:.......ابي رأيكم فيهــــم ,,,,,,,,,:(سعودي وكويتي)

هذه قصه لشابين أحدهما سعودي والأخر كويتي

يقولكم طالت اعماركم هذولا اثنين كانو يدرسون سوا في أحد الدول العربيه


خلصو دراستهم وبدهم يرجعوا لديارهم

قال الكويتي : شرايك تخاويني للكويت وتجلس عندي اسبوع بعدين تطلع للسعوديه

اعرفك على اهلي واخواني وربعي هناك واوريك الكويت وامشيك


قال السعودي مافيه مشكله .


ووقت ما كانوا يستعدون للرحلة جاء الكويتي تلفون من اخوه

يبلغه فيه ان جدتهم توفت

طبعا الكويتي من باب الصداقة كتم الموضوع عن السعودي

وصلوا الشباب للكويت لبيت الرجال


شاف السعودي العزا استغرب

سال صاحبه
ويش فيه.....؟؟؟
قال هذي جارتنا توفت وماعندها قرايب وفتحنا عزاها عندنا بالبيت


قام بالواجب السعودي وصار يتلقى التعازي وكأنه من أهل البيت من عشرته مع صديق عمره ودراسته الكويتي


باليوم الثاني شاف السعودي بنت جيران الكويتي واعجب فيها جدا جدا جدا


راح للكويتي قال انا شفت البنت واعجبتني وابغاها ابغى اتزوجها


البنت هذي يحبها الكويتي وكان مخطط انه اول مايخلص دراسته يتقدم لها


قام الكويتي واخذ السعودي وراح وخطبها له وتزوجو

ومشى السعودي للسعودية


بعد كم سنة تأزمت اوضاع الكويتي المادية وصار مديون جدا

قال مالي الا اخوي اروح له ويفزع لي

طبعا من خلال التواصل الي بينهم بالفترة الي راحت عنده خبر ان الله فتح على السعودي من أوسع ابوابه

راح للسعودي دق باب القصر
طلع له الحارس قال قل لفلان فلنتان ينتظرك عند الباب

طبعا هذا الكلام بوقت المغرب

رزعه السعودي على الباب حوالي نص ساعه

بعدين نزل له الحارس قال عمي مو فيه والكويتي يشوف سيارته جوا ومتأكد انه موجود


مشى الكويتي مكسور ومصدوم من رفيق عمره


وهو ماشي قابل شخصين

مسكوه هالاثنين قال حنا متراهنين نعطي اول واحد نقابله مليون ريال

وعطوه ومشى



رجع الرجال للكويت وفتح الله عليه ويسر امورة بعد فترة ضبطت امورة


مرة من المرات وهو جاي من دوامه للبيت لقى مرة عجوز بالشارع معها بنتها



قالت ياولدي انت ساكن هنا لحالك

قال لا انا واهلي

قالت طيب انا بروح احج وابي اترك بنتي هذي عندكم


وكاني مارجعتي ياولدي اوعدني انك تتزوجها


قال الكويتي ابشري ياخاله



دخلت البنت للبيت وراحت واختلطت مع اهل الكويتي


بعد مرور شهر


مارجعت الام وقرر الكويتي يحدد موعد العرس


فعلا حدده


ويوم العرس يتمشى الكويتي بين المعازيم والحضور


فجأة لقى السعودي موجود


عصب وتكلم بصوت عالي شد كل الحضور وخلاهم ينتبهون للموضوع


قال انت ماتستحي مابوجهك دم


والتفت للناس وقال ياناس هذا سالفته كيت وكيت وكيت من يوم دراستهم الا اخر خبره فيه


قام السعودي وقال ياناس


انا عاشرت هالرجال وعرفته اكثر من اي احد وعرفت عزة نفسه وكرامته


يوم جاني ذاك اليوم وماطلعت له ماحبيت اني اشوفه وهو بذيك الحال


والاثنين الي عطوه الفلوس ذولا اخواني ارسلتهم عليه يوم اخرته عند باب بيتي




والعجوز الي جت امي


والبنت الي هي عروس اليوم اختي


فهل يحق لي ان احضر زواج اختي ولا لا


هاااااااا وش رايكم ,,

وتقبلوااااا تحيااااااااتي ..

و الله خوش صديق مشالله علية ادري السعودي عندة اخلاق ما يخلي صديقة

لكن و الله قصة رااااااااااااااائعة

مشكوررررر على البداع اللي تطرحة بالمنتدى

مثل ماقال ال براك
مشكور اخي بدر

والله هاذي القصـــــة



قديمة حيل وهي من القصص المحبـــة الي



بدرالبـــراك



موضــــوع مميـــــز جدا




بارك الله فيك






تقبيل تحياتي

قصه رائعه في اهدافها وهو ايضاح مايتمتع به الكويتيين والسعوديين من روابط قويه وحرص على فعل الطيب وهومتاصل فيهم --واعتقد ان القصة ستكون اروع فيما كان لها اساس من واقع لاخيال كاتب فهل هذه القصه حقيقة ام لاغراض التشجيع على فعل الامور الطيبه والحميدة وفي كلا الامرين خير .
مشكور على هذه القصة الهادفه والمفيدة واسعد الله اوقاتك بالخير والعلوم الطيبة والسمينة وانت من اهلها

والله يابدر انك مثل البدر الي اذا طلع
صارت الدنيا واليل قمرى ارجو كرر ابداعك يابدر نورنا الله ينور عليك دربك
تحياتي

مشكور أخي / بدر ...
والله يعطيك العافيه ....واللهم اجعلنا من السبعه الذين يضلهم الله في ضله يوم لا ضل الى ضله ....

وتقبل مروري ..

قصهـ من نسج الخيال

يسلمووووووووووووووو ع القصه،

عافاك الله يا بدر البراك وقصة مهما كانت واقعيه او من نسيج الخيال لكن تبقى أهدافهاا واضحة ,,,

وعسى الله يرزقك يا بدر بمثل هالصديق السعودي ,,,



تقبل مروري

المشاركة الأصلية كتبت بواسطة ال براك

و الله خوش صديق مشالله علية ادري السعودي عندة اخلاق ما يخلي صديقة

لكن و الله قصة رااااااااااااااائعة

مشكوررررر على البداع اللي تطرحة بالمنتدى

ال براكـ ..

شاااكر لك توااااصلك ..

ومرورك زاد متصفحي اناقه ..