[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] قصيت وجهي عند الاجناب والغرب=ياليت والله ما اخذتك معايه
كنت احسبك رجال في حزت الكرب=ان ضاقت الدنيا احطك ورايه
طلعت يامجمع على بيتك الجرب=منت بكفو احسبك ضمن اخويايه
انا ارشدك لدرب وتضيّع الدرب=كنك تدور بالنهايه بدايه
مافاد بحمار الغنم كثرت الضرب=يموت مايمشي بليا عصايه
وشلون لو اني انا وانت في حرب=يمكن اموت ولا اخذت بعزايه
جعلك فدا تنهيدت الصاحب الذرب=اللي يحن اليا طراله غلايه
اللي غدالي ثالث الزاد والشرب=اللي عليه العين ترخص بكايه
اللي ظروف الوقت والبعد والقرب=ماغيّروا ذره بحشاه وحشايه
هذاك لوني عند الاجناب والغرب=ماضاق صدري دام اشوفه معايه
[/poem]
وسلامتكم ومحشومييييين ياهالوجيه ...
ثامر شبيب الدقباسي
حاصل على ترخيص من وزارة الثقافه والاعلام السعودي
يامجمع على بيتك الجرب
وخانك حدسك هذه المررررررره ..
العرض المتطور
