يالشمري هذا كلام الرشيدي

بسم الله الرحمن الرحيم

السلام عليكم ورحمة الله وبركاته

هذه قصيده من الشاعر / عياده بن محمد العجوني الرشيدي
مسندة الى الشاعر /سلطان رجاء الشمري

هاض الضمير وصار للشعر عنـوان=واستحضر الخاطر وحضـر قصيـدي
مشاعر الشاعر على قلـب وللسـان=يدفع لهـا قلبـي بمجـرى وريـدي
وانا بحر شعري له اشكـال والـوان=يزيد في صـدري وشعـري يزيـدي
وشاطي بحر شعري رسم غربة انسان=وسفينـة احلامـي مداهـا بعـيـدي
رحلة تجارب كلهـا خـوف واحـزان=نهايتـي فيـهـا بـدايـة جـديـدي
فيها غرام احباب واعـداء وصدقـان=ولها نزيـل قلـوب ولهـا شديـدي
ودخلت في كل المراحل علـى شـان=اروي ضماء قلب العنـى واستفيـدي
وطلعت ظامي مـن دخـول وتعبـان=انقل خطر روحـي لروحـي وبيـدي
والواقـع التايـه مثـل كـان ماكـان=دنيا مـا تملكهـا بمـان ورصيـدي
دنيا شقا والمـوت مـا دونـه امـان=ترحل بـك ايامـك لحالـك وحيـدي
لا درهـمً ينفـع ولا فـلان وفـلان=انـت ونصيبـك بالنهـار الزهيـدي
الله يامـن مـن مقاديـر الازمــان=والله قــادر فـاعـلاً مـايــردي
والعرف عنوان المعرفه يـا سلطـان=وانت محسـوب بعرفنـا يالسويـدي
ولاهو عن اهل العرف قصراً وحقران=كلاً علـى عرفـه ورايـه سديـدي
وغيري وغيرك له تجارب وبرهـان=متعلـمً فيهـا الشقـي والسعـيـدي
وتحيتي تاصلك مـن غيـر نقصـان=يالشمـري هـذا كـلام الرشـيـدي

******** type="text/**********">doPoem(0)***********