سلام ياصاحب(ن)خوتك تجلا الهموم

سلام ياصاحب(ن)خوتك تجلا الهموم=ياشايل الطيب لو صارت حموله ثقال
ياللي بابحر الكرامه والمراجل تعوم=وامواجها اللي تلاطم من جنوب و شمال
جمعان لاجا الزوم ولو يكون الزوم=بالفعل والابجاه رجال والا بامال
لاغابو بساعة الشده عيال الرخوم=اللي بوقت الرخا بالهرجه اطيب رجال
يانجم ياسطع(ن)بالطيب وسط النجوم=ياراجم ابليس وعوانه بروس الجبال
ياحر ياللي على الجزلات دايم تحوم=ياللي بالاثمان والهده ضربك مثال
يامزن وسم(ن)تزايد بالرعد والغيوم=يزيد نوه وبراقه يفج الخيال
لاجا نهار النخاوي والفزع والهجوم=وطارت عقول الرجال وحل فيها الهبال
وثخا طلي النعيم اللي مزبر شحوم=وغدا عن الدرب من قو الهرع والجفال
ماتنقل الهرجه الا من صدوق العلوم=والا ملفق علومه هرجته ماتقال
كم من غني من علوم الطيب مات محروم=محدن درا عنه حي ويوم شد الرحال
ومايكسب الطيب غير اللي قوي العزوم=لو عاش كل العمر دنياه مستور حال
والا الردي لغتنا انكر جميع السلوم=ونسا مواقف ربوعه يوم شهب الليال
ولو هو تكشخ بغال العطر واغلا الهدوم=ما طاب ذكره ولانجب للمراجل عيال
الا ايذا البوم ينجب حر والحر بوم=لكن مابه امل بامر الولي ذ الجلال
واهل الردا طيبهم تخيلات وحلوم=والا على المرجله مايدفعون الريال
وليا سمعوا فيه للفزعه تجمع ويوم=غابو وجابو عذر من دونها جبر حال
لو ماخلق بالرجال رخوم عكس القروم=ماصار به حاجت(ن)تقضا ولاضاق بال

******** type="text/**********">doPoem(0)***********

صح السانك يابو فيصل

جزله من شاعر جزل سجل اعجابي

صح السانك وعتلا شانك
قصيده رائعة من شاعر رائع
تقبل مروري

خليف الوهيداني

شاعريه جزله وكلمات بمنتهى الأعذوبه والجمال

أهنئك على هذا التميز


ودي وتقديري

صح الله لسانك اخوي خليف ..

انا اعجبني هذا البيت ..

ولــيــا سـمـعــوا فــيـــه لـلـفـزعــه تـجــمــع ويـــــوم
غـابـو وجـابـو عــذر مــن دونـهــا جـبــر حـــال

بيض الله وجهك على هذه الرائعه ..

وتقبل مروري واعجابي ..

هلا ومليون هلا ياخليف بن خلف
صح الله لسانك واعتلا شانك
أبداع
جزاله
فعلا استمعنا شعر
لله درك
سجل أعجابي وتقبل مروري
تحياتتتتتتتتتتتتي