طاروق رائع بين صياف والواصل
الواصل
بالموقع اللي عند عبس اهل الوفا ذروة سنام = يامرحبا والطيب مبدا والدروب مسنعه
حنا نقول ان الكرامه قيمة بين الكرام = الله يــحي صــاحبي صياف واللـــي جـــامــعه
صياف
بالموقع اللي فيه حصلنا محبه واحترم = دام البقا باللي يحسب احساب لكن مجمعه
ترى السكوت احيان قالو خير من بعض الكلام =يشاعر اللي يوم غنا القاف عنا من سعه
الواصل
حنا انتظرناكم وجهزنا الكراسي قبل عام = ياللي تدور في جراهيد الصحاري منفعه
ماني منقصلك مقام ولاتنقصلي مقام = حنا بطريق ن واضح العنوان ماهو مقطعه
صياف
اثبت كلامك والهدف حطه على راس الزمام = لاتقوم تنحانا تضيع السالفه بالمعمه
خلك من المستهلك اللي مامنه غير الملام = واسمع مني شيا جديد ابلحظته يوم ابدعه
الواصل
جاتك رساله تطلب حضورك على قصر الامام = وترى الامام اللي بصم نص الرساله بااصبعه
والله ماارد اهل الماجوب عن باب السلام = بينتلك فكره لاجل حبل الوفا ماتقطعه
صياف
بعض الرسايل نصها مافيه حث ولاهتمام = واحيان تاتيك الرسايل من ثلاثه وربعه
الشجره اللي مابها ثمره ولاعشة حمام = ياليت من يحفر عن العرق الغشيش ويقطعه
الواصل
ترى الزياده بالعدد تعطيك زود الاحترام = ومن عقب مابشتك تشقق دور اللي يرقعه
ياهل الزروع اللي ثمرها لاحلال ولاحرام = عدو حصيل المزرعه واكلو حصيل المزرعه
حاصل على ترخيص من وزارة الثقافه والاعلام السعودي
طاروق رائع بين الواصل وصياف
العرض الشجري