ياشينهـا لاصـرت طيّـب ومحتـاج

حلو الكرى في مقلة العيـن ماسـاج=الأفكار تلعب بي واقرطـب أصباعـي
يزل ثلـث الليـل والصبـح ينبـاج_=وأنا مع الهاجـوس مازلـت واعـي
يصلى الحشا من ضيقة الصدر وهاج=تأثيرها في الفكـر سبـب صداعـي
دنيا العنا حاجـة وتفكيـر وإزعـاج=هذا حسب عرفي وحسـب إطلاّعـي
تحرج وانا بالذات ما أحب الإحـراج=لافائـدة لـو قلـت مافيـه داعــي
ياشينهـا لاصـرت طيّـب ومحتـاج=وغيرك شرى بالمال سلعـه وباعـي
هذا زمـانٍ قـل محصـول الإنتـاج=ثعالبـه قامـت تـحـدّا السبـاعـي
ومن العجايب فيه حتى الشكـر هـاج=ماتت عليها الحيـل مـوتِ جماعـي
حتى الشواويه بعـد جـاوك أفـواج=هل هو ذكا بل هم ضحايـا الخداعـي
أقفت بواخرهم على سطـح الأمـواج=الله يهنيـهـم بلحـظـة وداعــي
حطيتنا مـن دون الأبـواب مـزلاج=ماضاقـت الدنيـا فجـوجِ أوساعـي
مانيـب فـي دايـات الأنـذال دواج=وضحْكت عـدوي ماتغيّـر طباعـي
قبل أمس لي منهاج واليـوم منهـاج=عن طيب نفس وراضـيٍ بإقتناعـي
البعـد راس المـال والصـدة عـلاج=أهـم شـي إنهـا تفـك النزاعـي_
تسلم بعض الأشخاص لاجاله أثـواج=بالبهرجـه عنـد المخاليـق ساعـي
كسرى خدع قيصـر ولا لبّسـه تـاج=مافي العرب حيله من النـوم تاعـي
ياغافل مـن طـرد الأوهـام مامـاج=وش غيّرك في يوم وأنت إجتماعـي
خلاص شفت وعفت والغصن لا انعاج=مالـه مـن العـد القديـم إنتفاعـي
على الـورق والحبـر قفّلـت الأدراج=وطويت عن ذيك المساكـن شراعـي

******** type="text/**********">doPoem(0)***********
ميفر معيض