دوانيات القصص والقصيد والاللغاز والمحاوره

بسم الله الرحمن الرحيم
السلام عليكم ورحمة الله وبركاته

اخواني واخواتي اعضاء موقع الجميع والزوار الكرام

رايح يكون لنا باذن الله تعالى يوم الاثنين من كل سبوع دوانيه

تبداء من الساعه من الرابعه عصراً الى الساعه التاسعه

مساءً
برنامج الدوانيه
1///
سوالف من باب الدردشه والتعارف ونقل الاخبار مثل الامطار والصيد ومجال التقنيه يعني يكون من هذه السوالف فايده
2/// قصه وقصيده مثبته بشواهد بعيد عن القصص والقصايد التي تثير النعرات والتعصبات الجاهليه
يعني يكون الهدف احياء الموروث العربي الاصيل
3// طرح لغز وهذا اللغز قبل نهاية الدوانيه يحله صاحبه
4// محاوره شعريه يكون الاختيار حسب تواجد الشعراء او يكون فيه تنسيق من قبل المشرفين على المحاوره تبداء المحاوره الساعه التاسعه الى الساعه 12 صباح
في نهاية الدوانيه ينقل رابط الدوانيه الى هذا الموضوع

عليكم السلام ورحمة الله وبركاته

موضوع رائع وجميل وفي انتظار قصه وقصيده من الكتاب والشعراء

السلام عليكم.
يشرفني الانضمام الى هذا الموقع الرائع

والموضوع رائع

وانا تعلمت الشعر بعد ماصار راسي ابيض
وبكره أبشرو بقصه وقصيده عن جدي السابع

اقتباس:
المشاركة الأصلية كتبت بواسطة الراس الابيض
السلام عليكم.
يشرفني الانضمام الى هذا الموقع الرائع

والموضوع رائع

وانا تعلمت الشعر بعد ماصار راسي ابيض
وبكره أبشرو بقصه وقصيده عن جدي السابع

ههههههههه ياخوي ليه ماتقرب السالفه وتخليها عن حدى جدانك القريبين

الثاني ولاالرابع

ولاعشان تضبط القصه لازم الجد السابع

على العموم بيض الله وجهك يابويوسف وابشرو بالعلوم الغانمه

انا ابسولف لكم عن سفراتي وش رائكم

عليكم السلام يالراس الابيض

حياك الله

السلا م عليكم ورحمة الله وبركاته
كان يامكان في قديم الزمان فيه رجل تزوج وكانت زوجته جميله جدا وشاعره والرجل المسكين على نياته
يعني اجودي هههههههه المهم ضاق خلقها من زوجها ولا ارتاحتله ونوت تقضي عليه على شان تاخذ راحتها
مع صديقها الغالي الذي لاتستطيع مقابلة من هذا الزوج البائس تدرون وش قالت لزوجها
تصنعت تصنع انها مريضه والمسكين صدق على طول قال شنهو اللي اقدر اسويه قالت تحبني قال نعم اموت بحبك
قالت فيه علاج اسمه دا دويه شجره موجوده في واد السباع اذا تحبني روح جيبه قال حاضر طبعن واد السباع من يجيه مايرد على اهله
اخذ قطعه من الذهب معه لن المسافه بعيده والرحله تستغرق شهر او اكثر مشى الرجال على رجليه ولا معه سلاح
كل من يصادفه في طريقه يقصله قصته وسئله عن دادويه وكان الجواب من الجميع لم نسمع بهذا الدو من قبلك ولكن واد السباع خطير ننصح عنه
قبل يوصل واد السباع صادفه رجل ملكع يمتطي حمار تكرمون وقصله قصته قال صاحب الحمار انت مسكين المره تضحك عليك ونت مصدق
قال الزوج وش الدليل قال صاحب الحمار اعطيك الدليل بشرط قال وشو شرطك قال شرطي تعطيني الذهب اللي معك
وذا ماعطيتك الدليل اعطيك الحمار قال الزوج تم رجع الزوج وصاحب الحمار يم الزوجه
وكان وقت وصولهم فيه عرس عند عرب الزوجه وكان وقتهم بعد المغرب شافو العرس وناس متجمعه
قال صاحب الحمار لزوج انت لاحد يشوف خلك متخفي الليله دير بالك تخفى الرجل والوقت ليل
المهم بدا اللعب على نوع عرضه او محاوره وكانت الزوجه تلعب وترد على شاعر ثاني علم خويه الزوج قال هذي مليحه
زوجتي قال زين لاحد يشوفك المهم استاذن صاحب الحمار من اهل الحفل قال ابا العب لوسمحتو قالوتفضل حنى
ندور الشا عر دوره
المهم بدا صاحب الحمار وقال =

يامليحه يامليحه وين شوقك يامليحه = علميني يالغضيه علميني يالغضيه

ردت مليحه
راح يدور دا دويه لاعقله ربي عليه = في مراحه ناب داب وفي مجيه ناب حيه

رد صاحب الحمار
يالصيقع ياللبيقع يامهيليس الحيه = اذهب صره بردني والجحش رده عليه

اعطاه الزوج الذهب بعد ماسمع من لسانها ونكشفته الزوجه على حقيقتها

وسلامتكم وربعين عافيه وش رايكم بالقصه للمانه

اقتباس:
المشاركة الأصلية كتبت بواسطة رياضي
السلا م عليكم ورحمة الله وبركاته
كان يامكان في قديم الزمان فيه رجل تزوج وكانت زوجته جميله جدا وشاعره والرجل المسكين على نياته
يعني اجودي هههههههه المهم ضاق خلقها من زوجها ولا ارتاحتله ونوت تقضي عليه على شان تاخذ راحتها
مع صديقها الغالي الذي لاتستطيع مقابلة من هذا الزوج البائس تدرون وش قالت لزوجها
تصنعت تصنع انها مريضه والمسكين صدق على طول قال شنهو اللي اقدر اسويه قالت تحبني قال نعم اموت بحبك
قالت فيه علاج اسمه دا دويه شجره موجوده في واد السباع اذا تحبني روح جيبه قال حاضر طبعن واد السباع من يجيه مايرد على اهله
اخذ قطعه من الذهب معه لن المسافه بعيده والرحله تستغرق شهر او اكثر مشى الرجال على رجليه ولا معه سلاح
كل من يصادفه في طريقه يقصله قصته وسئله عن دادويه وكان الجواب من الجميع لم نسمع بهذا الدو من قبلك ولكن واد السباع خطير ننصح عنه
قبل يوصل واد السباع صادفه رجل ملكع يمتطي حمار تكرمون وقصله قصته قال صاحب الحمار انت مسكين المره تضحك عليك ونت مصدق
قال الزوج وش الدليل قال صاحب الحمار اعطيك الدليل بشرط قال وشو شرطك قال شرطي تعطيني الذهب اللي معك
وذا ماعطيتك الدليل اعطيك الحمار قال الزوج تم رجع الزوج وصاحب الحمار يم الزوجه
وكان وقت وصولهم فيه عرس عند عرب الزوجه وكان وقتهم بعد المغرب شافو العرس وناس متجمعه
قال صاحب الحمار لزوج انت لاحد يشوف خلك متخفي الليله دير بالك تخفى الرجل والوقت ليل
المهم بدا اللعب على نوع عرضه او محاوره وكانت الزوجه تلعب وترد على شاعر ثاني علم خويه الزوج قال هذي مليحه
زوجتي قال زين لاحد يشوفك المهم استاذن صاحب الحمار من اهل الحفل قال ابا العب لوسمحتو قالوتفضل حنى
ندور الشا عر دوره
المهم بدا صاحب الحمار وقال =

يامليحه يامليحه وين شوقك يامليحه = علميني يالغضيه علميني يالغضيه

ردت مليحه
راح يدور دا دويه لاعقله ربي عليه = في مراحه ناب داب وفي مجيه ناب حيه

رد صاحب الحمار
يالصيقع ياللبيقع يامهيليس الحيه = اذهب صره بردني والجحش رده عليه

اعطاه الزوج الذهب بعد ماسمع من لسانها ونكشفته الزوجه على حقيقتها

وسلامتكم وربعين عافيه وش رايكم بالقصه للمانه

قصتك حلوه ياذكرت الله عنك انت وقصتك

لكن ردية الابيات ماجازتلي

مااحس ان الابيات تناسب القصه وحجمها حيث ان القصه يبيلها ابيات افضل من هذي

وننتظر جديدك

ديوان عامر يابو يوسف

بالشعر والقصص والالغاز واخبار الطقس والعلوم الزينه

تسجيل تواجد وحضور

ونشكر استاذنا غازي البراك على هذه الفكره الرائعه

مستعجل ولكن لي عوده

على قصة اخينا الرياضي

ابعلمكم بسالفتي انا

في احد سفراتي لاحدى الدول

والدوله هذي قايليلي بعض الربع اللي جوها تراها دوله اللي يروحلها يروح على وجهه ماعاد يرجع مثل وادي السباع

والله ونتوكل على الله انا واثنين حلفت عليهم انهم يخاووني واخذنا الهيل والقهوه والقدوع تعرفون هناك لازم نقند روسنا

وناخذ شناطنا واغراضنا ونقلع وتسع ساعات بالجو غير الوقوف بااحد المطارات بااحدى الدول بعد

سفرة متعبه يالله اني دخيلك لكن وش نسوي

يوم وصلنا المطار ونخلص امورنا بعد مااندبلت كبودنا بالزحمه وندورلنا تاكسي وهو يخطفنا هاك الواحد قال سياره معي ماتبون غيرها فل اوبشين كاملة مواصفات

وحنا لغتنا لك عليها ماتوكل عيش المهم ونروح معه مادرينا ان فيه سيارات للمطار توصل وش نسوي عليميه

المهم ونركب معه وهو يطير فينا

والله يجيركم

يدخلنا داخل احياء مشبوهه وناس تمشي واحياء فقيره وشيبان وحريم قاعدات على الارصفه

ول لاعادت من سفره لاوالله الا اكلناها

المهم قلنا ياولد انت وين مودينا حنا اتفقنا تودينا على الطريق الفلاني

قال لا بس ابمر البيت اخذ تلفوني ونكمل دربنا

وهي تغير وجيهنا قلنا لاتحاول ياتودينا ياننزل هنيه والله وهو يعطينا طاف

ونبتلش وش الحل

المهم وهو يوقفله عند عماره وهو ينزل ويخلينا بالسياره ونقعد نطالع ابعضنا ونطالع بالناس اللي يمشون اعوذبالله وهي تطير عقولنا قلنا يالربع عطونا الحل وش السواه

قالو الحل عندك انت اللي جايبنا

قلت وش رائكم ننزل وناخذ شناطنا وننحاش انا اتوقع ان الطريق السريع ورانا نشر لين يوقفلنا احد ونروح معه ان قعدنا هنيه جانا السائق ومعه شله واخذو اغراضنا وفلوسنا

عاد الله لايوريك فلوسنا ربطات ماتشيلها الشناط خخخخخخخ

وفي اثناء تداول الحديث انا واخوياي لمدة خمس دقايق قلوبنا ميته قاعدين نتشاور ههههههه على موضوع حياه اموت ببلاد والله لويدرون عنك الربع لتصير سالفتك على كل لسان هههههههه


المهم في اثناء الحديث نستكمل غدا باقي القصه ................ ههههههههه امزح


المهم في اثناء الحديث يوم هذا السائق جاي وهو يركب قال عسى ماتاخرت عليكم بس قلنا لا بالعكس حنا مرتاحين بهالجو الجميل هههههه وحنا بطونا تعورنا


والله وهو يقلع فينا ويودينا لديرتنا اللي جايين عشانها وهي تبعد عن المطار 250 كيلو وسوالف وتصوير وضحك


والله وناصلها ويصير هالسائق صديقنا وناخذ رقمه طلع اجودي وابن حلال حتى دلنا وعلمنا على بعض الامور

وابشركم رجع الواصل وهو سالم وغانم

وتمنيت اني كتبت شي لكن الوقت مااسعف واخوياي اللي معي ماهم شعار اتمنى ان السالفه اعجبتكم

تقبلو تحياتي


هههههههههههه