اخواني واخواتي 0 االحقيقه اعجبني رد ماجد على احد قصائدي وحبيت ارد عليه بابيات متواضعه امل ان تحوز على رضاه ورضاكم 0
يقول ماجد
يامرحبا اعداد مالوح الطير
اقولها من قلب يشعل حماسه
لك في معاني الشعر ميزه عن الغير
دكتور فاهم مايبي له دراسه
من راس قومن ماتهاب الطوابير
تلقى الشجاعه والطناخه براسه
واقول
اهلا هلابك عد وبل المزابير
واعداد ماطافوا على البيت ناسه
ماجد الى عدّوا رجالن مناعير
له موقفن بالطّيب يجلى العماسه
والنّعم ماتكفي ولو قلتها اكثير
في شاعرن ياقو فعله وباسه
شاعر ولد شاعر يهز الشواعير
عضيب لاعدّوا رجال الفراسه
من قوم تحسب من حساب المشاهير
من فعلهم كم شيخ قد قطع راسه
ربعن لهم بالقلب حشمه وتقدير
معرّبين الاصل من عبس ساسه
اقول قول الصّدق ماهوب تزوير
والنّور مايخفيه ليلن دماسه
وسلامة الجميع
حاصل على ترخيص من وزارة الثقافه والاعلام السعودي
ردي على الشاعر القدير ماجد عضيب النومسي
العرض الشجري