صحيح ورقبتي ياريش العين سداده

ذبحني هوى العشاق وابليت مايبلـــون=وتابو وانا عيني عن النوم وجّـــادة
حياتي ضما واشواق والحال لون ولـــون=ولا تسأل اعن اللي خذا القلب واقتاده
بليّاه قلبي من سنين الدهر مطعـــــون=تقفّيه صلفٍٍٍٍٍ مالها بالحسن عـــــاده
يكفّّّّيني اليا نمت كنّّي على عرجـــون=ولا كنّني نايم على فراش ووســــاده
واذا قمت ياتيني من الهمّ رقص لحــــون=كأنّّي بحفلة شخص في عيد ميـــلاده
أبنسى وأبسلى وانت فاتن وانا مفتـــون=صحيح ورقبتي ياريش العين سداده
أهيم بسواد عيونك وضعت لجل عيــــون=مثل ضيعة العكلي وهو داخل بلاده
يبرد على قلبي غلاك وخطاك يهــــون=على قولة الأمثال ماءٍٍ بـــــــــــبرّّاده
فداك اطلب اللي تطلبه لو تبي مليـــون=أبرخص لك الدنيا وخذ عمري زيادة
ملكتي فؤادي غصب واصبحتي المكنــون=وشفتي وش اقصاه وعرفتي وش أبعاده
ولو قلتي امش آجيك ماشي بما الطبــلون=والامبير فالضغط الحمر يقف عــــــدّاده
يقولون أنا عاقل وبالعكس أنا مجنــون=ومحتاج لي دكتور وعلاج وعيـــــــــاده
أنا الشاعر اللي صرت لك مثل ابن زيــــدون=وصرتي لي بحكم العشق مــــــثل ولاّده
ولازانت الأيام لي والهوى مسجـــــون=ولا طاب حظ اللي مشى الود واعتاده
أثرني بكون وشوق عيني غلاه بكــــون=ومع كل هذا منتظر قــــبلة وداده
بليتي فؤادن ماتظل بسمـاه مزون=تكاشف بروقه نوب ويحن رعّــــــاده
أبستغفر الله واغسل الذنب فالصــابون=وآبحط في بيتي مصلى وسجّــاده

******** type="text/**********">doPoem(0)***********

صصح اللسااانكــــ,,,,قصيده حزينه وفي منتهى الروعه

ودمت في امان الله ,,,وننتظر جديدكــ

صح لسانك اخوي عثمان وبيض الله وجهك ع هذه الرائعه ..

لم اقف عند بيت اعجبني بل كل الابيات اعجبتني ..

وتقبل مروري البسيط ..

صح لسااانك روووعه

صح لسانك اخوي عثمان وبيض الله وجهك ع هذه القصيده
حبكة شاعرمعنا ولحن

كل الابيات اعجبتني
تمنياتي لك بالتوفيق

وتقبل مروري

المشاركة الأصلية كتبت بواسطة تولاي البراك

صصح اللسااانكــــ,,,,قصيده حزينه وفي منتهى الروعه

ودمت في امان الله ,,,وننتظر جديدكــ

صح بدنك تشرفت بمرورك

المشاركة الأصلية كتبت بواسطة بدر البراك

صح لسانك اخوي عثمان وبيض الله وجهك ع هذه الرائعه ..

لم اقف عند بيت اعجبني بل كل الابيات اعجبتني ..

وتقبل مروري البسيط ..

صح بدنك يابدر تشرفت في مرورك وشاكر لك المبالغة في الاعجاب ههه

المشاركة الأصلية كتبت بواسطة الوردي

صح لسااانك روووعه

صح بدنك يالوردي تحياتي لمرورك واطلالتك

المشاركة الأصلية كتبت بواسطة سعود العجوني

صح لسانك اخوي عثمان وبيض الله وجهك ع هذه القصيده
حبكة شاعرمعنا ولحن

كل الابيات اعجبتني
تمنياتي لك بالتوفيق

وتقبل مروري

أخوي سعود صح بدنك ولا هنت وانت غني عن التعريف مشهود لك بالجزالة ومتمكن سعيد في مرورك ولك ألف تحية

صح السانك وعتلاشانك يابن العم قصيده راائعه

من شاعر رائع ومبدع لله درك

سجل اعجابي