محاوره جرت بين الشاعر الكبير فهاد ناصر والشاعر العلم مصلح بن عياد الحارثي وهي لم تنشر في اي موقع اخر وهي حصريا لموقع الشاعر غازي البراك امل ان تحوز على رضاكم
فهاد ناصر
تعال يامصلح ولد عـياد شاعـر ومخـبـور = ياكثر من سمي بمصلح مير مالله مصلحه
انا اعرف انه مايحول بالصقور الا النقور = لـكـن عـرف الطيبين ولامـعـرفة مصـلحه
مصلح بن عياد
فــهـاد يافــهـاد حـذرى لاتـلــف ولاتــدور = ان كان عندك علم واضـح للرياجيل اشرحه
انت مخبور وفيك خير ولايجي منكم قصور = اسرح لياشفت الرعايـا سارحه ومروحه
فهاد ناصر
الكلـمه اللي ماتطـلعها الحناجر بالــصدور = احـسن ليا صـارت بقـلـبه لو اذمـه وامـدحه
بالله يابن عياد وش حدك تجي شهاد زور = وانت رجل من ناس والملحد تقوم وتذبحه
مصلح بن عياد
الكلمه اللي مالـها في ساحة المــيدان دور = يالـيـت راعيــهـا يخـفيهـا قبـل ماتفــضحه
اتهــمتني بالـزور وانا شـاهد شهـاد نـور = اللي يبي يجرح شعور الناس لازم تجرحه
فهاد بن ناصر
ياراعـي الكلمه تـعذر مير منـته بـمعذور = بعض السوالف ماتجي بالممسيه والمصبحه
انا اعرف انك تعرف المعنى بجنحان الطيور = لكن هذي درس والبحر بطريقك واسبحه
مصلح بن عياد
الـعـذر عـبي للرجال اللي يغوصـون البــحـور = وان ماقبلت العذر دورلك جبل ثم انطحه
اخطيت من لحم الضبا واكلت من لحم الجزور = ماعاد باقي لك طلب ريح ضميرك ريحه
فهاد بن ناصر
ياحــارثي ماعـلم الغازين ياغير السبور = وشفيك يوم تشوف دربي من بعيد وتسنحه
تبي تعبر بالسوالف مير ماحاصل عبور = هـذا انت هذا وانـت لو اتصك باب وتفتحه
مصلح بن عياد
دربك ماهو واضح وانا رجال ماعندي غرور = لـفيـتها لـفة سيـور الدينـمو للمـروحـه
احسبك رجال غني اثرك شقاوي ومعسور = واكبر غنيمه يوم تأخذ في يمينك مسبحه
حاصل على ترخيص من وزارة الثقافه والاعلام السعودي
حصريا طاروق ناري بين فهاد ناصر ومصلح بن عياد
العرض الشجري