ياكثر ماتغلط ولاقلت وشفيك=وانكنت ناسي جبت لك كم قصّه

يسعدني ان اضع بين يديكم الكريمه هذه الابيات المتواضعه 0امل ان تسمحوا لها بالعبور لعلا وعسى ان تصل لحسن ذائقتكم الراقيه

لاعاد تطريني ولاعاد بطريك=حبل الوصل بيني وبينك بقصّه
منيب صاير لعبتن بين اياديك=يكفي تراك اليوم بالحلق غصّه
ياكثر ماتغلط ولاقلت وشفيك=وان كنت ناسي جبت لك كم قصّه
منوّلن لبطيت روحي تناديك=وصفي انا وياك خاتم وفصّه
واليوم انا ماعاد لي رغبتن فيك=يحرم علي مثلك بحبّي اخصّه
دوّر على غيري عسى الله يهنّيك=تلقى الذي يرفعك باعلا المنصّه
مانيب متضايق ولانيب باكيك=الله خلق بالكون مليون حصّه
هذا جوابي جاك من قلب ناصيك=واليا وصل عندك تمعّن بنصّه
ومابيك ترضيني ولاعاد برضيك=كلّن يشوف اللي بحاله يخصّه

******** type="text/**********">doPoem(0)***********وسلامتكم

مانيب متضايق ولانيـب باكيـك
الله خلق بالكون مليـون حصّـه

صح لسانك والله
يسترعلى حصه

كل بيت اجمل من الثاني عندي

صح السانك مليوون

ابدع في ابداع لله درك

لا تبخل علينا بقصائدك

((تم نشر القصيده على صفحة موقع الجميع على الفيس بك))

صح لساااااااانك يابوبطيان مبدع ولافيك حيله ولاهي غريبه عليك


تحياتي لك ,,,,,,,,,,

صح السانك وعتلا شانك

صح لسانك ولله دررك على الجزله يالجزل ولاهي غريبه
هذي القصيده اذكر انها اخذت الوسام وتستاهل يابو بطيان
تحياتي لك

مبدع ولافيك حيله

اقتباس:
المشاركة الأصلية كتبت بواسطة الوسام

مانيب متضايق ولانيـب باكيـك

الله خلق بالكون مليـون حصّـه

صح لسانك والله
يسترعلى حصه

صح بدنك وشكرا لمرورك
تقبل تحياتي وتقديري اخوك

اقتباس:
المشاركة الأصلية كتبت بواسطة وليد البراك
كل بيت اجمل من الثاني عندي

صح السانك مليوون

ابدع في ابداع لله درك

لا تبخل علينا بقصائدك

((تم نشر القصيده على صفحة موقع الجميع على الفيس بك))



ياهلا وغلا بخوي واستاذي القدير ولاهنت
واشكرك على مرورك الكريم واطرائك الرائع
واشكرك جزيل الشكر على نشر القصيده 0تقبل تحيات وتقدير اخوك

بعدقراتي لرائعتك ايقنت ان للابداع اهله وان الشعر بخير

لكن بعدقراءت هالبيتين ياسعد:

دوّر على غيري عسى الله يهنّيـك

تلقـى الـذي يرفعـك باعـلا المنصّـه

مانـيـب متـضـايـق ولانـيــب بـاكـيـك

الله خـلـق بالـكـون ملـيـون حـصّـه

تأكدت انك تملك ذائقه لايتقنها الا الكبار

كبيربيض الله وجهك