انا غني وحروف شعـري غنيـات

يالله يالـلـي لــك تخـشـع الجـبـالـي = يامـالـك الدنـيـا وسـبــع الـسـمـاوات
يـالـواحـد المـعـبـود يـــاذا الـجـلالـي = يـاعـالـم(ن)كـل الامــــور الـخـفـيـات
يـامــن بـحــزات الـشـدايـد تـسـالـي = وانت الـذي تجـلا هموم(ن)شديـدات
يـامـنـور ايــامــن ومـظـلــم لـيـالــي = وجعـلـت تـاريـخ وزمــان وحـسـابـات
مــن الـهـلال لـيـا يـطـلـوع الـهـلالـي = يامغيـرن فـي قدرتـك كــل الاوقــات
قـيـض وشـتـاء ومغـيـرن بالحـوالـي = وجـعـلـت بالـدنـيـا مــــراره ولــــذات
وفرقت خلقك فـي جميـع المجالـي = ودبرتـك وانـت اعلـم بكـل المجـالات
احـدن رزقـتـه فــي تـجـاره ومـالـي = وخليـت بيـن الخلـق للخلـق فزعـات
حتـى المقـل يـقـول ويــن الرجـالـي = ويبين مـن لـه حـزت الضيـق وقفـات
ولــولا كــذا لطـيـب مـاجــا مـجـالـي = ولاصار بـه نخـوه علـى سـد حاجـات
هالليل ذيب الضيق الاشهب عوالـي = وسقت المثايـل معـك ياطيـب الـذات
كنك نخيت خليـف فـي صـوت عالـي = وشعور شعرك قـال واصـل ولا تبـات
وستقتـهـا ســوق الـهـواء للخيـالـي = وطـوا بهـا فـكـري بعـيـد المسـافـات
وسرا بها مـن ضليـق خلقـي وبالـي = مــع خايع(ن)مافـيـه صـجـه ولـجـات
وشرق وجنوب وغرب وايضا شمالي = عـبـر بـهـا فـكـري بـكـل التـجـاهـات
شكـواك سبـت هاجسـي ونفعـالـي = وردتـنـي ياحـمـد بـحــورن غـزيــرات
يـابــن مـحـيـا دام عـــزك و طــالــي = ودامــت حيـاتـك بالهـنـا والمـسـرات
الله يــعـــزك يـاكــريــم الـسـبـالــي = ويكفيـك شـر اهـل الفتـن والحيـالات
اللـي عسـا ملهـم مـع النـاس تالـي = ولعلـهـم دايــم بضيـقـه وحـســرات
وشعـري وجاريـبـه عـزيـزن وغـالـي = مـاهـو مخصصـلـه لـشـره وعــادات
مـاهــو مـغـيـر لجامـعـيـن الـريـالـي = انـا غنـي وحــروف شـعـري غنـيـات
لـوبـت ليـلـي جــوع مـحـدن درالــي = جـوع(ن)بـعـز ولا غــنــات بـاهـانــات

******** type="text/**********">doPoem(0)***********