الجمس والشاص يترادون
--------------------------------------------------------------------------------
هذه قصيدة فكاهية بين الجمس عطي الرحمن( أبو عبر ) والجيب الشاص ( ابو شنب ) يقول ( أبو شنب )
دار الزمان وعـادة الوقـت دوار ***يابوعبـر دورك لـه أعـوام راحــي
وش عاد لو لونك خذا من سنا النار ***وتزبـن الـهـراب لأرضً بـراحـي
جيتك وأنا زبن المجلى عن الـدار ***لاضاق بـه وسـع الفضـا والمراحـي
آطى عفاش القاع وآطى بالأقفـار ***وأورد العطـشـان للـمـا القـراحـي
أخذت أنا ماكرك والحظ بك بـار ***واليوم حظـك يافتـى الجـود طاحـي
اليوم ماتسوى ولانصـف دينـار ***ورجلً قنـاك أخطـى دروب الفلاحـي
شربك من الممتاز سبب لك العـار ***جاك الصحيح وخـل هـرج المزاحـي
الفرق واضح بيننـا دون الأذكـار ***فرق الحصاني عـن سبـاع البراحـي
فرد عليه (أبو عبر) وقال
يابو شنب حكيً حكيته فلا صـار ***تبـي تشـن الحـرب تاخـذ امراحـي
لاشك مالك نصر في كـل الأدوار ***لا وقتنـا الحاضـر ولاوقـت راحـي
ماينشد ذويبان عن حصنـيً مـار ***لـو كثـر التنهيـت مثلـك وصاحـي
أنا مزبن من قسـت فيـه الأقـدار ***لامن فاسـه بأوسـط الـراس طاحـي
يزبن على مثلي صبـورً وجبـار ***بـأرض العفـش والا بقفـرً بـراحـي
مركوب ناسً مايهابون الأخطـار ***يـوم أن ركابـك عليـك أستـراحـي
ومركوب طلقين الشوارب والأشبار***اللـي تـروح أوقاتـهـم بالكفـاحـي
ومركوب بدوً دورو لأرض الأقفار ***يتلـون بـرقً يمـة الشـرق لاحــي
والفرق بين التبع وفروخ الأحـرار ***فرق الليالـي عـن شعـاع الصباحـي
ارجو ان تنال اعجابكم
منقوله
حاصل على ترخيص من وزارة الثقافه والاعلام السعودي
من القصائد المختاره
العرض العادي
