قصيدة بالشيخ فهد بن ناهس ابن براك

السلام عليكم ورحمة الله وبركاته يسرني ان انضم
لهذا المنتدى اللي يتواجد فيه شعراء لهم بصمة

واضحة بشعر النظم وهاذي اول مشاركة لي بهذ ا

المنتدى قصيدة بالشيخ المعروف الغني عن التعريف


فهد ابن ناهس البراك

الاوله ذكر الذي لاقال كن بامره يكون=اللي عليه الاعتماد ابكل شي ويقدره
والثانيه مني سلام الله عدد برق المزون=امن السماء لا الارض بامره تستهل الممطره
بامر الذي قال الغرض من ماخلقته يعبدون=اللي فتح للمذنب اليا تاب باب المغفره
والثالثه تنصى شيوخ الشمل ربعن يفعلون=قول وفعل يوم المعارك والخيول الها اغبره
اهل الفعول الثابته البراك ياللي تسمعون =قاسم وذاك ادليم بين الناس يكفيك اخبره



بوضح المعلومه الناسن بعضهم يجهلون=قاسم زمان السيف والفرسان كم راس ابتره
ونفس الجواب انكان قيل ادليم هذا من يكون=ان ماقطع راس الذي عاداه قصله اظهره
حنا سمعنا لكن الجدان شافم بالعيون=علم الوكاد اللي من اهل الصدق جابم مصدره
عصرن مضى يوم العرب تخسر ومره يكسبون=احدن خسر ميه ولاخر ماخسر غير اعشره
واليوم جعل الله لايغير على اللي يشكرون=المسلم اليامن شكر ربه يزيده لاشكره
دين التسامح نعمة الايمان ياللي تعلمون=وامن البلد نعمه وخيرات البلد متوفره
اليوم يوم الطيب والمعروف للي يدركون=اللي ليامن مد يمنى الطيب كفه ماقصره
والشيخ ابن ناهس فهد رجلن من اللي يقدرون=يقدر على الصعبه وانا وضعي بسيط ويقدره
نخيت شيخن من شيوخ ابناء رشيد ولايهون= باقي الشيوخ اللي ابفعل الطيب طيبه يظهره
نخيت ابن ناهس لياصعبت على غيره تهون=لامن سعى بالصعبه اتصير الا مور اميسره
بغيت نقل وفزعتك معنا عساكم تسلمون=ياشيخنا ياذخرنا ياللي فخرنا امن افخره
مال المواقف غير اهلها وانت مثلك يحتمون=يا مجملن ربعه ابوقفاته ورايه ونظره
كلمتك مسموعه ومعك اهل اللوفا ميقصرون=شرواك عند الغانمين امن الرجال امقدره
وانا نخيتك ساعت الشدات وانتم تفزعون=-وان حصل منا اقصور فبيوت القصيد المعذره

******** type="text/**********">doPoem(0)***********