها ويسلم من اختار ونقل ذوق متميز كتميز صاحبه--لا عدمناك يا طيب--تحياتي وتمنياتي لك بالصحه والسعاده والتوفيق ارجو قبول مرور اخوكم



وعليكم السلام ..

من طول الغيبات جاب الغنايم ..

والله أن أجمل شئ تصبحت فيه هالصبح ردك وأختيارك لهالبيتين ..

يعني جبتها عالجرح يابو عبدالمجيد ..

لاهنت ..

والله يستر عليك ..

اقتباس:
المشاركة الأصلية كتبت بواسطة البراك
صح لسان شااعرهاا وبيض الله وجهك يالمر العذب ع النقل الجميل


وأنت بيض الله وجهك على المرور الغالي ..

صح لسان شاعره وسلمت يد ناقله

اقتباس:
المشاركة الأصلية كتبت بواسطة وليد البراك

صح لسان شاعره وسلمت يد ناقله

شكرا على المرور ..

لاهنت ..

المر العذب

اشهد انك عذب واختيارك عذب وطرحك عذب

اختيار القصائد الجزلة دليل على جزالة ناقلها بعد راعيها

تحياتي لك


فرح البراك