عـذب القـصيد _ قصآئد مختاره _ ابيات رائعه _متجدد

ازعل وانا على الزعل باتحـــــــــداك
....نذر على طول العمر ما اراضــــــــــيك
تزعل وترضى وتنهي الــود بهـــــواك
..سو الذي قلبك يوده ويرضيـــــــــــــــك
ما عاد قلبي هاجسه غايـة رضــاك
...مات الغلا والحب لحظـة تغليــــــــــــك
ماتت مع صوت الغلا كل ذكـــــراك
..وانهيت حبك من حياتي وطاريـــــــــك
وانزاح هم بالحشا عقب فرقـــــاك
..وطابت جروح خافية من تجنيـــــــــــــك
انسى العهود اللي مضت قبل وياك
..واللي جرى حلــم مضى من ليــاليــك
عفت الموده والمحـــبه وعفنــــاك
..وأرجوك دور لك حبيب يصـــافيـــــــــــك
دور وتلقى بالهــوى مثل شرواك
..يا خاين العشره عسى الله يجــــــازيك

العمر رحله .. والليالي محطات **********
********** والناس رحّل .. والفعول الركايب
احدٍ ينول ابها سفوح الطويلات **********
********** واحدٍ عقب ذاك التعب عاد خايب
يا كم سهر قلبي على العهد ما بات **********
********** في حروة اللي من ورى البعد غايب
يا ما نزفته دمْع في وسط الابيات **********
********** ويا ما بكيته دم والقلب ذايب
لا من تباطيته اشوف النهايات **********
********** اقرب لنفسي من عظام الترايب
واحس عمري يبتدي بي ليا جات **********
********** وانسى همومٍ ماضيات ومصايب
واحس باني اسعد الناس بالذات **********
********** لوه على نفسي ديون وطلايب
له من صميم القلب ازكى تحيات **********
********** واطيب عبيرٍ ينفحنه هبايب

عزي لحالي والديار خلي عقب الراحلين
........ اللي مضوا درب السفر والبعد طالت مدته


أقفوا وخلوني وقلبي مجزعه كثر الونين
........وخلو فراغ فالعمر كل البشر مـا سدته


خلوني أبكي بعدهم والهم فـي قلبي دفين
........صكت على قلبي غرابيل الزمان وهدتـه


صرت أتبع الهوجاس وأسري لا ذكرت الغايبين
..........كني يتيم مالقـا امه راح يتلي جدتـه


ويلاه يا وجدي عليهم وجـد مظلوم سجين
........خلوه ربعه يوم ضرب الوقت زادت شدتـه


خلوه يصرخ ويتطلب مالقـا قلب يلين
.........ضدوه واقفوا دون رحمه والصوادف ضدته


أو وجد عود ذره بنيات مـا جالـه بنين
......... خارت قواه وطاح معتل وعجـز عن كدته


اليا فتح عينه وإلى هن من يسار ومن يمين
.........هن مالهن غيره وهو كف المنايـا لدتـه


القلب قطعه البكا ونياطه أبلاها الحنيـن
.......يسري ويهرب عن همومه والمصايب ردته


يا طول ليلي بعدهم يا جور دورات السنين
........يا ويل قلبي دام سيف الوقت زادت حدته


وعزي لحالي والديار خلي عقب الراحلين
........ اللي مضوا درب السفر والبعد طالت مدته

ما خنتني لكنك أبعدت و أبطيت
.................................وأدمعت عين باكيه من صدودك
خليتني عايش بدونك وصديت
................................و اقفيت عني وين ماضي وعودك؟
ناديت لك ضايق من الضيق ناديت
................................أبي كرم وصلك من غيوم جودك
غنيت ولأجلك أجمل الشعر غنيت
...............................كنت أحترق لك وأنت مقسى برودك
لا شفت أنا أسمك ضاق صدري وحنيت
...............................أبدا الرسايل وأتحرى ردودك

وش جاك مني يوم عني تخليت
..............................أشوف عقب الوصل ذبلت ورودك
أن زاد حزنك وسط قلبك تمنيت
.............................أشيل حزنك لأجل يهنا رقودك
أرجوك كافي من عذابك تعنيت
............................يا ليت أشوفك وافي لي عهودك
مدامني عايش لك الحب خصيت
............................موتي غيابك والفرح في وجودك

لاضاق صدري قلت يا قاسمت خير .... سج القدم يمشي على غير داعـي
عديت للعالـي بعالـي النواضيـر .... وادله ليا شفته على الحزم اشاعي
واسهروساهرت النجومر الزواهير ..... لاما يجي للفجـر نـور وشعاعـي
قالو لي ابله قلت ياهـل التفاكيـر ...... هاذي علوم اهل العلوم الضياعـي
وانا مغير مولع القلـب يـا بديـر ....... اشري وابيـع مشترايـه وباعـي
والله مغير اصخر القاف تصخيـر ........ تصخير مادوب العصا لين اطاعـي
ومن دق به مثلي هجوس وحواشير ...... يضيق به لـو الطريـق اتساعـي
امقابلن خضر الودايـا المهاجيـر ....... على حفافن بيـن حـره وقاعـي
والله لو ان الغرس والقصر والبير ...... تمشي على مافي هوايـه وناعـي
عن ديرتن فيهـا تـدب الجعاريـر ....... وفيها الدجاج وماشبه لـه يعاعـي
لشد وانزل فـي مـرب الخـواوير ....... امشي مع الحزم السماح الوساعي
ليااختلط نبـت الزهـر والنواويـر ...... غزيت في العبله عمود الشراعـي
غربن من النفره جنوب المخاضير ...... شرقن من الفيضه شمال الكراعـي
ياوي مرباعـن بهـاك النهابيـر ...... وياوي سلفانن بها القلـب ياعـي
تلقا بها سمـر البيـوت الدواويـر ....... سمر البيوت مثولثـات الرباعـي
بأطرافهـا كنـه قصابـة جزازيـر ........ يفرح بها الطرقي ليا أضرم وجاعي
وهي بيوتن لمتيهييـن المعاشيـر ........ ألاد روق أهل الطعـون الوساعـي
اللي ابهم شقـح البكـار المغاتيـر ........ ترعا بهم فالخوف من غيرراعـي
تلقابهـا شقـر البنـي الغنـاديـر ........... زرع القلوب لكـل قلبـن ولاعـي
اللي لهـن بمولـع القلـب تاثيـر ........ قسمٍ مـن البنـك الكبيرالزراعـي
واللي لهن من طب الامراض تقرير ...... تقريـر طـبٍ للقلـوب الوجاعـي
اخذتلي معهـم مطيـر ومشاويـر ....... ركضة جهل يوم الهلـع والدلاعـي
واليوم عنه اقفيت لوهـن مناحيـر ....... حسم لحـل المشكلـه والنزاعـي
واقفيت عنه اقفاي ركب المعاييـر ........ واخذت من تالي المحبـه وداعـي
الا بحب اللـي بنـاري مصاييـر .......... سمرن على جال المنـاره مقاعـي
يازيـن شبـت نارهـا للمساييـر ......... لجالهم عنـدي عليهـا اجتماعـي
اخـذ بهـم زال الحيـاة التعابيـر ........ والا انها ماغيـر عبـر ومتاعـي
واسند عليهم في ليـال المعاسيـر ......... ويروح شبري في محطة ذراعـي
والاهي الدنيـا بربـح ومخاسيـر ........ يومٍ حدور ويـومٍ الهـا ارتفاعـي
ولا كل طيرن ينتقلـد علـى طيـر ....... ولا كل من هام الشجاعه شجاعـي
ماينتقلـد بالـحـرار العصافـيـر ......... ولاينتقلـد بالـقـروم الافـاعـي
لو قلدو الشيٍ علـى شـي تغييـر ....... مايتقلـد بالطبيـعـي صنـاعـي

على حد العتيم , آحس طيفك . . ضي
و على حد الجفآ , اصرخ : على مهلِك . !
و على وجه المرآيا صرت الاحظ شي
احس اني غديت كْـثييير | اشبه لِك . !
تعآاال . . و فضفض جْروح اغترابك لي
مب انت تعدّني أول مثِل أهلِك ؟
+

وإن كان ودك عن مدى عيني اتغيب
فلا تغيب إلا بروحك وذاتك
لك في حياتي عمر لايمكن ايشيب
وإن مت لايمكن يموت ابوفاتك
ماتدري انك عندي ازكى من الطيب
واني اسلي حالي ابذكرياتك
واني لو اتصنع لفرقاك اساليب
جيت وجهاتي كلها في جهاتك
ياصاحبي لاتكثر الشك والريب
خل السماحه والوفاء من صفاتك
تعال خل اهل الحكي والتسابيب
اجمع شتاتي فيك واجمع شتاتك
تعال مالك عندي إلا التراحيب
إن كان باقي لي مكان ابحياتك

يَ صآحبي ما طآح من خآفقي : شيّ .. !
مآ مآتت عروق الغلآ ..|| بس : كآدت .. !
ويبقى السؤآل اللي طوآ فرحتي : طيّ .. !
ما دآمهآ ترضى الجفآ ؛ ليه : نآدت . ..

قلت لك يا صاحبي حظي تعيس
................لا تجــافيني وانــا شـايف وعـايف

كـم اردد لـك شـطر لأبن فطـيس
................لا تهـملـنـي وتـاكـلك الحـسـايـف

كل ليله في غيابكـ ( ألف عام )
وشاعركـ من غبت / ماعنده نظر


صار فيني شي / مو قادر آنام !!
هذا هو [ الحب ] أو هذا [ سحر ] !!


آفقدك : مثل الطفل وقت الفطام
وآعشقك : عشق بدويٍ للـ مطر


آذكرك : وآذكر تفاصيل الكلام
وآسهرك : يمكن تمر / وما تمر