الشيخ زيد بن راجح البقمي
يابحور المرجله والطيب قـل اللـي يعومـك=وصار فعل الطيب والمعروف سلم اليوم بايـد
ياظلام الليل ماتساعد على المسرى نجومـك=والقمر غايب ومسرن فيك نكبات وهجايـد
وضقت يالكون الوسيع وضاقبي ليلك ويومك=وكل ليل ويوم ضيق النفس والهـم يتزايـد
وخابت الهقوات وشتدت مع ظروفك سمومك=وسكرت كل الدروب اللي قبل معها نحايـد
ولانخيت اهل المواقف بالشدايـد مايلومـك=غير راد الحظ معـدوم المراجـل والفوايـد
نصها الطيب لو انه ماهو من ربعك وقومـك=نصها اللي له علوم المرجله طبـع وعوايـد
نصها اللي لا وصلته ينتهي عنـده لزومـك=طيب السمعه عريب الساس والفعل الوكايـد
طيب(ن)يفرح بافعل الطيب ويفز لقدومـك=ويرتكي للحمل من دونك لو ان الحمل كايد
تنفرج باذن الله المعبـود لاجيتـه همومـك=صاحب المعروف والوقفات في يوم الشدايـد
تاصله مضيوم وقت ولاتهنا الليـل نومـك=ومنه تمشي بالسعاده والفـرح والعـز عايـد
زيد بن راجح لاضاقتبك من الدنيا هدومـك=وغرك اللي واعدك وخلف مع الضيق الوعايد
ترفعك يمناه لاطاحت من الشـده عزومـك=ماتظام وزيد بن راجح الك ذخـر وسنايـد
اخر النخوات سلم عقبها امرك لاخصومـك=وامتثل للامر ونس اللي كتبت من القصايـد
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
زيد بن راجح لاضاقتبك من الدنيا هدومـك
العرض الشجري