نهار الدحيلان " عين حائل "خاص
اقام الحميدي خليف الدحيلان الشمري حفل يوم الجمعة الموافق 23/12/1430هـ تكريماً لجارة جمعان الرشيدي على موقفه النبيل ومن خلاله تم تقديم ارض سكنية هدية للطفل بمناسبة شفاءه من الشيخ فهد حبيب الدحيلان.وتاتي تفاصيل الحادثه أن الحميدي دهس ابن جاره المدعو / جمعان عباس المشعلي الرشيدي وتم نقله للمستشفى وهو بحالة خطرة جداً وكان الجميع متوقع وفاة الطفل وتم تنازل والي امر الطفل على الفور وقوله لن يدخل السجن جاري واللي الله كاتبه صار وبفضل من لله شفى الطفل والذي ترقد بالعناية المركزة لمدة شهر بمستشفى الملك خالد وبعدها خرج ولله الحمد وهو بحالة جيدة الآن وفي هذ العمل الجميل أقام الحميدي الحفل على شرف والد الطفل المدهوس
[poem=font="Simplified Arabic,6,black,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
سميت باسم مصور الانس والجان=المعتلـي جالـي نهـاره بليـلـه
اللي علم مادار في وسط الأذهـان=رب البشر ارجيـه ثـم ألتجيلـه
ومن بعد ذكر المعتلي عالي الشان=جاشي تهيض والمثـل مستويلـه
غنيت بالأمثـال وأبديـت قيفـان=ووقفت بالموقف عن أسم القبيلـه
باسم الحميدي قلتها بوسط ديوان=الحميدي ابن خليف ومن ينتميلـه
شبلٍ كريم من روس جمع الدحيلان=يرحب بوجه الضيف واللي يجيله
وبديت بالترحيب والبـال طربـان=يامرحبـا أعـداد وبـل المخيلـه
اقولها من قلـب بقـدوم جمعـان=اللي كسب علم الفخـر والنفيلـه
جمعان ابن عباس ياهو كحيـلان=فعله ينومس كـل مـن يعتزيلـه
تدرون وش سوى بجاره ذويبـان=في ساعةٍ قشرى وشينٍ حصيلـه
جاره صدم أبنه من غيـر علمـان=وماقـدر الخالـق لـزومٍ يجليـه
شالوه للأسعـاف والكـل بلشـان=بالعمـر مـدرك وحالتـه يرثيلـه
ومن الطواري للعناية على شـان=ينظر بوضعه كل جروحه مهيلـه
وساعة حضر جمعان والأبن تعبان=لو هو سكت بالقلب يـزداد ويلـه
وفي لحظة الشدة تبيـن كحيـلان=قـام وتنـازل والمواقـف ثقيلـه
يقول جاري مايجي عنـد سجـان=وماقدر الخالـق جنينـا حصيلـه
ما اختلف قلبه بروغات الأذهـان=شجاع ودرب الطيب هـذا دليلـه
يامقدر الجيـرة ياعالـي الشـان=يالمشعلـي والله فلاهـي قليـلـه
بسلامة أبنك نحمد الرب سبحـان=ويالله جعل ايـام عمـره طويلـه
نرفع لك البيضاء باسم الدحيـلان=واسم القني وايضاء باسم الغفيله
وباسم شمر نرفعه سـر واعـلان=ركيزتـه ترفـع بـراس الرعليـه
أفعولكم ياعبس تسجـل بديـوان=وأمجادكـم بالطيـب كـلٍ دريلـه
ولاينكر المعروف ياكـود كوبـان =والا الكفو بالطيب يذكـر عميلـه[/poem]
حاصل على ترخيص من وزارة الثقافه والاعلام السعودي
الشمري يكرم الرشيدي
العرض الشجري