حط سمعك عند صدري

أعترف حولي كثيرين لكني وحيد=عنك مايغنيني والله قريب ولاخوي
أسألك بالله قلي وش اللي تستفيد=كان ضاقت عقبك القاع في عين بدوي
خاف ربك حالتي من شديد ليا شديد=شوفني من كثرة الشوق يمك مستوي
لا يغرك قلبي أحيان لا شفته عنيد=غلطته قدمك تقوى وهو ماهو قوي
والله أني ماني بخير مادامك بعيد=كل شي عقبك حزن .. هم ..ضيقة يحتوي
كل ماتبعد .. طواريك .. ماتنقص تزيد=أطوي الذكرى وترجع وتطويني طوي
من فقدتك صرت أنا غير أنا واحد جديد=منكسر.. مشتاق ..محتاج صوتك منطوي
أنت مثل الدم تمشي معي وسط الوريد=تشرب بحبك عروقي وعيت ترتوي
أنت مثل الموت .. مره .. تجي للي تريد=ومن تجي له يترك الناس والدار تهوي
كان ماأنت مصدق أن قو .. ضربك من حديد=حط سمعك عند صدري وتسمع له دوي
وأن سمعته راح تسمع بعد حاجة أكيد=صوت لكن يشبه أصوات لذياب تعوي
لا تخاف الصدر بيتك عسى عمرك مديد=هذا صوت القلب ينخى .. ينادي .. منكوي
تدري كم مرة تمنيت لي قلب البليد=كثر ماحسيت حبك لوى ذراعي لوي
روح لكن أعرف أن رحت راح أبقى وحيد=عنك مايغنيني والله قريب ولا خوي

******** type="text/**********">doPoem(0)***********



ابو شبيب

صح السانه ما شاء الله عليه

اختيار رائع يا رائع دمت بخير

كلمااات راائعة ومشكووور صح السااان قااايلهاااا

صح لسانه
تقبل مروري

صح الله لسان من قالها
وسلم من دائم نتشوق ونتلهف
بكل ماينقل لنا من ذوق عذب
عذب الابداع
تقبل ودي وتقديري

اقتباس:
المشاركة الأصلية كتبت بواسطة غازي البراك
صح السانه ما شاء الله عليه

اختيار رائع يا رائع دمت بخير



كل عام وأنت بخير يابو يوسف ..

والأروع أنت ومرورك ..

صح الله لسان بن شبيب
وتسلم يالمر العذب على
حسن الاختيار ياعذب الابداع
تقبل ودي وتقديري