اهدي هذه الابيات لشيخ منصور بن عبدالله بن دليم البراك

بسم الله الرحمن الرحيم
يسعدني الانضمام لهاذا المنتدى الشامخ منتدى الشاعر القدير غازي البراك موقع الجميع اهدي هذه الابيات لشيخ منصور بن عبدالله بن دليم البراك ولهذا المنتدى الشامخ وكل قصيده لها حدث يظهر في معناها الشيخ منصور البراك يقتني الابل الوضح وكذلك الوالد يقتني الابل الوضح
ونحن جميعا من سكان محافظة الخرج وكان ابو عبدالله مجوراً لنا بي ابله وبعد ان هطلت الامطار في فصل الربيع اتجه ابوعبدالله الي الشمال وبعد فتره وجيزه هطلت الامطار على محافظة الخرج @وكل رجل يفعل الطيب يستاهل المدح
فهاضة القريحه بهذه الابيات@

هل السحاب ابداركم يابن براك=مزن ن نشاء من غرب تلمع بروقه
امر دارك كل مااذكر مزاياك=يسوقني قلب ن طغى فيه شوقه
منصوربن عبدالله الطيب مجناك =ياجارنا الي طيبات ن اعموقه
جدك دليم ومنبع العز مرباك=لطم الحريب وسم عينه وعوقه
كل المزايا الطيبه في محياك=فيك الكرم والجود والدين فوقه
اقفيت في ذود ن زهيته ويزهاك=مثل المزون وكل قرم ن يسوقه
وضح ن على صوتك ادرهم وتتلاك=ولف ن على صوت الموده شفوقه
شديت يومن الطرب كان مشهاك =العمر فاني والليالي سبوقه
ياشيخ يالي تفعل الطيب يمناك=كل المكارم من كرمك امخلوقه
ذكرك ينومس كل ماحل طرياك=حر ن على الطالات هدو اسبوقه
شعر ن مايذكر فيه مثلك وشرواك=ماله طراه وسامجات ن طروقه
لايابعد ذولا وذولا وذولااك=منزلين الطيب في غير سوقه
مدحك ومدح الي سعى مثل مسعاك=يغيظ نفس ن تحسب الطيب بوقه
هاذي مشاعر شاعر ن كيف ينساك=نوادر ن تزهاك من حسن ذوقه
وقبل تحياتي عسى الله يدراك =ويطول عمرك لين تجني عذوقه

******** type="text/**********">doPoem(0)***********

وسلامتكم