عـذب القـصيد _ قصآئد مختاره _ ابيات رائعه _متجدد

طشّ الغياب بداخلي : قلب مذعور .......!!
................................... ومن رجفة افراقك أنا : طحت كلي !
إن كان هذا الجمر ب ايديك مسجور .......!!
................................... ي معتكف في غيبتك : قوم صلي !

من لايعدك شي عده ولا شي ومن لايعدك ربح عده خساره

ركِّز معيّ - يّ حظّيْ الظآلمّ شْويّ
.......... بعْضَ الذنوْب { اللْه } عشْآنكّ غفَرْهآ .. !

يّ سْآيق المزنْه علىْ هآمتّي فَيّ . .
.......... كَمِّل جميْلك وَ آسْقنيّ منْ مطْرهآ .. !

قم وأترك الشغل فرضك يافتى صله
الفرض إله وقت وأشغالك تناساهـا
فرضك ترا حبلك اللي يرْبِطِـك بالله
جوّد بيمناك حبلك وأوْثـق إعْراهـا
حافظ على الفرض والسِنْه لها مِلـه
إلها منـازل رفيعـه كـان تبغاهـا
ركعاتها عشر وإلها زود وأفطن لـه
أثنا عشر سَنّها المعصـوم سواهـا
والخيـر دقـه وجلـه يافتـى كلـه
ثنتين قبل الفجـر يـذّن ومحلاهـا
ياسعد رجلٍ حفظها سعد منهـن لـه
له منزله عند ربـي فـاز بأعلاهـا
وإن كان تبغى مع الحسنات زودٍلـه
أحفظ جزيل السوربالليـل وأقراهـا
الله ذكر كل حسنه عشر يبـرن لـه
وزود علاها ميه في سبـع تبراهـا
(يابدر) هاذي وصية وأذهن الزلـه
وصاك مخلص وأبوك أعطاك سلواها
أحفظ وصاتي وفرضك يافتى صلـه
عساك ممن يفـوز اليـوم وأتلاهـا

لو الأماني تعطي الرجـال كـل اللـي يبيـه
مانمسـي الا والطموحـات الكبـار مسنّعـه
ولو الظروف تروف واللي يبتلي تحسن اليه
ماكان في كل أربعة أشخاص يِبْلـون أربعـه
هذي حياه يعق بعض الناس فيهـا والديـه
والبعض الآخر لاقطعه أقصى المخاليق افجعه
ياليت تجرا ياخفوق تقول وش حنّـا عليـه
اللي معذّبنا نجـي ضـدّه أو نوقّـف معـه
الوقت مثل الكلمه العوجا على لسان السّفيـه
ميتين في الميّه لها ربكـه وتحـدث قرقعـه
قد قالها راعي المثل وأنا أجزم ان رايه وجيه
الوقت مثل السيف أمـا يقطعـك أو تقطعـه
هذي ثلاث مْن العمر مالَمْسَت ايديني يديـه
ولاقدرت آخذ من لسانه أوأطـرق مسمعـه
أحط عيني في عيونه واستشف الشوق فيـه
وأقصى حدوده لانوى التعبير /تحريك اصبعه

يامحمد شاتيه ماعلـي امـن الكـلام
شـب نـارك يامحمـد وقـرب لـذرا
يامحمد بردها دق فـي صـم العظـام
بردها قـارس ولا فيـه شـيٍ ينـدرا
انتبه من خشة البرد يـاراع الجهـام
كان خش العظم ثم انكسـر مايجبـرا
صور الواقع الياء صار بردٍ مع غمـام
صوره وأرفع حجاجك لاينـزل لثـرا
السحابه سيلها سال من فـوق العـدام
والله اني شايفه وانت قلي وش تـرا
كان ساق المزن قلتلك يامحمد سـلام
تو زان الكيف والي يبا الطرقه سـرا
وكان خيم مزنها ماعلى الشاطي مـلام
لو صفق بالعصر جزره ومده يعـذرا
ماتجيلك يامحمد على حسّـن المـرام
للين تاطى روس الأعداء بخشم الكندرا
المهندس مايبرمج بلا عـرف ونظـام
كان ضيع حرف واحد يضيع المجهـرا
والسوالف كان عدت حدود لأنسجـام
لو يطول الشرح فيها تـرى مايثمـرا
جاك علمي ياولد عبس والمسك الختام
ميزو به وافهم اللي على بالـي طـرا

اعذب الشعر اكذبه 000 واصدق الحـب الجنـون
واجمـل الاحسـاس يـوم انّـك تـحـس انّــك غـبـي
إي غبي 000 يعني اذا طفله علـى عقلـك تمـون
لـو تشـاور لـك بـطـرْف الاصـبـع ابتيـجـي حـبـي
إي غبي 000 يعني اذا ما عدت تعرف من تكون
إي غبـي لا صـرت مـن عقـب الركـازه كالصـبـي
قـلـت يـــا عـقـلـي دخـيـلـك لا تـقـلّـب بالـظـنـون
مـلِّ لــي كــاس الـهـوى مــا دام نبـعـه مشـربـي
والله انّـــي تـــارك الـرحـلـه وخـلْـهـم يـزعـلــون
والله انّــي صــرت افـضّـل جلسـتـي فــي مكتـبـي
مكتـبـي يــا صاحـبـي لـتْـقـولْ احـبـابـي نـســون
قـلّـهـم يـــا مكـتـبـي انّـــي رجــعــت الْ مـلـعـبـي
فَ ارقـدي يـا طفلتـي مـا بيـن عيـنـي والجـفـون
وامرحـي مـا بيـن الاضــلاع السقيـمـه وارحـبـي
واشرقـي فـي ليـل هـمّـي لوّنـيـه ابْ ألــف لــون
واسكـنـي داخــل خفـوقـي يــا حـيـاتـي والـعـبـي
# انّـنـي مــا زلــتُ طـفـلاً يرتـجـي قلـبـاً حـنـون
يختـفـي فــي ذلــك الـجـسـم الـعـريـضِ المـنـكـبِ
#ارشفـي منّـي حنينـي وارشـفـي دمــعَ العـيـون
ايـنـمـا يـحـلـوا لـــكِ صـبّــي مـدامــي واشـربــي
#لا تخافـي الامـسَ حـتّـى لا تخـافـي مــا يـكـون
واعبثـي فـي حاضـري وتشيطنـي000 لا تتعبـي
امطـريـنـي بـالـغـلا يـــا كـيــف هـتّــان الـمــزون
واحضنيني واعشقينـي واجعلـي قلبـي happy
قـلـبـي الـلــي مـمـتـلـي آهــــات وآلام وطــعــون
قلـبـي الـلـي عــاش فــي دنـيـا السـعـاده اجنـبـي
احضنـيـنـي فـــي حـنـانـك كـــلّ آلامـــي تـهــون
سطّـريـنـي فـــي كـتـابــك واكتـبـيـنـي واكـتـبــي
لا يهـمّـك هــرج عـــذّال الـهــوى مـــا يفـهـمـون
اشعـلـي نــار الحـواسـد فــي حطبـهـم وانـشـبـي
الـمـجـرّب والخـبـيـر وجــاهــلٍ مــــا يـسـتــوون
اتركيـهـم واركـبـي مــوج الـهـوى فــي مـركـبـي
انـتـي الْ وحــدك بـكـوْن وبـاقـي العـالـم بـكــوْن
والله انّـي طــوع امــرك طــوع قلـبـك وش يـبـي
دام حـبّـي فــي نظـرهـم يعـتـبـر لـحـظـة جـنــون
والله انّــي بـآتـشـرّف لـــو يـقـولـوا لـــي غـبــي

الله الكامـل ولا غيـر الله احـد ٍ كامـل
ما خلق غير النبي با اخلاقـه المكتملـه

والسوالف فـي بـراد مكيفـات الزامـل
لا تبيـن لـك شجـاع ولاتبيـن صملـه

واهني الـي لياشـاف المجامـل جامـل
لا يضيق ولا تعسره با المجامـل جملـه

با الكلام يخلـي الناقـص تقـل متكامـل
ما يهمـه لا ضميـر ولا تهمـه عملـه

ايتهمل بـا البلـد مثـل البعيـر الهامـل
يـدرج بيـن المعالـف ويتعـذر حملـه

في ذرى من في رجاحتهم نظـن ونامـل
قبل ما يلحق على الدرفيـل دابـي قملـه

سيرة الاصحاب با الاصحاب حسن معامل
ما يذم اصحابه الا الـي عاملـه عملـه

الصديق المتـزن ماهـو بعنـدك عامـل
كل عوجا تجيبهـا يفـزع قبـل تزهملـه

كل صدرٍ يا رقينا بـا الضغايـن حامـل
بشـره فـي مهمهيـات تـزود حمـلـه

لا يردك يـا طلعـت مسبـرقٍ متحامـل
ادقله وانت بطريقـك وانقويـت احتملـه

من بنات افكار راسٍ با المواقف صامـل
يوم شاف ان المجامـل والمجامـل يملـه

لو تهقواها النشيط الي مـن اول خامـل
جابها من فوق راسه من نشاطـه خملـه

صدر المرسوم وذيع بصوت غالب كامـل
لا مجـال لمهزلـة هامـل ولا للهمـلـه

باقي شهر واحد على يوم ملفاك
ياجعلها مليون عام ٍ سعيده
وتعيشها مرتاح والحزن ماجاك
خمسه وعشرين ٍ عساها مديده
جيتك وانا كلي ياكلي تمناك
ودي اهني والوسائل عديده