طاروق ملئ بالمقالب الشعرية بين الشاعرين العملاقين نهر الخليج والشاعر الكايد
نهر الخليج
سلام مثل الطيب اللي فيه طيب= العب بدون صفوف وطرق العبه
ياذيب وين الذيب ولاماانت ذيب --- دنياك هذي كنها مستذيبه
الكايد
يامرحبا نرحيب ياوجه الحبيب=اللي مايلعب لين طرقه يعجبه
يانهر يانهر الخليج المصتصيب=عينك تشوف الذيب قبلك تقربه
نهر الخليج
اللي تحبه شايله في وسط جيب=مذهبك عيا لايفارق مذهبه
الاوله عجيب يامحمد نجيب=انت الحروف المدغمه والمعجبه
الكايد
نهر الخليج أم الغرابه والغريب=ان الخليج يصير نهر وتشربه
كانك تشوف حروف يفتيك الخطيب=والا البلاغه ماتجيك معلبه
نهر الخليج
الفلم هندي والممثل من طريب=واللي يمثل ذاك ملعون رقبه
نفذ كلامي في البعيد وفي القريب=والليلة الفنجال لازم تشربه
الكايد
عن الواقع ك عايش على فديو كليب=ودك تطبفها بوسط الملعبه
فنجالكم مشروب وجروحك تطيب=اليارفعت ايديك لله تطلبه
نهر الخليج
يهيييب يالكايد بعد قولو يهييب=مثل البعير اللي على روس ركبه
يعيش راسي ياعسى راسك يغيب=اللي تشوفه ماقدرت تكذبه
الكايد
ماهببي الاالذيب يالغصن الرطيب=اللي تشرقه الهوى وتغربه
يالربع هذا النهر في وضعه مريب=مدري كذا نتركه والانقلبه...
نهر الخليج
تقدرلها وانت المعرب والعريب=تبغى تشقلب انت راعي الشقلبه
ياربعنا ياهل المعرفة والنصيب=انا اذبح الرجال ولا اعذبه
الكايد
طاح الحطب مابين شباب وشبيب=أنهدت سدود النهر يامصتصعبه
بنهاية الطاروق ياوجه الصحيب=ماباقي الا نذكر الله ونطلبه
نهر الخليج
ان كان يالكايد تدورلك حليب=هذا جمل سمي جمل لاتحلبه
الله على راس المحاسب والحسيب=تعرف كلام اللي يلفك بشنبه
حاصل على ترخيص من وزارة الثقافه والاعلام السعودي
طاروق المقالب الشعرية نهر الخليج والكايد
العرض العادي
