قصيدة للشاعر مسعود مطيع الرميح الرشيدي يمدح المشرف العام بدر البدر

هذه قصيدة للشاعر الكبير المعروف مسعود مطيع الرميح الرشيدي وهي مدح بصاحب المواقف المشرفه الاستاذ بدر البدر المشرف العام على هذا الموقع وابو ساره يستاهل المدح وصح لسان الشاعر مسعود الرميح


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دق الخفوق وزان بدع القوافي = مثايلن فاحت كما نادر الطيب
في مدح من يستاهل المدح وافي = بدر المكارم والوفامنبع الطيب
يابدر ابن براك تفعل وتافي = يانسل منور ياعريب المجاذيب
عزالله انك بالمواقف سنافي = هقوات ربعك فيك بالطيب ماتخيب
سيفن مجرب بالسيوف الرهافي = وخصيمها لمن عوى الذيب لذيب
لك موقف وقت الشدائد يشافي = موقف شرف تشرق به الشمس وتغيب
بالفعل تشهد لك سنينن عجافي = بالطيب كسبك من خيار المكاسيب
تاريخ مجدك لك شهد بعترافي = ذكرك طلع في قمة المجد مايغيب
كفك كما وبلن على الارض ضافي = يحي عروقن ذابحتها الواهيب
فيك الوفا والطيب ماهو بخافي = عند الرجال اهل الكرم والمواجيب
بالطيب فعلك ماعليه اختلافي = وافي شبر مافيك شك ولاريب
يفداك من لوقال فعله عوافي = لو قال يفعل لايودي ولايجيب
[/poem]

الشاعر مسعود مطيع الرميح الرشيدي 24-10-1432هــ