لغزي..(( الورد و النار ))

الذي لم يُحل حتى هذه الساعة
.
..
.

إبداع شعري لغز من حوله اسرار=لغزي وكيفي والأدب خير ياطير
من خافقٍ شاطر وفي قسم شُطَّار=في منتدى كلَّه أدب + حسن تعبير

شيهان قافي لاكفخ عند الاحرار=صاد الحباري مايصيد العصافير
يرسل بنات الفكر للدُّر مسبار=وانا إنتقي منها جزيل التفاكير
خيال شعري إسمه(الورد والنار)=فكرة قصيدة والسبب قصّة الطير
طيرٍ لابن برمان والداب..ماصار=جازيت ربَّك سمَّها دون تحذير
ماهي غريبه؟ فيه بالناس غدار=حكمة وجود الشرّ في جانب الخير
فالغدر ذاقووووه الكريمين الاخيار=والغدر ذاقوه الرجال المناعير
الغدر ذاقه صفوة الخلق بالغار=الغدر ذاقه يوسف الزين بالبير
الغدر ذاقه نوح في كل الأعمار=الغدر ذاقه لوط بضيوفه ال غير
ذاقه خليل الله في بارد النار=وعيسى ابن مريم ولا وقَّف السير
ذاقه مشاهيرٍ على مر الأعصار=فالخير و الشر والنعيم و زمهرير
أسألك عن دابٍ هزيل(ن) وجبار=له سطوة(ن) ماهي كما سالم الزير
وجهه أمين و بفمه أنياب غدار=مصقول زيفه برّر الظلم تبرير
تبكي عدوَّه بنت الإسلام تذكار=داب(ن) مع العدوان برواز تخدير
وختامها..رمعة بعيدين الأنظار=أبعد من اللي للنظر فيه تقصير
لو عارضة رمعة قصيرين الاشبار=بَعْدَ النظر يحتاج للغز تغيير
أصلِّح الدلّه على النار بوجار=ثم أعتذر منكم (لفونا مسايير)

******** type="text/**********">doPoem(0)***********

******** type="text/**********">doPoem(0)***********

وسلامتكم..أبوحنان