الماطر

	هذي القصيدة أهداها الشاعر كريم سالم الصمر الوهيداني الرشيدي الى سعود سعود الماطر الرشيدي ... يــاسـعود أنا جـيتك من البعد ناصيك *** يامــزبن الـــمضيوم وقت أنعسارة جيتك على أذكارك وصيتك وطاريك *** والــرجل يظهرة الشرف والوقارة طــيبك يـقولون العرب صاطين فـيك *** سطعت مشارق شمس نور بمنارة مــتبين فــي مــــاقــفـك مـن مــباديك *** والـحر من صـغرة يزيد أفــتخارة عـزمك على كسب المواجيب مرهيك *** راع الفخر يصل الفخر في مسارة سـاسـك على فــعل الجمايل مضريك *** والـــنار تـالع مـن زنـاد الـــشرارة الـــحر نـسلة حـــــر مــا يـنقلب ديـك *** تـــجذب مــخاليب الحرار الوكارة وأنــتة عــلى طـيبك مثل طبع أهاليك *** نــبتاً عــلى نــبتاً يـــزيد ازدهــارة مـــجـاذبـك بـالــــطيب دايـم تـباريك *** الـــكم عـــلـى العليا نـشر وأنتشارة أنا ســـمعت الــطيب كــلة نبت فــيك *** نبت الـــربيع اليا كــسا لـه قـــرارة الـــخير فــي كــفـك تـقـودة ويـسقيك *** زرعــاً عــلى زرعــاً تبارك بـذارة يا ســـعود جـعـل الله يـزيدك ويغنيك *** يــحطلك فــي كــل درب إنـتصارة جــيتك يابو ســـطام مـــاشي وأناديك *** نـاصــيك رجـــالاً بــعـيداً ديـــــارة أمـــشي بـجواً فـكك الـــجسم تـفـكيك *** مــع جردهن خالي وشمس وحرارة نــاصن ســعود اللـي يـفـك المشابيك *** بـــعد الــــكريم أمــلبس الـنبت قارة رجـــلاً خــلقة الله لـفـك الـــمشاريك *** اليا نـــسا الـــمشبوك خـــالة وجارة اليا نــسا الـواجب خطات الصعاليك *** بــعض الـــرجال اللي حياتة خسارة ســـألت مـن طـيبة يحاض المماليك *** اللـــي عـــنا الـــواجب بعيد أعتذارة قــالـوا تـعرف سـعود رحلة ويكفيك *** عـن كـل رجـــالاً رفـــيعاً شــــعارة جــيتك يابو ســطام طـرقي ولافـيك *** والـــحر يــكـفية الـــهدف ولاشــارة صـــلاة ربــي عـــد دور الافـــاليك *** عـــلى الــرسول اللـي بعث الطهارة الشاعر : كريم سالم الصمر الوهيداني الرشيدي .

صح لساانك وبيض الله وجهك

صح الســانــك
وبيض الله وجــهك

صح الســانــك
وبيض الله وجــهك
وسعود الماطر يستاهل كفو

صح السسانك شاعرنا