للقاء حلاوته مع منتدا غازي البراك لاسيما عندما تعانق حروفي ذائقتكم الكريمه
اسمحولي بتقديم هذه القصيده المتواضعه بين ايديكم
وتقبلو مني فائق الاحترام
لا حول من درب الهوا والمحبين = الله يعافينا ولا يبتليـــني
اثر الضحك بالحب ماهو علي الدين = واثر الضحك بأهل الهوا مايزيــني
لا تضحك الا من سخايا الكريمين = من شان ماتبلا مع المبتليــني
ياشيب عيني منك ياداعج العين = ماجابك الله غير قدام عيني
جالك حوالي حروة الاربع سنين = الصبح تبدي والعشيه تبيني
وشلون ماحبك علي كل هالزين = الله علي هاك المحاجر يعيني
يازين عين خير انا شايف البين = لك نظرةً تلعب بحسبة سنيني
صوابها بالقلب مثل السكاكين = وشلون تجرح نظرتك علميني
هذا صواب العين وانتي تغظين = وشلون لونك بالنظر تلحظيني
روفي علي ساقك مدامك تمرين = ماهو بذنبي ان دربك يجيني
تقصرين خطاك والا تزيدين = مروي عيوني منك لو تحسديني
انتي جرحتي القلب وانتي تميلين = حلمك علي ساقك وحلمك بعيني
لا تسارعين خطاك ولا تهدين = تريحي نفسك ولا تتعبيني
مدري وش الي يصيبني يوم تبدين = يهب وش هالي عليكم يجيني
حبل الوصل مقطوع يازين نصين = لا تشاوري نفسك ولا تحسبيني
ماشيل حملي كيف ابا شيل حملين = ولا ني مخيب هقوة الطيبيني
لكن تريا كل ماقبلت يازين = لا تتعبي نفسك ولا تتعبيني
******** type="text/**********">doPoem(0)***********
اخوكم / صالح المنصور
حاصل على ترخيص من وزارة الثقافه والاعلام السعودي
لا تضحك .....
العرض العادي
