عـذب القـصيد _ قصآئد مختاره _ ابيات رائعه _متجدد

النفس طابت ماتبي منك معروف
دامك تمن بشوفتك لا تجينا

لا تحسبني إن تقاضيت ما أشوف
ماودي أفتح باب منه إنتهينا

أثبت لك أكبر دليل إن الزمن جاحد ..
وإن المفاهيّم عند الناس .. مختلطه !
أفعالنا الصح يلغيها [ غلط واحد ] ..
وأفعالنا الصح ما تلغي ولا غلطه !

ياليتني اقدر اشوفك والاقيك

واعيش مع حبك ولوهو ثواني

أحب دهن العود وأنواع الأطياب
..................وأحب ناس ماتعرف الخديعه
أحب كل إنسان راقي وجذاب
.................صدوق في حبه ونفسه رفيعه
ترى الوفا بقلوبنا ماله أسباب
...............فطره خلقها الله وصارت طبيعه

مشكووووور أخوي وليد أبياات جداا روعه وماا أقول الا الي ماااخذ قلبك يتهنااابه هههههههههههه

اقتباس:
المشاركة الأصلية كتبت بواسطة الوردي
مشكووووور أخوي وليد أبياات جداا روعه وماا أقول الا الي ماااخذ قلبك يتهنااابه هههههههههههه



هلا وغلا

انت وشلون طلعوك اليوم يوم الثلاثاء ههههههههه

الحب مالي فيه طال عمرك


حياك الله شرفت الموضوع بطلتك الرائعه يالوردي

حي مني لا ذكرته دريت أني بخير
صاحبن لا شافني ضقت منه ضمني
يشتعل بي لين يطفى على العرق الاخير
و أنتثرله شوق و اليا أنتثرت يلمني
يا تنداي الخليه على طاقة حرير
يا مخوفني و قاطع رجاي و ممني
يا أمل يا خيبته يا متاهه يا مصير
خل قلبك لا تراخى الزمان يزمني
مابي الدنيا أبيك أنت لانك انت غير
جيت فحضانك طفل و أنت أبوي و سمني
شوف فوق وغن بسمي على اللحن القصير
و خصني في كل لمحة غرام وعمني
بشعل الدنيا عبير و بطفيها عبير
و لا بناشد من مدحني و لا من ذمني
جيت للدنيا كبير و بفارقها كبير
و من زعل ما همني و من رضى ما همني

غيبتك لوهي دقيقة تعتبر صده
الوقت من دونك سجن وغيابك اسياجه
لاتعتذر لي ترى ماعاد في شدة
اعيد الحكي يكود الصدر مخراجه
دامه يوصف بجود ابيك وبجده
وشلون تبخل على المجروح بعلاجه؟
وشلون قاااوك قلبك رده وصده
مع انه بين عليه الضعف والحاجه
ياقو قلبك برد ايمينك ورده
بخلت بمصافحه وارهيت بحراجه
لوماسقى غيم عينه جرهدي خده
تراه يبكي وقلبه يلحق أخلاجه
ولوشفته يمازحك تراه من جده
الضحك عن درب ضيق الصدر ماعاجه
غير الغلا والوله عليك وش حده؟
يادرب ليله ويامسراه وسراجه
كنه يعرفك قبل يلقاك من مده
مع ان مابينك ومابينه أمواجه
هواك بدو نووا للقلب بالشدة
ورياض قلبي لشوف البدو محتاجه
والوصل بحر متى انت بتسمع ابمداه
السيف صبري وبحرك شح بأمواجه
قصيدي اللي قريته واللي أعده
قديم لايزعلك معناه واخراجه
وفراغ قلبي غلاك ارهى على سده
ليتك تشوف الغلا وابراجه وعاجه
أقوى رياح العذل ماتقدر تهده
والا الجفا لو تنفس هدم ابراجه
تغانم الوصل لن البعد لابده
ياتيك في يوم ثم يأخذك بأدراجه
اللي لي انك تلين وتترك الشدة
واللي لك اني ماسولف بك لهراجه
ولاني بزعلان واللي نرتجي مده
ياباب قلبي وياقفله ومزلاجه
زعلة تغلي ومن تزعله من قده
مادام كل يبي دربك ومنهاجه
غالي وتبخل علي وتطول الصده
الله يسامح غلاك ويلعن الحاجه

المشلكه ماهو في غيابك ياالغالي
للي مامنه لا مفر ولا مطير
المشكله ياصاحبي في منزلك العالي
من يسكنه لاصار حظرتك غير
عن جميع البشر في كل حالي
ياورد البساتين وياريح العبير
ارجوك حبنا لا يقطعه سيف اليالي
للي ضحياه على سكة السير
خلك معي يابقايا راس مالي
وسلام على الدنيا وكمل المسير

اكذب عليك ان قلت لك عايش بخير..!


الحــلم يكبر والصغر بالمساحه
وما للوفا عند المعازيب تقدير..!


قلبي من ضلوعي تشيله جراحه
وش حيلة ابن آدم بوجه المقادير..!


لاجيتني قلبي يزيد انشراحه
وغيرك على دنياي نقص ومخاسير..!


في ذمتي ماغيرك ارجي سماحه
قول ايش تبي مني واقول ابشر يصير..!


من شاف بعيونك مساه وصباحه
عز الله انه مارجا شوفه الغير..!


وان قلت راحه ماورا الناس راحه
بس انت وافي مايجي منك تقصير..!


طير السعد بايديك واجبر جناحه
السالفه ماعاد فيها معاذير..!


ابسط مثال اليا بغيت الصراحه
اقول طيب....!! بس انا مانيبخير..!!!